KIFUNDWA 60
Endelela Nyeke Kumeso
Mu kino kifundwa kya Bible, ubayuka’mo bintu bivule padi Yehova. Bintu byowefunda bibakulengeja umusanswe bininge, padi kodi’nka ne mwipāne ne kubatyijibwa. Nansha kadi, padi ulanga kulonga’byo panopano ponka. Inoko kwendelela kekwimanangapo kitatyi kibatyijibwa muntu. Ukendelela nyeke ne nyeke na kufwena kudi Yehova. Namani le?
1. Mwanda waka tufwaninwe kwendelela na kuningija kipwano kyetu na Yehova?
Tufwaninwe kwingila bininge pa kuningija kipwano kyetu na Yehova. Mwanda waka? “kutyina’mba twakēja” ne kupaluka kwadi. (Bahebelu 2:1) Le i bika bibwanya kwitukwasha twendelele kwingidila Yehova na kikōkeji? I kuvudilwa bya kulonga mu mwingilo wa busapudi ne kukimba miswelo mikwabo ya kwingidila Leza ne pa mfulo. (Tangai Bene Fidipai 3:16.) Būmi bwa kwingidila Yehova bo būmi bulumbuluke mpata!—Ñimbo ya Mitōto 84:10.
2. I bika bikwabo byofwaninwe kulonga nyeke?
Nansha kifundwa kyobe kya Bible byokyapwa pano, būmi bobe bwa bu mwine Kidishitu bukyendelela. Bible unena’mba tufwaninwe “kuvwala bumuntu bupya.” (Bene Efisesa 4:23, 24) Poendelela kwifunda Kinenwa kya Leza ne kutanwa ku kupwila, ukefunda bintu bipya padi Yehova ne pa ngikadila yandi. Kimba miswelo ya kwiula bininge bumuntu bwandi mu būmi bobe. Endelela na kushinta popa ponso posakilwa mwanda wa kusangaja Yehova.
3. Lelo Yehova ukakukwasha namani wendelele kumeso?
Bible unena’mba: “Leza . . . ukavuya kufundijibwa kwenu. Ukemuningija, ukemukomeja, ukemushimatyija pototo.” (1 Petelo 5:10) Batwe bonso tutanwanga na matompo. Ino Yehova witupanga byobya byonso byotusakilwa pa kwiakomena. (Ñimbo ya Mitōto 139:23, 24) I mulaye kukupa mutyima ne bukomo bwa kumwingidila na kikōkeji.—Tangai Bene Fidipai 2:13.
LANGULUKA BININGE
Bandaula muswelo ubwanya kukukwasha Yehova wendelele kumeso, umone ne muswelo wakakwesela.
4. Wisambe nyeke na Mulunda nobe mupite bonso
Milombelo ne kifundwa kya Bible bibakukwasha wikale mulunda na Yehova. Le bino bintu bibwanya kadi kukukwasha namani ufwene bininge pabwipi nandi?
Tangai Ñimbo ya Mitōto 62:8, ne kwisambila pa kino kipangujo:
-
Le ukalumbulula namani milombelo yobe pa kukomeja kipwano kyobe na Yehova?
Tangai Ñimbo ya Mitōto 1:2 ne kunshi kwa dyani, ne kwisambila pa kino kipangujo:
-
I muswelo’ka obwanya kulumbulula butangi bobe bwa Bible mwanda wa ukomeje kipwano kyobe na Yehova?
Ukalonga namani pa kusaka’mba kifundwa kyobe kya pa kasuku kikale kimwenwa’mo? Pa kumona’ko milangwe imo, talai VIDEO, ne kwisambila pa bipangujo bilonda’bya.
-
Le i milangwe’ka imo yaletwa mu ino video yosa kulonda?
-
I myanda’ka mikatampe yokimba kwifunda?
5. Witungile bitungo bya ku mushipiditu
Kwitungila bitungo mu mwingilo wa Yehova kukakukwasha wendelele kumeso. Talai VIDEO, ne kwisambila pa kipangujo kilonda’kya.
-
Mu ino video, i muswelo’ka wamwenine Cameron mu kwitungila bitungo bya ku mushipiditu?
Ke batwepo bonso babwanya kukasapula mu ntandā bene. Inoko batwe bonso tubwanya kwitungila bitungo byotubwanya. Tangai Nkindi 21:5, ne kubandaula bitungo byobwanya kwitungila . . .
-
mu kipwilo.
-
mu busapudi.
Le musoñanya udi mu uno vese ubwanya kukukwasha namani ufikile pa bitungo byobe?
Tala bidi ne bino bitungo
-
Kulumbulula milombelo yobe.
-
Kutanga Bible mutuntulu.
-
Kuyuka muntu ne muntu mu kipwilo.
-
Kushilula ne kwendeja kifundwa kya Bible.
-
Kwingila bu pania mukwashi nansha bu pania wa lonso.
-
Shi wi tutu, kubwanya bisakibwa bya kwingila bu mwingidi wa mingilo.
6. Ikala mūmi nyeke!
Tangai Ñimbo ya Mitōto 22:26, ne kwisambila pa kino kipangujo:
-
I bika byofwaninwe kulonga pa kwikala na būmi dyalelo ne nyeke ne nyekeke?
MU KĪPI
Endelela kukomeja kipwano kyobe na Yehova ne kwitungila bitungo bya ku mushipiditu. Nabya, ukekala mūmi nyeke!
Pitulukai’mo
-
Mwanda wa bika ubwanya kukulupila amba Yehova ukakukwasha umwingidile na kikōkeji?
-
I muswelo’ka obwanya kuningija kipwano kyobe na Yehova?
-
Le kwitungila bitungo bya ku mushipiditu kukakukwasha namani wendelele kumeso?
KIMBA
Le kisenswe bininge Yehova i kyepi, le i kilongwa kya mu difuku dimo kya kwipāna’ni, nansha i kumulamata na kikōkeji mu būmi bonso?
Enka ne mwingidi wa kikōkeji wa Yehova ubwanya kujimija nsangaji. Tala muswelo wa kwiijokeja monka.
Le uketungila namani bitungo bya ku mushipiditu ne kufikila’po?
“Tumbija Umpangi Obe na Kwitungila Bitungo bya ku Mushipiditu” (Kiteba kya Mulami, 15 Kweji 7, 2004)
Mwanda waka kutama ku mushipiditu kudi na mvubu, ne i muswelo’ka obwanya kufikila’po?
Tala'po Bidi ne Bino:
BIPANGUJO BIPANGULWANGA DIVULE
Le Kifundwa kya Bible Kīfundanga Batumoni ba Yehova na Bantu I Bika?
Mu mpangiko ya kwifunda Bible ku bitupu na Batumoni ba Yehova, ubwanya kwingidija’mo bwalamuni bo-bonso bwa Bible. Ita kisaka kyobe kyonso nansha balunda nobe batanwe’po.
