CIIYO 60
Amutolelele Kuya Panembo
Mweeya shiinji pali Yehova kwiinda mulibuku ili. Nshomweeya shamucafwa kusuna Yehova abuumbi cakwaamba ayi mpashi mwakalyaaba kuli nguwe akubombekwa. Na tamuna kucita boobo, mpashi mutoyeeya kucita boobo conoono. Nacibi boobo, kubombekwa teshi ngomamanino akuya panembo. Inga mwatolelela kuyumya bushicibusa bwanu a Yehova kwamuyayaya. Munshila nshi?
1. Ino nceebonshi mulyeelete kutolelela kuyumya bushicibusa bwanu a Yehova?
Tulyeelete kusebensa cankusu kwaamba ayi tutolelele kuyumya bushicibusa bwesu a Yehova. Ino nceebonshi? “Kwaamba ayi tutakasoweki” kuswa kuli nguwe. (Bene Ebulu 2:1) Ino nciinshi ceenga catucafwa kutolelela kusebensela Yehova cakushomeka? Nkuba ashakucita shiinji muncito yakushimikila akulangoola nshila shimwi mbweenga twasebensela Lesa cakushikaawo. (Amubelenge Bene Filipi 3:16.) Kusebensela Yehova njo ncito ibotu kwiindaawo!—Kulumbaisha 84:10.
2. Ino nciinshi cimwi ncomweelete kutolelela kunoocita?
Nabi kwaamba ayi ciiyo ca Baibo ici citooya mukumana, buumi bwanu mbuli Mwineklistu bulaakutolelela. Baibo ilaamba ayi “amufwale buntu bupya.” (Bene Efeso 4:23, 24) Kutolelela kwiiya Maswi akwe Lesa akucanika kumabungano kulaakumucafwa kwiiya shintu shipya pali Yehova amibo yakwe. Amweeleshe kubona nshila mbweenga mwakonkela mibo yakwe Yehova mubuumi bwanu. Amutolelele kwaaluka mumbasu shili shoonse shitoyandika kwaamba ayi musangalashe Yehova.
3. Ino Yehova alaakumucafwa buyani kuya panembo?
Baibo ilaamba ayi: ‘Lesa . . . alaakumanisha lwiiyo lwanu. Alaakumuyumya, kumupa nkusu alimwi akumubika palwiimbi luyumu.’ (1 Pita 5:10) Soonse tulacana meelesho. Nacibi boobo, Yehova alatupa nkusu nshetuyandika kwaamba ayi tutolelele kuyuma. (Kulumbaisha 139:23, 24) Washomesha kwaamba ayi alaakumupa kusuna ankusu shakwaamba ayi mucikoonshe kumusebensela cakushomeka.—Amubelenge Bene Filipi 2:13.
AMWIIYILEWO ASHIMWI
Amwiiye nsheenga mwaciita kwaamba ayi mutolelele kuya panembo akubona shoolwe Yehova nsheshi akamupe.
4. Amutolelele kubandikishanya ashicibusa wanu wiinditeewo
Kupaila akwiiya Baibo shamucafwa kuba shicibusa wakwe Yehova. Ino kutolelela kucita shintu ishi inga kwamucafwa buyani kuyumya bushicibusa bwanu anguwe?
Amubelenge Kulumbaisha 62:8, akubandika mwiipusho uyu:
-
Ino inga mwacita buyani kwaamba ayi mipailo yanu iyumye bushicibusa bwanu a Yehova?
Amubelenge Kulumbaisha 1:2, akubandika mwiipusho uyu:
-
Ino inga mwacita buyani kwaamba ayi kubelenga Baibo kwanu kuyumye bushicibusa bwanu a Yehova?
Ino inga mwacita buyani kwaamba ayi nshemwiiya paciiyo ca Baibo capalwaanu shimucaafwe? Kwaamba ayi mubone nsheenga mwaciita, amweebele VIDYO, lyalo akubandika miipusho itokonkelaawo.
