XNAQʼTZBʼIL 60
Kukx chʼiysama tokslabʼila
Toj uʼj lu ma tzʼel tnikʼa tiʼj nim xnaqʼtzbʼil tiʼj Jehová. Noq tuʼn jlu, o chʼiy tkʼujlabʼila tiʼj ex olo txi tqʼamaʼna te tuʼn tajbʼena te, axpe ikx olo bautisarina. Qatzun naʼmx tbʼant jlu tuʼna, bʼalo ya in ximana tiʼj tuʼn tbʼant jlu tuʼna. Noqtzun tuʼnj, aj tbautisarina, nim toklen tuʼn kukx tchʼiy tokslabʼila. Ax ikx, kukx jaku chʼiy tamiwbʼila tukʼil Jehová te jumajx. Qo xnaqʼtzan tiʼj tzeʼn jaku bʼant jlu tuʼna.
1. ¿Tiquʼn nim toklen tuʼn kukx tchʼiy tamiwbʼila tukʼil Jehová?
Il tiʼj tuʼn tok tilil quʼn tuʼn tchʼiy qamiwbʼil tukʼil Jehová. ¿Tiquʼn? Tuʼnju qaj tuʼn «miʼn qel txalpuj tiʼj» qokslabʼil ex tuʼn miʼn tel qpan qibʼ tiʼj (Hebreos 2:1). ¿Tiʼ kʼonil qiʼj tuʼn kukx qajbʼen te Jehová? Kukx qo tel ttxlaj qa ma qo pakbʼan ex qa ma txi qjyoʼn junjuntl tumel tuʼn qajbʼen te (uʼjinktza Filipenses 3:16). Mintiʼ juntl tiʼ mas nim toklen ik tzeʼn tuʼn qajbʼen te Jehová (Salmo 84:10).
2. ¿Tiʼ kukx kbʼantel tuʼna?
Maske chʼix tkubʼaj t-xnaqʼtzbʼila tiʼj Tyol Dios, tzma in xi tzyet tuʼn tajbʼena te Jehová. In tzaj tqʼamaʼn Biblia tuʼn tbʼant jlu quʼn: «Kyqʼoʼnke kyiʼje aju akʼaj kytene» (Efesios 4:23, 24). Qa kukx ma xnaqʼtzana tiʼj Biblia ex qa kukx ma bʼeta kyoj chmabʼil, mas kʼelel tnikʼa tiʼj Jehová ex kyiʼj tbʼanel tmod. Jyonxa tumel tzeʼn tuʼn tel tkanoʼna tiʼj ex kukx bʼinchama junjun chʼixpubʼil tuʼntzun ttzalaj tiʼja.
3. ¿Tzeʼn kʼonil Jehová tiʼja tuʼn tchʼiy tamiwbʼila tukʼil?
In tzaj tqʼamaʼn Biblia jlu: «Axte Dios ktzʼaqsalte kynabʼle, ex tuʼn kyweʼxixe tuj kyokslabʼle, ex kqʼolte kyipumale, ex kkyuwsal kyeye» (1 Pedro 5:10). Qkyaqilx in qo ok weʼ twitz nya bʼaʼn, pero in nonin Jehová qiʼj tuʼn qex twitz (Salmo 139:23, 24). Ax ikx, in tzaj ttziyen qe qa tzul tqʼoʼn qipumal ex qgan tuʼn kukx qajbʼen te (uʼjinktza Filipenses 2:13).
QO JYON MAS TQANIL
Qo xnaqʼtzan tiʼj tiʼ jaku bʼant tuʼna tuʼn kukx tchʼiy tamiwbʼila tukʼil Jehová ex tiʼ kʼiwlabʼil tzul tkʼamoʼna.
4. Kukx yolina tukʼil Jehová
O tzʼoka te tamiw Jehová tuʼnju in naʼna Dios ex in xnaqʼtzana tiʼj Biblia. ¿Jakupe che onin jlu tiʼja tuʼn tok laqʼeʼya mas ttxlaj Jehová? Qa ikju, ¿alkye tten?
Kyuʼjinktze Salmo 62:8 ex che yoline tiʼj xjel lu:
-
Qa ma tzʼok tilil tuʼna tuʼn kyok tnaʼj Diosa te mas tbʼanel, kʼonil jlu tiʼja tuʼn tchʼiy tamiwbʼila tukʼil Jehová. ¿Tzeʼn jaku bʼant jlu tuʼna?
Kyuʼjinktze Salmo 1:2 ex che yoline tiʼj xjel lu:
-
Qa ma tzʼel tpaʼna ambʼil tuʼn tuʼjina tiʼj Biblia, kʼonil tiʼja tuʼn tchʼiy tamiwbʼila tukʼil Jehová. ¿Tzeʼn jaku bʼant jlu tuʼna?
