LONGI DIA 60
Kwamanana Siamisa Kikundi Kiaku yo Yave
Mu nkanda wau, mayingi olongokele mu kuma kia Yave. Mambu mama olongokele mafididi mu toma zola Yave yo baka nzengo za kukiyekola kwa yandi yo vubwa. Avo kwavubilu ko, nanga se wavanga wo ke kolo ko. Kansi, lunungunuku lwaku ke lufokokela mu luvubu ko. Ofwete kwamanana siamisa kikundi kiaku yo Yave. Aweyi olenda wo vangila?
1. Ekuma ofwete kwamanena siamisina kikundi kiaku yo Yave?
Tufwete vanganga ngolo muna kwamanana siamisa kikundi kieto yo Yave. Ekuma? “Kimana twalembi vukumunua,” yovo vambuka yo Yave. (Ayibere 2:1) Nkia diambu dilenda kutusadisa mu kwamanena sadila Yave ye kwikizi? Tufwete kwamanana samuna e nsangu zambote yo vavanga mpila zankaka tulenda wokesela e salu kia Yave. (Tanga Filipi 3:16.) O sadila Yave i diambu disundidi o mfunu muna zingu.—Nkunga 84:10.
2. Nkia mambu mankaka ofwete kwamanana vanga?
Kanele vo e longi diaku dia Bibila kumfoko se dina, o lwalu i lubantiku lwa zingu kiaku muna salu kia Yave. E Bibila kivovanga vo tufwete “vuata kiawuntu kiampa,” ediadi disongele vo tufwete vanganga e ngolo mu tanginina kiwuntu kia Yave. (Efeso 4:23, 24) Muna vanga wo, tufwete kwamanana longoka e Bibila yo lungananga muna tukutakanu. Avo tukwamanene longoka mambu mampa mu kuma kia Yave ye fu yandi yo vanga e nsobani zivuilu o mfunu muna zingu kieto, tuyangidika ntim’a Yave wa se dieto dia zulu.
3. Aweyi Yave kekusadisila kimana wakwamanana nungunuka?
Bibila kivovanga vo: “Nzambi . . . yandi kibeni okunukubika. Okunusikidisa, okunukumika yo toma kunusiamisa.” (1 Petelo 5:10) Yeto awonso tunuananga ye ntonta za vanga mambu mambi. Kansi, Yave okutuvananga lusadisu tuvuidi o mfunu muna sunda ntonta zazi. (Nkunga 139:23, 24) Osianga nsilu vo okuvana luzolo yo nkuma kimana wansadila ye kwikizi kiawonso.—Tanga Filipi 2:13.
ZAYA DIAKA MANKAKA
Tala una olenda kwamanena siamisina kikundi kiaku yo Yave yo vua e nsambu zandi.
4. Kwamanana mokena yo wila Nkundi aku osundidi
O samba yo longoka e Bibila, disadisi mu kala nkundi a Yave. Kansi, aweyi mambu mama mekusadisila mu toma finama Yave?
Tanga Nkunga 62:8, i bosi, vana e mvutu za kiuvu eki:
-
Aweyi olenda tomesena e sambu yaku muna siamisa kikundi kiaku yo Yave?
Tanga Nkunga 1:2 ye mvovo vana yand’a lukaya, i bosi, vana e mvutu za kiuvu eki:
-
Aweyi olenda tomesena e longi diaku dia Bibila muna siamisa kikundi kiaku yo Yave?
Aweyi olenda bakila e nluta muna longi dia ngeye kibeni? Muna zaya mana olenda vanga tala e VIDEO, i bosi, vana e mvutu za yuvu ilende.
-
Nkia ndekwa omwene muna video olenda sadila muna longi diaku?
-
Nkia mambu ozolele longoka?
5. Kala ye makani ma mwanda
O kala ye makani muna salu kia Yave, dikusadisa mu kwamanana siamisa e kikundi kiaku yo yandi. Tala e VIDEO, i bosi, vana e mvutu za kiuvu kilende.
-
Nze una omwene muna video, e makani ma mwanda Cameron kayisila, nkia nluta mantwasila?
Ke wantu awonso ko balenda kwenda yikama e salu kia umbangi muna nsi zankaka. Kansi yeto awonso tulenda kuyisila makani mana tulenda lungisa. Tanga Ngana 21:5, i bosi, yindula kana nkia makani olenda kuyisila . . .
-
muna nkutakani.
-
muna salu kia samuna e nsangu zambote.
E sono kiaki, aweyi kilenda kusadisila mu lungisa makani maku?
Makani mankaka olenda kuyisila
-
Tomesa e sambu yaku.
-
Tanga e Bibila kiawonso.
-
Vava zaya mpangi zawonso muna nkutakani.
-
Yantika longoka e Bibila yo muntu.
-
Sala se mviti a nzila a nsadisi yovo a ngonde ke ngonde.
-
Avo u mpangi ayakala, olenda kuyisila e kani dia kituka selo kia salu.
6. Zinga ye kiese yakwele mvu!
Tanga Nkunga 22:26, i bosi, vana e mvutu za kiuvu eki:
-
Nkia diambu ofwete vanga kimana wakala ye zingu kiakiese tuka owau yakwele mvu?
MAMBU MASINA MA LONGI DIADI
Kwamanana siamisa kikundi kiaku yo Yave yo kuyisila makani ma mwanda. Avo ovangidi wo, olenda kala ye zingu kiakiese tuka owau yakwele mvu.
Nkia Mambu Olongokele?
-
Ekuma olenda kadila ye ziku vo Yave okusadisa kimana wansadila ye kwikizi kiawonso?
-
Aweyi olenda siamisina kikundi kiaku yo Yave?
-
O kala ye makani ma mwanda, aweyi dilenda kusadisila mu siamisa kikundi kiaku yo Yave?
TALA MPE OMA MALENDE
Adieyi Yave keyangalelanga: Vangu dimosi diampwena dia lukwikilu yovo kunsadila ye kwikizi muna zingu kiaku kiawonso?
Kana nkutu selo kia kwikizi kia Yave olenda vidisa kiese kiandi. Tala una olenda vutukila diaka kiese kiaku.
Aweyi olenda kuyisila makani ma mwanda yo vanga ngolo muna lungisa mo?
“Estabeleça Alvos Espirituais que Glorifiquem seu Criador” (Eyingidilu dia 15 dia Yuli, 2004)
O kala Nkristu wazikuka, ekuma dinina diamfunu? Aweyi olenda kitukila Nkristu wazikuka?
Twenda Yakuna Nzikuka Kadi “E Lumbu Kianene kia Yave Kifinamene” (Eyingidilu dia 15 dia Mayu, 2009)
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
