KUDIZA 60
Twalekenuhu Kupaminaku
Kufuma tuhu himwatachikili kudiza Bayibolu kuzatisha wunu mukanda, munamwiluki chikupu Yehova. Yuma yimunadizi yinayisañumuni kumukeña chikupu, hadaha mwadihanini enu aweni kudi yena nikupapatishewa. Neyi kanda, hadaha munakutoñojoka kwila mwenimu. Ilaña kupama kwenu kukukumina hohu hakupapatishewa wanyi. Munateli kutwalekahu kuswina kwakwihi naYehova haya nyaaka. Munjilanyi?
1. Muloñadi chimwatela kutwalekelahu kukolesha wubwambu wenu naYehova?
Twatela kuzata nañovu kulonda tutwalekihu kukolesha wubwambu wetu naYehova. Muloñadi? “Kulonda tubuli kukumpuka chovu-chovu” nakufuma kudi yena. (AHeberu 2:1) Chumanyi chinateli kutukwasha kutwalekahu kumukalakela Yehova nakashinshi? Twatela kudikitaña mumudimu wakushimwina nikuzataku nyidimu yikwawu kulonda tumukalakeleña Nzambi chikupu. (Tañenu AFwilipi 3:16.) Kumukalakela Yehova dichuma chitwatela kwila muchihandilu!—Isamu 84:10.
2. Chumanyi chikwawu chimwatela kutwalekahu kwila?
Hela chakwila himukumanisha kudiza Bayibolu kuzatisha wunu mukanda, chihandilu chenu chakwikala mukaKristu chikutwalekahu. Bayibolu yahosha nawu twatela “[kuvwala] wuntu wawuha.” (AEfwesesa 4:23, 24) Chimukutwalekahu kudiza Izu daNzambi nikupompa, mukwiluka yuma yayiha hadi Yehova niyilwilu yindi. Wanenu njila jimunateli kumwimbujolelamu chikupu muchihandilu chenu. Twalekenuhu kuhimpa kulonda mumutiyisheña Yehova kuwaha.
3. Yehova wukuyikwasha ñahi kupaminaku?
Bayibolu yahoshaña nawu: “Nzambi. . . wakamanisha yomweni kuyidizisha. Wakayikolesha, wakayinka ñovu, wakayishimatisha chikupu.” (1 Petulu 5:10) Wejima wetu twamonaña kweseka. Ilaña Yehova watukwashaña kulonda tukushindi. (Isamu 139:23, 24) Wayishiika kuyinka muchima wakufwila kukoña yuma niñovu yakwilamu kulonda mumukalakeleña chikupu.—Tañenu AFwilipi 2:13.
SANDUJOLENU CHIKUPU
Talenu chimunateli kutwalekahu kupaminaku nichinateli kuyikwashayi Yehova.
4. Twalekenuhu kuhanjeka Nebwambu denu wamuwahi
Kulomba nikudiza Bayibolu kunayikwashi kwikala ibwambu daYehova. Yumiyi yikuyikwasha ñahi kuswina chikupu kudi yena?
Tañenu Isamu 62:8, kuhiñahu hanjekenu hanilu lwihu:
-
Hakwila mukoleshi wubwambu wenu naYehova, munateli kuwahishaku ñahi kulomba kwenu?
Tañenu Isamu 1:2 nitumazu twaheshina, kuhiñahu hanjekenu hanilu lwihu:
-
Hakwila mukoleshi wubwambu wenu naYehova, munateli kuwahishaku ñahi njila yenu yakutañilamu Bayibolu?
Yumanyi yimwatela kwila hakwila mudiluñisheña kudiza kwahalwenu? Hakwila mwilukilihu yuma yikwawu, vumishenu VIDIYO, kuhiñahu hanjekenu hamalwihu analondelihu.
-
Yumanyi yinashimuniwu muyinu vidiyo yimwatela kwila?
-
Nyitu yansañwinyi yimunakukeña kudiza?
5. Fuukulenu yuma yakuspiritu yimunakufwila kwila
Kwiluka yuma yimunakufwila kwila mumudimu waYehova kukuyikwasha kutwalekahu kupaminaku. Vumishenu VIDIYO, kuhiñahu hanjekenu halwihu lunalondelihu.
-
Muniyi vidiyo, yumanyi yayiwahi yafuminimu chelili Cameron afuukuli yuma yakuspiritu yatela kwilayi?
Bayi neyi ejima anateli kuya nakushimwina kwituña dacheñiku. Hela chochu, wejima wetu twatela kufuukulahu yuma yitwatela kwila. Tañenu Yishimu 21:5, kuhiñahu toñojokenu hayuma yimwatela kufwila kwila . . .
-
muchipompelu.
-
mumudimu wakushimwina.
Chishina chidi muniyi vasi chinateli kuyikwasha ñahi kwila mumunafuukuli?
Yuma yimwatela kufwila kwila
-
Kuwahishaku kulomba kwenu.
-
Kutaña Bayibolu yejima.
-
Kwiluka antu ejima amuchipompelu chenu.
-
Kutachika kudizisha antu Bayibolu.
-
Kuzataku wupayiniya wakukwasha hela wampinji yejima.
-
Neyi mudi manakwetu, shikenuhu kwikala nkoñi wakuzatila.
6. Munateli kwikala namuzañalu haya nyaaka!
Tañenu Isamu 22:26, kuhiñahu hanjekenu hanilu lwihu:
-
Chumanyi chimwatela kwila hakwila mwiikali namuzañalu chayinu mpinji nihaya nyaaka?
YUMA YIMUNADIZI
Koleshenuña wubwambu wenu naYehova nikufwila kwila yuma yakuspiritu. Chimwela mwenimu mukwikala namuzañalu haya nyaaka!
Kuhitulukamu
-
Muloñadi chimwatela kukuhwelela nenu Yehova wukuyikwasha kumukalakela nakashinshi?
-
Munateli kukolesha ñahi wubwambu wenu naYehova?
-
Yuma yakuspiritu yimunakufwila kwila yikuyikwasha ñahi kupaminaku?
ILUKILENUHU NSAÑU YIKWAWU
Chumanyi chalemeshayi Yehova, kudimwekesha netu twamulemesha Nzambi tahindi kwikala ashinshika kudi yena muchihandilu chetu chejima?
Nikambuña aYehova washinshika nateli kuneña. Talenu chatela kwilayi hakwila ekali cheñi namuzañalu.
Ikalenu naMuzañalu Cheñi Kuhitila muKudiza niKutoñojokahu (5:25)
Munateli kufwila ñahi nyidimu yakuspiritu nikwilamu?
“Mulemeshenuña Nleñi Yenu naNyidimu yakuSpiritu” (Kaposhi Kakutalila, July 15, 2004)
Chalemenadi kupama kuspiritu, nawa munateli kupama ñahi?
“Tukulenu Tupami Muloña, ‘Ifuku daYehova Deneni Didi Kwakwihi’” (Kaposhi Kakutalila, May 15, 2009)
You May Also Like
MALWIHU AVULA KWIHULAWU ANTU HADI AYINSAHU JAYEHOVA
Yumanyi Yadizishañawu aYinsahu jaYehova?
Munateli kuzatisha Bayibolu yidi yejima yimukweti hakudiza Bayibolu nawaYinsahu jaYehova. Mwani mwakasunuka kutambika antaña niamabwambu kulonda mudizili hamu.
