Nochi tlen timomachtijtok ipan ni amochtli mitspaleuijtok kuali xikixmati Jehová uan nojua tlauel xikikneli. Yeka, uelis ya tijmaktilik monemilis uan timoatsonpoliuiltik. Uan tlaj ayamo kiampa tijchiua, uelis ya tijneki kiampa tijchiuas. Kema ya timoatsonpoliuiltijtos moneki nojua kuali titlaneltokatias uan kuali timouampojchijtias iuaya Jehová. Ma tikitakaj se keski tlamantli tlen mitspaleuis kiampa tijchiuas.

1. ¿Kenke moneki nojua kuali timouampojchijtos iuaya Jehová?

Moneki tijchiuasej kampeka nojua kuali timouampojchiuasej iuaya Jehová. ¿Kenke moneki tijchiuasej nopa? Pampa kiampa “axkema tichikokisasej ipan iojui” uan amo tijtlauelkauasej (Hebreos 2:1) ¿Tlake techpaleuis nochipa ma tijtekipanojtokaj Jehová? Tlaj nochipa titlajtolmoyauasej uan tikitasej kenijkatsa nojua uelis titlapaleuisej ipan toTeotsij itlanechikol (xijpoua Filipenses 3:16). ¡Nelia tlauel tiyolpakisej tlaj tijtekipanosej Jehová! (Salmo 84:10).

2. ¿Tlake nojua moneki tijchiuas?

Maske ya tlamis timomachtis ni amochtli, nojua moneki tijchijtias sekinok tlamantli uan kiampa timonejnemiltis kej Jesús. Biblia kiijtoua Cristo itokilijkauaj moneki kipiasej yankuik ininnemilis (Efesios 4:23, 24). Yeka, tlaj nojua timomachtis Biblia uan tias tlanechikoli, tijyekojtias sekinok tlamantli tlen Jehová uan nopa kuajkuali tlamantli tlen kinextia. Ximoiljui tlake mitspaleuis tijchiuas kej ya. Nojkia, tlaj tijneki ma yolpaki Jehová, nojua xijpatlatia se keski tlamantli ipan monemilis.

3. ¿Kenijkatsa Jehová mitspaleuis nojua kuali ximouampojchiua iuaya?

Biblia kiijtoua: “ToTeko [...] inmechchiuas inchikajtokej uan intemachmej. Uan inmechmakas yankuik chikaualistli uan tetili pampa inmotlatskilijtokej ipan ya” (1 Pedro 5:10). Maske kemantika uelis tijnekisej tijchiuasej tlen amo kuali, Jehová techpaleuis amo ma tijchiuakaj (Salmo 139:23, 24). Nojkia, Jehová kiijtojtok mitsyololinis uan kiampa tijnekis tijtekipanos, uan mitspaleuis nochipa kiampa xijchiua (xijpoua Filipenses 2:13).

 KUALI XIMOMACHTI

4. Nochipa xijtlakakili uan xijnojnotsa Jehová

Kuali timouika iuaya Jehová pampa pejki timomaijtoua uan timomachtia Biblia. Tlaj nojua kiampa tijchijtos, ¿timoiljuiaj mitspaleuis nojua kuali timouampojchijtias iuaya Jehová? ¿Kenijkatsa mitspaleuis?

Xijpouakaj Salmo 62:8 uan xijnankilikaj ni tlajtlanili:

• Tlaj tijneki nojua kuali timouampojchiuas iuaya Jehová moneki tikitas kenijkatsa timomaijtoua. ¿Tlake tlamantli ueliskia tijpatlas uan kiampa nojua kuali timomaijtos?

Xijpouakaj Salmo 1:2 uan xijnankilikaj ni tlajtlanili:

• Tlaj tijneki nojua kuali timouampojchiuas iuaya Jehová, moneki kuali timomachtis Biblia. ¿Kenijkatsa uelis kiampa tijchiuas?

¿Tlake uelis tijchiuas uan kiampa mitspaleuis tlen timomachtis ipan Biblia? Tlaj tijneki tijmatis kenijkatsa uelis kiampa tijchiuas, xikitakaj nopa VIDEO. Teipa xijnankilikaj ni tlajtlanili:

• ¿Tlake tlamantli tlen tikitak kichiuaj toikniuaj nojkia ueliskia tijchiuas?

• ¿Tlake mitspaktiskia timomachtis?

 TLEN TIMOMACHTIJKEJ

Xijchiua kampeka nojua kuali timouampojchiuas iuaya Jehová uan ximosentlali tijchiuas se keski tlamantli ipan itlanechikol. ¡Kiampa uelis tiyolpaktos nochipa!

¿Tlake tijyekok?

• ¿Kenke uelis timotemachis Jehová mitspaleuis nochipa tijtekipanos?

• ¿Tlake mitspaleuis nojua kuali timouampojchiuas iuaya Jehová?

• ¿Kenijkatsa mitspaleuis nojua kuali timouampojchiuas iuaya Jehová tlaj timosentlalis tijtekipanos ipan sekinok tlamantli?