DISÁ 60
Suluka Mukukolesa o Ukamba wé ni Jihova
Mukithangana kiwayi ni kudilonga o Bibidya, wadilongo ima yavulu ya lungu ni Jihova. Yoso iwadilongo yakolesa o henda yé kwa mwene. Eye nange wabhakula kya o mwenyu wé kwamwene eye wadibatizala. Se kakubatizala luwa nange wamuxinganeka kubhanga kiki kupholo dya kwenda. Maji o batizu kidyene o disukilu kana. Wabhingi kusuluka ni kukolesa o ukamba wé ni Jihova katé kuhádya ni hádya. Maji kyebhi ki utena kubhanga kiki?
1. Mukonda dyahi watokala kusuluka ni kukolesa o ukamba wé ni Jihova?
Twatokala kubhanga nguzu phala kusuluka ni kukolesa o ukamba wetu ni Jihova. Mukonda dyahi? Se ‘tu dyehelela, tu kunguluka’ kifwa phala ki tudisondolole kwa mwene. (Jihebelewu 2:1) Ihi itena kukukwatekesa kusuluka ni kusidivila Jihova ni ufiyele woso? Twabhingi kuboka ithangana yoso ni kusota maukexilu a kubhanga dingi mu sidivisu ya Jihova. (Tanga Filipe 3:16.) Kusidivila Jihova kyene o kima kyabeta kota kitutena kubhanga ku mwenyu wetu!—Jisálamu 84:10.
2. Ihi dingi iwatokala kusuluka ni kubhanga?
Sumbala eye wala kya kudisukilu kwakudilonga o divulu didi, o mwenyu wé kala selevende ya Jihova wamumateka ngó kindala. O Bibidya yamba kwila twabhingi ‘kuzwata o ukexilu wa ubhe’ kifwa kukayela o idifwa ya Jihova katé bhwoso bhwa suku o nguzu yetu. (Efezu 4:23, 24) Phala kiki kibhite, kubhinga kusuluka kudilonga o Bibidya ni kuya mu yônge. Se tusuluka mukudilonga ima ya ubhe ya lungu ni Jihova ni idifwa yê, kulungulula ima ku mwenyu wetu, twanda sangulukisa o muxima wa Tata yetu Jihova.
3. Kyebhi Jihova kyanda kukwatekesa kukolesa o ukamba wé ni mwene?
O Bibidya yamba: ‘Nzambi . . . wandazubha o ku milonga. Mwene wanda miswinisa, wanda mikolesa ni ku mikolokotesa.’ (1 Phetele 5:10) Etwenyoso twene mudibhana ni jitendasá, maji Jihova utubhana yoso itwabhindamena phala kusuluka ni kukala fiyele kwa mwene. (Jisálamu 139:23, 24) Mwene ukanena kubhana o hanji ni kutena phala ku musidivila ni ufiyele woso.—Tanga Filipe 2:13.
DILONGE DINGI
Tala kyebhi ki utena kusuluka ni kukolesa o ukamba wé ni Jihova ni kukala ni mabesá mê ku mwenyu.
4. Suluka ni kuzwela ni Dikamba dyé dya kazola
Kusamba ni kudilonga o Bibidya kwa kukwatekesa kukala dikamba dya Jihova. Maji kyebhi o ima yiyi, itena kukukwatekesa kuzukama dingi kwa mwene?
Tanga Jisálamu 62:8, mukusuluka bhanga o kibhwidisu kya kayela:
-
Kyebhi ki utena kukolesa o ukamba wé ni Jihova, mu kujikula o muxima wé kwa mwene?
Tanga Jisálamu 1:2, mukusuluka bhanga o kibhwidisu kya kayela:
-
Kyebhi ki utena kukolesa dingi o ukamba wé ni Jihova mu kukatula dingi mbote mu kitangelu kyé kya Bibidya?
Ihi i utena kubhanga phala kukatula dingi mbote mu kitangelu kyé kya Bibidya? Phala kumona jindunge jitena kukukwatekesa, tala OVIDYU, mukusuluka bhanga o ibhwidisu ya kayela.
-
Jindunge jebhi jiwamono mu vidyu, jiwamesena kukayela?
-
Maka ebhi uwamesena kudilonga?
5. Suwa jimbambe munzumbi phala kusidivila Jihova mu maukexilu engi
Kusuwa jimbambe mu sidivisu ya Jihova, kwanda kolesa dingi o ukamba wé ni mwene. Tala OVIDYU, mukusuluka bhanga o kibhwidisu kya kayela.
-
Mukonda dyahi kyexile kima kyambote phala mana Cameroni kuxinda jimbambe munzumbi?
Ko jiphange joso atena kuya mu ixi yengi phala kukwatekesa o kikalakalu kya kuboka. Maji etwenyoso tutena kusuwa jimbambe munzumbi. Tanga Jisabhu 21:5, mukusuluka zwelenu ya lungu ni jimbambe jiwamesena kusuwa . . .
-
mu kilunga.
-
mu ukunji.
Kyebhi o kibatulu kiki, kikukwatekesa kukumbidila o jimbambe jé?
Jimbambe ji utena kusuwa mba kuxinda
-
Kusamba ni muxima woso.
-
Kutanga o Bibidya yoso.
-
Kwijiya o jiphange joso mu kilunga.
-
Kumateka kulonga o Bibidya ku muthu.
-
Kusidivila kala muboki wa ithangana ni ithangana mba muboki wa thembu yoso.
-
Se uphange yadiyala, bhanga yoso phala kukala mukwatekexi wa tufunga.
6. Sanguluka katé kuhádya ni hádya!
Tanga Jisálamu 22:26, mukusuluka bhanga o kibhwidisu kya kayela:
-
Ihi i utena kubhanga phala kusanguluka kindala ni kuhádya?
IHI IWADILONGO
Suluka ni kukolesa o ukamba wé ni Jihova ni kusuwa jimbambe mu nzumbi. Mukubhanga kiki wanda tena kusanguluka katé kuhádya ni hádya!
Kubhitulula
-
Mukonda dyahi utena kudyelela kwila, Jihova wanda kukwatekesa ku musidivila ni ufiyele woso?
-
Kyebhi ki utena kukolesa o ukamba wé ni Jihova?
-
Mukonda dyahi kukala ni jimbambe mu nzumbi kutena kukolesa o ukamba wé ni Jihova?
TOKWESA DINGI
Jihova ubhana dingi valolo mu ihi? Mu kima kyakatunda kitubhanga phala kulondekesa kwila twa muxikana, inga kukala fiyele kwa mwene izuwa yoso ya mwenyu wetu?
Né mwene selevende ya fiyele ya Jihova utena kuluwala. Tala kyebhi kyatena kusanguluka dingi.
Sota Kusanguluka Dingi mu Kudilonga ni Kuxinganeka mu Milongi (5:25)
Kyebhi ki utena kusola jimbambe ni ku jikumbidila?
“Suwa Jimbambe Jibhana Kijingu ku Mubhangi wé” (O Mulangidi, 15 wa Kavwa wa 2004 mu Phutu)
Mukonda dyahi kima kyambote kukala muthu wakulu munzumbi? Kyebhi ki utena kukala muthu wakulu munzumbi?
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
