TUTO 60
Muzwelepili Kueza Hande
Mwa buka ye kaufela, muitutile litaba zeñata ka za Jehova. Litaba zemuitutile litahisize kuli mulate hahulu Jehova mi mwendi mane muineezi ku yena ni kukolobezwa. Haiba hamusika eza kale cwalo, mwendi musweli mwanahana za kueza cwalo kwapilinyana. Kono mukatokwa kuzwelapili kueza lika zeñwi niha semukolobelizwe. Mwakona kuzwelapili kusutelela ku Jehova kuya kuile. Mukona kueza cwañi cwalo?
1. Ki kabakalañi haluswanela kuzwelapili kutiisa silikani saluna ni Jehova?
Luswanela kueza molukonela kaufela kuzwelapili kutiisa silikani saluna ni Jehova. Libaka? “Kuli lusike lwayauluka nikamuta.” (Maheberu 2:1) Ki lika mañi zekona kulutusa kuzwelapili kusebeleza Jehova ka busepahali? Lwakona kupateha mwa musebezi wa kukutaza ni kubata linzila zeñwi hape molukona kusebeleza Mulimu ka kutala. (Mubale Mafilipi 3:16.) Kusebeleza Jehova kona nto ya butokwa hahulu mwa bupilo bwaluna!—Samu 84:10.
2. Ki lika mañi zeñwi zemuswanela kuzwelapili kueza?
Nihaike kuli mutuha mufeza kuituta tuto ya Bibele ye, mutokwa kuzwelapili kupila sina Mukreste. Bibele ibulela kuli lutokwa “kuapala butu bobunca.” (Maefese 4:23, 24) Hamunze muzwelapili kuituta Linzwi la Mulimu ni kufumanehanga kwa mikopano ya puteho, mukaituta lika zenca ka za Jehova ni tulemeno twahae. Mubone momukona kulikanyiseza hahulu butu bwa Jehova mwa bupilo bwamina. Muzwelepili kueza licinceho zetokwahala kuli mutabise Jehova.
3. Jehova uka mitusa cwañi kuzwelapili kueza hande?
Bibele ibulela kuli: “Mulimu . . . ukafeleleza kumiluta. Uka mifa maata, uka mitiisa.” (1 Pitrosi 5:10) Kaufelaa luna lwakopananga ni miliko. Kono Jehova walutusanga kuitiisa. (Samu 139:23, 24) Jehova ulusepisa kulufa takazo ni maata, ili zeka lutusa kumusebeleza ka busepahali.—Mubale Mafilipi 2:13.
MUBATISISE
Munyakisise zemukona kueza kuli muzwelepili kueza hande mi mubone mwakona kumifuyaulela Jehova.
4. Muzwelepili kuambolanga ni Mulikanaa mina yomutuna
Lika zemitusize kuba mulikanaa Jehova ki kulapelanga ku yena ni kuituta Bibele. Lika zepeli zeo likona kumitusa cwañi kuli mane musutelele hahulu ku Jehova?
Mubale Samu 62:8, mi kihona mukanyakisisa puzo yelatelela:
-
Ki licinceho mañi zemukona kueza ka za litapelo zemulapelanga kuli mutiise silikani samina ni Jehova?
Mubale Samu 1:2, mi kihona mukanyakisisa puzo yelatelela:
-
Ki licinceho mañi zemukona kueza ka za momubalelanga Bibele kuli mutiise silikani samina ni Jehova?
Mukona kuezañi kuli mutusiwe hahulu ka nako yemueza tuto ya ka butu? Kuli mubone liakalezo zeñwi, mubuhe VIDIO, mi kihona mukanyakisisa lipuzo zelatelela.
-
Kwa liakalezo zeluboni mwa vidio, ki liakalezo lifi zemukona kusebelisa?
-
Ki litaba mañi zemutabela kuituta?
5. Mulukise momukona kusebeleza Jehova
Kusebeleza Jehova kuka mitusa kuzwelapili kueza hande. Mubuhe VIDIO, mi kihona mukanyakisisa puzo yelatelela.
-
Mwa vidio ye, bo Cameron nebatusizwe cwañi?
Babañwi habakoni kututela kwa naha isili kamba kwa sibaka sisili kuli bayo kutaleza kwateñi. Kono kaufelaa luna lwakona kueza zelukona. Mubale Liproverbia 21:5, mi kihona mukanyakisisa zemukona kueza . . .
-
mwa puteho.
-
mwa bukombwa.
Sikuka sesi mwa timana yeo sikona kumitusa cwañi kusebeleza Jehova?
Zemukona kueza
-
Mulapelange litapelo zende.
-
Mubale Bibele mukatumbi.
-
Muzibe mañi ni mañi mwa puteho.
-
Mukalise kuzamaisa tuto ya Bibele.
-
Musebeze sina paina wa kutusa kamba wa kamita.
-
Haiba mu mizwale, mukwanise zetokwahala kuli muketiwe kusebeza sina sikombwa sa puteho.
6. Muikole bupilo kuya kuile!
Mubale Samu 22:26, mi kihona mukanyakisisa puzo yelatelela:
-
Mukona kuezañi kuli muikole bupilo ka nako ya cwale ni kuya kuile?
LITABA KA BUKUSWANI
Muzwelepili kutiisa silikani samina ni Jehova ni kumusebeleza mwa linzila zeshutana-shutana. Haiba mueza cwalo, mukaikola bupilo kuya kuile!
Mulundulule
-
Ki kabakalañi hamukona kukolwa kuli Jehova uka mitusa kumusebeleza ka busepahali?
-
Mukona kutiisa cwañi silikani samina ni Jehova?
-
Kusebeleza Jehova mwa linzila zeshutana-shutana kukona kumitusa cwañi kuzwelapili kueza hande?
MUBONE LITABA ZEÑWI
Ki nto mañi yatokwa hahulu Jehova kuli lueze, kana ki kueza feela nto yemutabisa hañwi, kamba ki kupila bupilo bwaluna kaufela inze lumutabisa?
Nihaiba mutangaa Jehova yasepahala wakona kufelelwa ki tabo. Mubone zemukona kueza kuli mube ni tabo haiba mufelezwi ki yona.
Ki lika mañi zeñwi zemukona kueza kuli musebeleze Jehova mwa linzila zeshutana-shutana?
Ki kabakalañi hamuswanela kuzwelapili kutiisa silikani samina ni Jehova, mi ki lika mañi zekona kumitusa kueza cwalo?
Hape Mwendi Mwakona Kutabela Litaba Ze
LIPUZO ZEBUZIWANGA HAÑATA
Tuto ya Bibele Yebazamaisanga Lipaki za Jehova ki Nto Mañi?
Hamunze muituta Bibele ni Lipaki za Jehova, mwakona kuitusisa toloko ya Bibele ifi kamba ifi yemutabela. Mulukuluhile kumema lubasi lwamina kaufela kamba mulikani wamina ufi kamba ufi kuli afumanehe kwa tuto yamina.
