DILONGESHA DIA 60
Tungunuka anu ne kuya kumpala
Mu programe mujima wa dilonga dia Bible eu, udi mulonge malu a Yehowa a bungi. Malu au mmakufikishe ku dimunanga bikole, pamuapa bikusake ne bua kudilambula kudiye ne kubatijibua. Pikalabi kabiyi nanku, pamuapa ntshiudi wela meji a kuenza matuku makese kumpala eku. Kadi paudi wangata batismo, kuena ulekela kuya kumpala to. Udi mua kutungunuka anu ne kusemena pabuipi ne Yehowa kashidi ne tshiendelele. Mushindu kayi?
1. Bua tshinyi mbimpe wewe kutungunuka ne kukolesha bulunda buenu ne Yehowa?
Tudi ne bua kudienzeja bua kutungunuka ne kukolesha bulunda buetu ne Yehowa. Bua tshinyi? “Bua katupambuki nansha kakese.” (Ebelu 2:1) Tshidi mua kutuambuluisha bua kushala anu tuenzela Yehowa mudimu ne lulamatu ntshinyi? Mbimpe tudifile bikole mu mudimu wa buambi ne tukebe mishindu mikuabu itudi mua kumuenzela mudimu bikole menemene. (Balayi Filipoyi 3:16.) Kuenzela Yehowa mudimu mmushindu mulenga wa katshia wa kusomba panu!—Misambu 84:10.
2. Ntshinyi tshikuabu tshiudi ne bua kutungunuka ne kuenza?
Nansha muukadi ujikija programe wa dilonga Bible eu, malu ebe a buena Kristo neatungunuke owu. Bible udi utulomba bua “kuvuala bumuntu bupiabupia.” (Efeso 4:23, 24) Wewe utungunuka ne kudilongela Dîyi dia Nzambi ne kubuela mu bisangilu, neumanye malu makuabu mapiamapia adi atangila Yehowa ne ngikadilu yende. Keba mua kumufuana ku ngikadilu bimpe menemene mu malu ebe onso. Tungunuka ne kushintuluka mu mushindu udibi bikengela bua kusankisha Yehowa.
3. Yehowa neakuambuluishe mushindu kayi bua kuya kumpala?
Bible udi wamba ne: “Nzambi . . . muine neashikije dilongesha dienu. Neanushindamije, neanukoleshe, neanujalamije panshi bikole.” (1 Petelo 5:10) Tuetu bonso tutu tutuilangana ne mateta. Kadi Yehowa utu utupesha bidi bikengedibua bua tuetu kuakandamena. (Misambu 139:23, 24) Mmulaye bua kukupesha dijinga ne bukole bua kumuenzela mudimu ne lulamatu.—Balayi Filipoyi 2:13.
BUELA MU BUONDOKE
Tumonabi muudi mua kutungunuka ne kuya kumpala ne muikala Yehowa mua kukubenesha.
4. Ikala uyukila ne Mulunda webe mutambe buimpe
Disambila ne dilonga dia Bible mbikuambuluishe bua kulua mulunda wa Yehowa. Mmunyi mudi malu aa mua kukusemeja kabidi pabuipi nende menemene?
Balayi Misambu 62:8, pashishe nuandamune lukonko elu:
-
Bua kukolesha bulunda buebe ne Yehowa, mmunyi muudi mua kulengeja masambila ebe?
Balayi Misambu 1:2 ne dimanyisha dia kuinshi kua dibeji, pashishe nuandamune lukonko elu:
-
Bua kukolesha bulunda buebe ne Yehowa, mmunyi muudi mua kulengeja didibadila diebe dia Bible?
Mmushindu kayi uudi mua kuvuija didilongela diebe bualu bua disanka menemene? Bua kupeta ngenyi idi ikengela, tangilayi FILME, pashishe nuandamune nkonko idi ilonda.
-
Nngenyi kayi ya mu filme eu iudi mua kutumikila?
-
Mbiena-bualu kayi biudi musue kulonga?
5. Difundila malu a kukumbaja mu mudimu webe
Kudifundila bipatshila mu mudimu wa Yehowa nekukuambuluishe bua kutungunuka ne kuya kumpala. Tangilayi FILME, pashishe nuandamune lukonko ludi lulonda.
-
Mu filme eu, mmasanka kayi avua Cameron mupete bua muvuaye mudifundile bipatshila bia mu nyuma?
Katuakukokesha anu buonso buetu bua kuya kuyisha mu ditunga dikuabu to. Kadi tuetu bonso tudi mua kuditekelaku malu kampanda atudi mua kukumbaja bipepele. Balayi Nsumuinu 21:5, pashishe wele meji a malu audi mua kudifundila bua kukumbaja . . .
-
mu tshisumbu.
-
mu mudimu wa diyisha.
Dîyi dinene dia mu mvese eu didi mua kukuambuluisha bua kukumbaja bipatshila biebe abi mushindu kayi?
Bipatshila bia kudifundila
-
Kulengeja mushindu webe wa kusambila.
-
Kubala Bible mujima.
-
Kumanyaku bena mu tshisumbu tshienu bonso.
-
Kubanga dilonga dia Bible ne muntu ne kutungunuka nadi.
-
Kuangata bumpanda-njila buambuluishi anyi bua pa tshibidilu.
-
Biwikala muanetu wa balume, ipatshila bua kulua musadidi wa mudimu.
6. Shala ne muoyo kashidi!
Balayi Misambu 22:26, pashishe nuandamune lukonko elu:
-
Ntshinyi tshiudi mua kuenza bua kushala usanka ne muoyo lelu eu too ne kashidi?
TSHIA KUKUATA
Tungunuka ne kukolesha bulunda buebe ne Yehowa ne kudifundila malu a kukumbaja mu nyuma. Dîba adi neumone mua kushala ne disanka ne muoyo kashidi!
Diambulula
-
Bua tshinyi udi ne dishindika dia ne: Yehowa neakuambuluishe bua kumuenzela mudimu ne lulamatu?
-
Udi mua kukolesha bulunda buenu ne Yehowa mushindu kayi?
-
Nku tshinyi kudi malu audi udifundila mu nyuma mua kukuambuluisha bua kuya kumpala?
BIA KUTANGILA KABIDI
Tshidi Yehowa wangata ne mushinga wa bungi nkumuenzela tshia musangu umue bua kuleja mutudi bamulamate anyi nkushala bamulamate matuku etu onso a muoyo?
Muntu udi mulamate Yehowa udi pende mua kupangila disanka divuaye nadi. Mona mudiye mua kudipetulula.
Udi mua kudifundila bipatshila bia mu nyuma ne kubikumbaja mushindu kayi?
“Difundila bipatshila bia mu nyuma bua kutumbisha mufuki webe” (Tshibumba tshia Nsentedi, 15/7/2004)
Bua tshinyi bidi anu bikengela kushindama mu buena Kristo? Udi mua kulua muena Kristo mushindame bishi?
Mona bikuabu:
NKONKO ITU BANTU BATAMBA KUELA
Programe wa dilongeshangana Bible wa Bantemu ba Yehowa ntshinyi?
Programe wa nuenda nuyukila wa kuyi ufuta wa Bantemu ba Yehowa eu udi mua kumulonga ne nkudimuinu kayi yonso wa Bible uudi nende. Bikila nansha dîku dienu dijima anyi balunda bebe bonso baudi musue bua nuikale nulonga nabu tshiapamue.