¿Tzeʼn jaku tzʼonin tiʼja aj t-xnaqʼtzana tiʼj Tyol Dios tjunalxa? Tuʼn tkanet junjun tumel kyuʼne, kyqʼonke kywitze tiʼj VIDEO. Yajxitl che yoline kyiʼj xjel lu:
-
¿Alkye junjun nabʼil ma che etz yekʼin toj video jaku kubʼ tbʼinchaʼna?
-
¿Alkyeqe xnaqʼtzbʼil taja tuʼn t-xnaqʼtzana kyiʼj?
5. Ximinkuya tuʼn tajbʼena mas te Jehová
Qa ma kubʼ t-ximana tuʼn tajbʼena mas te Jehová, kʼonil jlu tiʼja tuʼn tchʼiy tamiwbʼila tukʼil. Kyqʼonke kywitze tiʼj VIDEO ex che yoline tiʼj xjel lu:
-
¿Tzeʼn onin tiʼj Cameron tuʼn tajbʼen mas te Jehová?
Nya qkyaqilx jaku qoʼx ajbʼel toj juntl tnam, pero qkyaqilx jaku qo ximen tiʼj tzeʼn jaku qo ajbʼen mas te Jehová. Kyuʼjinktze Proverbios 21:5 ex che yoline kyiʼj xjel lu:
-
¿Tiʼ mas jaku bʼant quʼn toj kʼloj okslal?
-
¿Tiʼ mas jaku bʼant quʼn toj pakbʼabʼil?
¿Tzeʼn jaku tzʼonin texto lu tiʼja tuʼn tjapun twi t-ximbʼetza tuʼn tajbʼena mas te Jehová?
Junjun tiʼ jaku bʼant tuʼna
-
Tuʼn kyok tnaʼj Diosa te mas tbʼanel.
-
Tuʼn tjaw tuʼjina tkyaqil Biblia.
-
Tuʼn kyok tojtzqiʼna kykyaqil erman toj kʼloj okslal.
-
Tuʼn t-xi tqʼoʼna xnaqʼtzbʼil tiʼj Tyol Dios te jun xjal.
-
Tuʼn toka te precursor auxiliar moqa regular.
-
Qatzun jun ermano teya, jaku tzʼok tilil tuʼna tuʼn toka te onil kye ansyan.
6. ¡Tzalaja tiʼj tanqʼibʼila te jumajx!
Kyuʼjinktze Salmo 22:26 ex che yoline tiʼj xjel lu:
-
¿Tiʼ jaku bʼant tuʼna tuʼn ttzalaja tiʼj tanqʼibʼila toj ambʼil jaʼlo ex te jumajx?
TOJ CHʼIN YOL
Kukx chʼiysama tamiwbʼila tukʼil Jehová ex ximana tiʼj tuʼn tajbʼena mas te. Qa ma bʼant jlu tuʼna, ¡jaku tzalaja tiʼj tanqʼibʼila te jumajx!
Aju ma qo yolin tiʼj
-
¿Tiquʼn jaku tzʼok qeʼ tkʼuʼja tiʼj qa kʼonil Jehová tiʼja tuʼn kukx tajbʼena te?
-
¿Tiʼ jaku bʼant tuʼna tuʼn tchʼiy tamiwbʼila tukʼil Jehová?
-
Tuʼn tchʼiya toj tokslabʼila, ¿tiquʼn nim toklen tuʼn t-ximana tiʼj tuʼn tajbʼena mas te Jehová?
OJTZQINKA CHʼINTL
¿Alkye mas nim toklen toj twitz Jehová, aju tuʼn t-xi qqʼoʼn oʼkx jun maj tbʼanel kʼulbʼil te moqa tuʼn qten tzʼaqli twitz toj tkyaqil qanqʼibʼil?
Qo ten tzʼaqli twitz Jehová ik tzeʼn bʼant tuʼn Abrahán (9:20)
Maske in nok tilil tuʼn jun tmajen Jehová tuʼn tajbʼen te, jaku tzaj tbʼis. Ojtzqinka tzeʼn jaku qo tzalaj juntl maj.
¿Tiʼ il tiʼj tuʼn tbʼant quʼn tuʼn tkubʼ qximen tuʼn qajbʼen mas te Jehová ex tuʼn tjapun twi qximbʼetz?
Qʼonka twitza tiʼj tiquʼn nim toklen tuʼn qchʼiy toj qokslabʼil ex tzeʼn jaku bʼant quʼn.
«Qchʼiysam qokslabʼil tuʼnju chʼix tul tqʼij Jehová» (Aju Xqʼuqil, 15 te mayo te 2009)
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
