An dësem Bibelcours hues du vill iwwer Jehova geléiert. Duerch dat, wat s du geléiert hues, ass deng Léift zu him esou grouss ginn, datt s du dech him warscheinlech higinn hues an dech deefe gelooss hues. Wann s du nach net gedeeft bass, denks du vläicht doriwwer no, dëse Schrëtt ze maachen. Och no der Daf kanns du dir weider Ziler setzen. Du kanns deng Frëndschaft mat Jehova ëmmer weider verdéiwen – an dat bis an all Éiwegkeet.

1. Firwat solls du ëmmer weider an deng Frëndschaft mat Jehova investéieren?

Et ass wichteg, ëmmer weider un der Frëndschaft mat Jehova ze schaffen. Firwat? „Damit wir niemals abdriften“ (Hebräer 2:1). Wat hëlleft dir, Jehova weider trei ze déngen? Géi reegelméisseg an de Priedegtdéngscht a sich no Méiglechkeeten, dech nach méi fir Jehova anzesetzen. (Lies Philipper 3:16.) Jehova ze déngen ass dat Bescht, wat een an sengem Liewe maache kann! (Psalm 84:10).

2. Wéi eng gutt Gewunnechte solls du bäibehalen?

Däi Bibelcours geet zwar elo op en Enn, awer däi Liewen als Chrëscht fänkt eréischt un. D’Bibel seet, datt mir „déi nei Perséinlechkeet undoe“ sollen (Epheser 4:23, 24). Wann s du weider d’Bibel studéiers an an d’Versammlunge gees, léiers du ëmmer Neies iwwer Jehova an seng Perséinlechkeet kennen. Probéier ëmmer méi, ewéi Jehova ze denken an ze handelen. Sief bereet, weider un dir ze schaffen, fir Jehova ze gefalen.

3. Wéi hëlleft Jehova dir, am Glawe staark ze bleiwen?

D’Bibel seet: „Gott … [wird] eure Schulung selbst beenden. Er wird euch festigen, er wird euch stärken, er wird euch festen Halt geben“ (1. Petrus 5:10). Jiddweree vun eis gëtt mat Versuchunge konfrontéiert. Awer Jehova weist eis, wéi mir hinne widderstoe kënnen (Psalm 139:23, 24). Jehova huet eis versprach, datt hien eis esouwuel de Wonsch ewéi och d’Kraaft gëtt, him trei ze déngen. (Lies Philipper 2:13.)

 AN DEN DETAIL GOEN

4. Schwätz ëmmer mat dengem beschte Frënd a lauschter him no

Duerch d’Gebiet an de Bibelstudium ass Jehova zu dengem Frënd ginn. Wéi kann deng Frëndschaft mat Jehova méi enk ginn, wann s du dës Gewunnechte bäibehäls?

Psalm 62:8 liesen. Dozou dës Fro:

• Wat kéints du un denge Gebieder verbesseren, fir deng Frëndschaft mat Jehova weider ze stäerken?

Psalm 1:2 an d’Foussnout liesen. Dozou dës Fro:

• Wat kéints du un dengem Bibelliese verbesseren, fir deng Frëndschaft mat Jehova weider ze stäerken?

Wéi kanns du nach méi vun dengem perséinleche Bibelstudium profitéieren? De VIDEO kucken an dës Froe beschwätzen:

• Wat fir eng vun dëse Virschléi kéints du ëmsetzen?

• Wat fir Theeme géifs du gär studéieren?

 FAZIT

Setz dir Ziler am Déngscht fir Jehova a verdéif deng Frëndschaft mat him. Da bass du fir ëmmer glécklech!

Réckbléck

• Firwat kanns du dir sécher sinn, datt Jehova dir hëlleft, him trei ze bleiwen?

• Wat kanns du maachen, fir eng méi enk Frëndschaft mat Jehova ze hunn?

• Wéi kënnen dir Ziler hëllefen, weider Fortschrëtter ze maachen?