-
Ino ni nshila ili njeenga mwasuna kukonkela pasheesho shaambwa muvidyo?
-
Ino ngamakani ali ngeenga mwasuna kwiiya?
5. Amuyeeye nsheenga mwasuna kukumanisha muncito yakwe Yehova
Kuyeeya nsheenga mwasuna kukumanisha muncito yakwe Yehova kulaakumucafwa kutolelela kuya panembo. Amweebele VIDYO, lyalo akubandika mwiipusho utokonkelaawo.
-
Kweelana anshomweebela muvidyo, ino kuyeeya nsheenga wasuna kukumanisha muncito yakwe Yehova kwakamucafwa buyani Cameron?
Nabi kwaamba ayi teshi uli woonse weenga wacikonsha kuya mukushimikila kucishi cimwi, soonse inga twayeeya nsheenga twasuna kukumanisha kweelana abukaalo bwesu. Amubelenge Tushimpi 21:5, lyalo akubandika nsheenga mwasuna kukumanisha . . .
-
mulibungano.
-
muncito yakushimikila.
Ino njiisho yaambwa muvesi iyi inga yamucafwa buyani kukumanisha nshomusuni kucita?
Nsheenga mwasuna kukumanisha
-
Kwaamba mipailo iswa panshi lya moyo.
-
Kubelenga Baibo yoonse.
-
Kubashiba kabotu boonse bamulibungano lyanu.
-
Kucana muntu usuni kwiiya Baibo akutalika kumwiisha.
-
Kusebensa bupainiya bwakucafwilisha na bwaciindi coonse.
-
Na muli mukwesu, amusebense cankusu kwaamba ayi mweelele kuba musebenshi ucafwilisha.
6. Amusangalale abuumi kwamuyayaya!
Amubelenge Kulumbaisha 22:26, akubandika mwiipusho uyu:
-
Ino inga mwacita buyani kwaamba ayi musangalale abuumi pacecino ciindi akwamuyayaya?
CITEENTE CINENE
Amutolelele kuyumya bushicibusa bwanu a Yehova akuyeeya nsheenga mwasuna kukumanisha lwakumushimu. Lyalo inga mwasangalala abuumi kwamuyayaya!
Kwiindulukaamo
-
Ino nceebonshi inga mwashoma cakutatoonsha kwaamba ayi Yehova alaakumucafwa kumusebensela cakushomeka?
-
Ino inga mwacita buyani kwaamba ayi muyumye bushicibusa bwanu a Yehova?
-
Ino kuba ansheenga mwasuna kukumanisha lwakumushimu inga kwamucafwa buyani kuya panembo?
AMULANGWETEEWO ASHIMWI
Ino nciinshi Yehova ncaabona ayi cilayandika abuumbi, sa nkucitabo cintu cimwi linkanda lyomwi citondesha kwaamba ayi twakalyaaba kuli nguwe na nkutolelela kushomeka kuli nguwe bushiku abushiku?
Musebenshi wakwe Yehova ushomeka alakwe inga wacileka kuba alusangalalo. Amubone sheenga shamucafwa kuba alusangalalo alimwi.
Amube Alusangalalo Alimwi Kwiinda Mukwiiya Akuyeeyawo (5:25)
Ino inga mwacita buyani kwaamba ayi musale shakucita shakumushimu, lyalo akushikumanisha?
Ino nceebonshi kuba ushimpite lwakumushimu kulayandika, alimwi ino inga mwacita buyani kwaamba ayi mushimpe?
You May Also Like
MIIPUSHO LIINJI BANTU NJOBEPUSHA
Ino Nshiinshi Nsheenga Mweeya Ndyemutokwiiya Baibo a Bakamboni Bakwe Yehova?
Ndyemutokwiiya Baibo a Bakamboni Bakwe Yehova kwakubula kulipila, inga mwasebensesha Baibo ili yoonse. Mulyangulukite kwiitako bamumukwashi wanu na beshicibusa banu bali boonse mbweenga mwasuna kucanikaawo paciiyo.
