MURU 60
Dowananive Limbi-a Usamwalinyu na Yehova
Vathawi yetene ineyo mukalile nyo mufunjedanga Baibulo, muiziwa vyongo vinjinji vyokuza Yehova. Vyevyo mufunjedile nyo viukami-ani ira mumuwomeliwengana vinjinji fiya voi moosakula vipeleka wa liye koma teto badiziwa. Koma akala kamubadiziwile, mwina munoganizela vyoi mubadiziwe chineneeva. Komave ngakale mungabadiziwile munafuneela dowanave limbi-a usamwalinyu na Yehova. Munokoza kala vausamwali na Yehova mpakana walewale. Kodi munaire avi vyevi?
1. Chifukwa n’ni munafuneela dowanave limbi-a usamwalinyu na Yehova?
Iyo etene ninafuneela panga tindi ira nilimbi-e usamwali-u na Yehova. Ninafuneela panga vyevi “ira kanilandeye vang’onovang’ono” no-iya muroromela. (Aheberi 2:1) Ndiye chin’ni inanikami-e ira nidowenave tumikela Yehova mororomeleya? Ninoira vyevi voesaesa inda chito yolaleela mwatindi nofwanya ndila dimo-idiwa dowenjedela utumiki-u. (Welengani Afilipi 3:16.) Kavali yongo yapama kwaranya tumikela Yehova! — Salimo 84:10.
2. Kodi munafuneela dowanave ira n’ni?
Ngakale ira mumari-a funjeda bukuli, koma viikala vyongo vinjinji vyevyo munafuneela nyo dowanave viira monga Mkiristu. Baibulo linaonga ira ninafuneela “wara umuthu usha.” (Aifeso 4:23, 24) Munoza muiziwe vyongo vinjinji vyokuza Yehova na makalelwaye mwadowanganave funjenda Mawu a Mulungu koma teto fwanyeya vamisonkano da mpingo. Muesaesenga sazi-eda makalelo a Yehova koma teto chenja moywinyu na yolinga yoi mumuwomeli-e Yehova.
3. Kodi Yehova unaza aukami-ani avi ira mudowenave kala vausamwali na liye?
Baibulo linaonga ira: “Mulungu . . . unoza amari-e ufunji-ani. Unoza aulimbi-eni, nouva-ani kopolo.” (1 Petulo 5:10) Iyo etene ninoshishiwa ira nipange vyongo vyotakala. Koma Yehova unoniva-a vyongo vyetene vyevyo ninafuneela iyo ira kanigonje voshishiwa. (Salimo 139:23, 24) Liye unolonjeza ira unoza auva-eni kopolo koma teto murima ofunechecha mutumikela ira mudowenave mutumikela mororomeleya. — Welengani Afilipi 2:13.
FUNJEDANI VYOWENJEDELEYA
Onani vyevyo munaire nyo ira mudowenave limbi-a usamwalinyu na Yehova koma teto mwemo Yehova munaudaliseleni liye.
4. Kamu-iye ongi-ana na Yehova
Vofiya vano Yehova ngu fwinyu wavamurima chifukwa mukala mupepelanga nofunjeda Baibulo. Kodi dowanave panga vyevi unaukami-eni avi ira mulimbi-e usamwalinyu na Yehova?
Welengani Salimo 62:8, era eeno tapanyani yofuka yo-arelela:
-
Ira mulimbi-e usamwalinyu na Yehova, kodi viikala vyongo vyevyo munaona nyo ira munofuneela chenja mwaganizela vyevyo munamuwandela nyo mwapepelanga?
Welengani Salimo 1:2, era eeno tapanyani yofuka yo-arelela:
-
Ira mulimbi-e usamwalinyu na Yehova, kodi munaire n’ni ira welenga Baibulo uukami-engani vinjinji?
Kodi munapanga n’ni ira mupindulenga vinjinji mwawelenganga Baibulo? Ira muone vyevyo vinaukami-eni, onelani VIDIYO, era eeno tapanyani vyofuka vyo-arelavi.
-
Vamakundo anayo karomoliwe muvidiywela, kodi mbamakundo aavi anayo munawomeluwenyo a-indi-eda chito?
-
Tikhani diivi dedo munawomeluwenyo difunjeda?
5. Mukaengana vyolinga vyowenjedela vyevyo munaira nyo votumikela Yehova
Munodowanave kala vausamwali olimba na Yehova mwakaangana vyolinga vyowenjedela vyevyo munaira nyo vomutumikela. Onelani VIDIYO, era eeno tapanyani yofuka yo-arelela.
-
Muvidiywela, kodi kaana vyolinga vyoira vinjinji muutumiki wamukami-ile avi Cameron?
Kai atumiki a Yehova etene anayo kanadowe uilambo imo-iwene dowa laleela. Komave iyo etene ninokoza kaana vyolinga vyoira vinjinji muutumiki. Welengani Miyambo 21:5, era eeno ganizelani vyolinga vyevyo munawomeluwenyo vikwakwaneli-eda . . .
-
mupingo.
-
va chito yolaleela.
Kodi likundo la mulembali linaukami-edeni avi ira mukwakwaneli-ede vyolinga vinyu?
Vyolinga vyevyo munakaenanyo
-
Panga mapempelo apama vinjinji.
-
Welenga Baibulo letene.
-
Iziwana na abali na arongola etene mupingo mwinyu.
-
Ambeeli-a koma teto pangi-a punzilo la Baibulo.
-
Panga upainiya okami-a kapena ogarateya.
-
Akala muli m’bali, esaesa ira mukale mtumiki okami-a.
6. Sangalalani na moyo mpakana walewale
Welenani Salimo 22:26, era eeno tapanyani yofuka yo-arelela:
-
Kodi munaire avi ira muze mukaena moyo mpakana walewale?
VYEVYO NIFUNJEDILE IYO
Dowananive limbi-a usamwalinyu na Yehova koma teto kaana vyolinga vyoi muire vinjinji votumikela Yehova. Mwera eeno, munokoza za kaana moyo mpakana walewale.
Vyofuka Vyoweli-eda
-
Chifukwa n’ni kamunafuneela kaikela ira Yehova unoukami-ani ira mudowenave mutumikela mororomeleya?
-
Kodi munalimbi-e avi usamwalinyu na Yehova?
-
Kodi kaana vyolinga vyoi muire vinjinji vomutumikela Yehova unaukami-eni avi ira mudowenave kala vausamwali na liye?
ONANI VIMO-I
Kodi Yehova unaona ira yofuneya vinjinji chin’ni, vaari voira vyongo mororomeleya ndila imo-i, nokala ororomeleya wa moywi-u wetene?
Ngakale mtumiki wa Yehova ororomeleya unokoza iya kala osangalala votumikela Yehova. Onani vyevyo munaire nyo ira muawambeele akoka sangalala.
Kodi munapange avi ira mukaena vyolinga vyauzimu novikwakwaneli-eda?
“Khalani ndi Zolinga Zauzimu Kuti Mulemekeze Nazo Mlengi Wanu” (Nsanja ya Olonda, July 15, 2004)
Chifukwa n’ni Mkiristu unafuneela dowanave limbi-a usamwalaye na Yehova? Nanga unaire avi vyevi?
