Misamu miamingi wayizi longoka mu ndongokolo yi ya Bibila. Misamu mi wayizi longoka miasiri ti watomo zolo Yehova, watihana kwe Yandi mpe wabatusu. Peleko ni bo ta waya mu sa mu bilumbu bita kwiza. Kâ ha manima ma bateme’aku ku fweti’â wabika ko mu kwenda ku matu. Lendi tatamana mu pusana kwe Yehova ntangu zazansoni. Ngano bwe?

1. Mu bungu dia nti fweti tatamana mu kurisa tindiku tiaku na Yehova?

Tufweti tatamana mu sarila ngolo mu yika ngolo tindiku tieto na Yehova. Mu bungu dia nti? “Ngatu talembo hengama” na Yandi. (Bahebre 2:1) Ngano nti bitubakisa mu tatamana mu sarila Yehova na kwikama kwakwansoni? Tulendi bâ na tisalu tiatingi mu tisalu tia samuna mpe tadinga mpila zakaka zi tutomo mu sarila. (Tanga Bisi-Filipe 3:16.) Sarila Yehova ni tima tiyôkele mu luzingu lweto!​—Mikunga 84:10.

2. Ngano nti fweti tatamana mu sa?

Ni bu sa ti ndongokolo yi ya Bibila yiwiri bwawu bu, luzingu lwaku lwa bukristo mbo lutatamana. Bibila ditêle ti “lwata timuntu tia môna.” (Bisi-Efeze 4:23, 24) Bu kwe tatamane mu longoka Bibila na mu kwenda ku tukutakanu twa timvuka, misamu mia môna longoka mu Yehova na bifu biandi bia mbote. Dinga mpila zitomo landila bifu biandi mu luzingu lwaku. Tatamana mu sa nsobolo zifwanakane mu yangirika Yehova.

3. Bwe Yehova kakubakisila mu kwenda ku matu?

Bibila ditêle: “Nzambi [. . .] mbo kasukisa ndongokolo’eno. Mbo, kalusiamisa, mbo kaluyika ngolo, mbo kalusikamasa.” (1 Piere 5:10) Beto bansoni ntontolo tubwabanaka na zo. Kâ Yehova mbo katuhanaka bio bie neto nsatu mu telemana zo. (Mikunga 139:23, 24) Tu kanisini ti mbo katuhana nsatu na ngolo za mu bâ ba kwikama.​—Tanga Bisi-Filipe 2:13.

 YIKA NDILU

4. Tatamana mu zonza na Ndiku’aku yiyôkele

Lusambulu na ndongokolo ya Bibila biakubakisi mu bâ ndiku ya Yehova. Bwe misamu mio milendi ku bakisila mu tomo pusana kwe Yandi?

Tangeno Mikunga 62:8, mpe zonzeleno tiyuvu eti:

• Mu kurisa tindiku tiaku na Yehova, bwe lendi tomesena tusambululu twaku?

Tangeno Mikunga 1:2 na note, mpe zonzeleno tiyuvu eti:

• Mu kurisa tindiku tiaku na Yehova, bwe lendi tomesena ntangulu’aku ya Bibila?

Bwe lendi tomo bakila ndandu mu ndongokolo’aku ya Bibila? Mu baka mabanza makaka, taleno VIDEO, mpe zonzeleno biyuvu bita landa.

• Ntia mabanza ma mu video lendi sarila?

• Ntia mutu-diambu zololo mu longoka?

 MU BUKUFI

Tatamana mu kurisa tindiku tiaku na Yehova mpe bâ na makani ma timpeve. Buna lendi bâ mu nsayi ntangu zazansoni!

Biyuvu bia mbambukulu

• Mu bungu dia nti lendi bâ na lukwikulu ti Yehova mbo kakubakisa mu bâ wa kwikama kwe Yandi?

• Bwe lendi kurisila tindiku tiaku na Yehova?

• Bwe makani ma timpeve makubakisa mu kwenda ku matu?