60-ШО УРОК
Иегова деке умбакыжат лишемза
Библийым шымлыме курсышто те Иегова нерген шуко шинчымашым налында. Пален налмылан кӧра те тудым йӧраташ тӱҥалында. Тиде тендам, очыни, Иеговалан ӱшанле лияш сӧрымашым пуаш да тынеш пураш таратен. Уке гын, те тидым лишыл жапыште ышташ шонеда докан. Но тынеш пурымо дене Иегова деке лишеммым ода чарне. Те Иегова дек курымеш лишемын кертыда.
1. Молан Иегова дене эше лишылрак йолташ лияш тыршыман?
Мыланна Иегова деч кораҥаш огыл манын, тудын дене эше лишылрак йолташ лияш тыршыман (Еврей-влаклан 2:1). Иеговалан умбакыжат ӱшанлын служитлаш мо полшен кертеш? Мыланна таныклымаште тыршыман да Юмыланна служитлаш тӱрлӧ йӧным кычалман. (Филиппысе-влаклан 3:16 лудын лекса.) Иеговалан служитлымаш — тиде эн сай илыш корно (Псалом 83:11).
2. Мом эше тыланда умбакыжат ышташ кӱлеш?
Библийым шымлыме курс мучашке лишемын. Но христиан корныда тидын дене огеш пыте. Библийыште возымо почеш мыланна у айдемыш вӱдылалташ кӱлеш (Ефесян-влаклан 4:23, 24). Кажне гана вашлиймаште лийын да Библийым шкетын шымлен, те Иегова да тудын койышыжо-влак нерген иктаж-мом уым пален налыда. Тудын деч примерым налаш тыршыза. Иеговам эше чотрак куандарашлан шкем вашталташ ямде лийза.
3. Кузе Иегова тыланда умбакыжат полша?
Библийыште возымо: «Юмыжо... тендам тӧрлата, чоткыдемда, вияҥда да пеҥгыдемда» (1 Петрын 5:10). Мемнан гыч кажныже алгаштарыме лиеш. Но Иегова мыланна чытен лекташлан чыла кӱлешаным пуа (Псалом 138:23, 24). Юмо тыланда тудлан ӱшанлын служитлашлан кумылымат, вийымат пуа. (Филиппысе-влаклан 2:13, УТ лудын лекса.)
КЕЛГЫНРАК ШЫМЛЕН НАЛЗА
Тыланда Иегова деке умбакыжат лишемаш мо полшен кертеш да кузе Иегова тендам суапландара, пален налза.
4. Эн сай Йолташда дене кылым пеҥгыдемдыза!
Кумалмаш ден Библийым шымлымаш тыланда Иегован йолташыже лияш полшеныт. Кузе тиде сай привычке-влак тыланда тудын деке эше лишылрак лияш полшен кертыт?
Псалом 61:9 лудын лекса да вашмутым пуыза:
-
Юмылан кумалмыдам кузе саемден кертыда?
Псалом 118:97, У Сугынь, 1986 лудын лекса да вашмутым пуыза:
-
Библийым лудмашда шукырак пайдам кондыжо манын, мом ыштен кертыда?
Библийым шкетын шымлымашда пайдалырак лийже манын, мом ышташ лиеш? Теве икмыняр каҥаш. ВИДЕОРОЛИКЫМ ончалза да вашмутым пуыза:
-
Видеоролик гыч могай каҥаш-влакым кучылтмыда шуэш?
-
Могай теме-влакым шымлен налмыда шуэш?
5. Духовный цель-влакым шындыза
Иеговалан служитлымаште шындыме цель-влак тудын деке лишемаш полшат. ВИДЕОРОЛИКЫМ ончалза да вашмутым пуыза:
-
Духовный цель-влак тиде акалан могай пайдам конденыт?
Кажныже таныклашлан вес элыш куснен огеш керт. Но ме чыланат шукташ лийше цель-влакым шынден кертына. Притчи 21:5 лудын лекса да каласыза, могай цель-влакым те шынден кертыда...
-
погынымаште;
-
таныклымаш пашаште.
Тиде почеламут гыч принцип тыланда цельда-влакым шукташ кузе полшен кертеш?
Южо цель-влак
-
Кумалмым саемдаш.
-
Уло Библийым лудын лекташ.
-
Погынымаште чылашт дене палыме лияш.
-
Иктаж-кӧ дене Библий шымлымашым тӱҥалаш да эртараш.
-
Полышкалыше але эрелык пионер семын служитлаш.
-
Иза улыда гын, погынымаште служебный полышкалыше лияш.
6. Курымеш куанен илыза!
Псалом 21:27 лудын лекса да вашмутым пуыза:
-
Кызыт да курымеш куанен илашлан мом ыштыман?
ТӰҤ ШОНЫМАШ
Умбакыжат Иегова деке лишемза да духовный цель-влакым шындыза. Тунам те курымеш куанен илен кертыда!
Ушештарымаш
-
Иегова тыланда тудлан ӱшанлын служитлаш умбакыжат полша манын, молан ӱшанен кертыда?
-
Кузе те Иегова дене эше лишылрак йолташ лийын кертыда?
-
Кузе духовный цель-влак тыланда Юмо деке лишемаш полшат?
ЕШАРТЫШЛАН
Мом Иегова чотрак акла: ӱшанымашнам ончыктышо ойыртемалтше подвигым але ӱмыр мучко тудлан ӱшанлын служитлымынам?
Иегован ӱшанле служитлышыже-влакат куаным йомдарен кертыт. Пален налза, кузе угыч куанен служитлаш.
Духовный цель-влакым шындаш да нуным шукташ тыланда мо полшен кертеш?
«Духовный целет-влак Юмым чапландарышт» («Орол башне» 15 июль, 2004 ий)
Молан христианлан духовный шотышто кушкаш кӱлеш, да кузе те тидым ыштен кертыда?
«Духовный шотышто кушса, вет „Иегован кугу кечыже лишне“» («Орол башне» 15 май, 2009 ий)
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
