TLAMACHTIL 60
Nochipa ximouika iuan Jehová
Yotimomachti miak tlamantli tlen kichiua Jehová. Non yomitspaleui xiktlasojtla uan xamo ixpan yotimotemakak uan otimoapolakti. Pero tla ayamo ijkon tikchiua, xamo timokuayejyekojtok ijkon tikchiuas. Pero maski timoapolaktis moneki nochipa timochijchikauas para kuali timouikas iuan Jehová uan xikilnamikto uelis nochipa iuan timouikas. Matikitakan tlen mitspaleuis ijkon xikchiua.
1. ¿Tleka moneki timochijchikauas kuali timouikas iuan Jehová?
Moneki nochipa timochijchikauaskej kuali timouikaskej iuan Jehová, ¿tleka? “Ijkon nochipa titlaneltokaskej” uan amo keman tikkauaskej (Hebreos 2:1). ¿Tlen techpaleuis nochipa matiktekichiuilikan Jehová? Moneki titetlapouiskej uan tiktemoskej tlen okachi uelis tikchiuaskej para tiktekichiuiliskej (xiktlajtolti Filipenses 3:16). Tla ijkon tikchiuaj, tikyolpaktiskej (Salmo 84:10).
2. ¿Tlen ok moneki tikchijtos?
Maski yotlanki otimomachti ika nin amochtli, yikin peua tiktekichiuilia Jehová. Biblia kijtoua: “Xikyankuilikan namonemilis” (Efesios 4:23, 24). Tla nochipa timomachtijtos Biblia uan timonechikos, okachi tikixmatis Jehová. Noijki ximochijchikaua xikchiua ken ye. Tla tikita itlaj ayakmo moneki tikchiuas, san niman xikkaua uan ijkon tikyolpaktis Jehová.
3. ¿Ken mitspaleuis Jehová nochipa iuan ximouika?
Biblia kijtoua: “toTajtsin Dios [...] tlamis namechmachtis, namechchikauas, namechpaleuis amo xikkauakan uan namechpaleuis ximoyekketokan” (1 Pedro 5:10). Tinochtin ualeua techyoltilana tlen amo kuali pero Jehová techpaleuia para amo matitlajtlakolchiuakan (Salmo 139:23, 24). Jehová kijtoua mitspaleuis para xikchiua tlen ye kipaktia (xiktlajtolti Filipenses 2:13).
MATIMOMACHTIKAN
Matikitakan tlen mitspaleuis nochipa ximouika iuan Jehová uan ken mitsteochiuas tla ijkon tikchiuas.
4. Nochipa ximotlapoui iuan Jehová
Timouika iuan Jehová porque timomachtia uan timotlatlaujtia. ¿Ken mitspaleuis tla nochipa ijkon tikchiuas?
Xiktlajtoltikan Salmo 62:8 uan satepan xikitakan tlen namechmachtia.
-
Tla nochipa tikiluia Jehová ken timomachilia, okachi kuali iuan timouikas. ¿Ken uelis tikchiuas?
Xiktlajtoltikan Salmo 1:2 uan satepan xikitakan tlen namechmachtia.
-
Tla nochipa tiktlajtoltia Biblia, mitspaleuis okachi kuali ximouika iuan Jehová. ¿Ken uelis tikchiuas?
Tla tikneki mamitspaleui tlen timomachtia, ¿tlen moneki tikchiuas? Para tikmatis tlen uelis tikchiuas, xikitakan VIDEO uan satepan xikitakan tlen namechmachtia.
-
¿Ken uelis tikchiuas ijkon ken otikitakej itech video?
-
¿Tlen mitspaktiskia timomachtis?
5. Okachi xiktekichiuili Jehová
Tla okachi tiktekichiuilis Jehová, okachi kuali iuan timouikas. Xikitakan VIDEO uan satepan xikitakan tlen namechmachtia.
-
¿Ken okipaleui Cameron okachi kitekichiuilis Jehová?
Amo tinochtin uelis oksekan titetlapouitiuij pero uelis itlaj tikchiuaskej. Xiktlajtoltikan Proverbios 21:5 uan satepan xikitakan ken okachi uelis...
-
... titlapaleuis itech tlanechikol
-
... titetlapouis
¿Ken mitspaleuis nin texto para tikchiuas tlen timokuayejyekojtok?
Ijkin uelis tikchiuas
-
Ximotlatlaujti ika nochi moyolo.
-
Xiktlajtolti nochi Biblia.
-
Okachi kuali xikinmixmati tokniuan tlen inuan timonechikoua.
-
Ikaj xikmachti ika Biblia.
-
Ximochiua precursor auxiliar noso regular.
-
Tokniuan tlakamej uelis mochijchikauaskej para yetoskej siervos ministeriales.
6. ¡Nochipa xiyolpaki!
Xiktlajtoltikan Salmo 22:26 uan satepan xikitakan tlen namechmachtia.
-
¿Tlen uelis mitspaleuis nochipa xiyolpaki?
XIKILNAMIKTO
Nochipa kuali ximouika iuan Jehová uan xiktekichiuili. ¡Ijkon uelis nochipa tiyoltos uan tiyolpakis!
Matikojpauikan
-
¿Ken tikmati Jehová mitspaleuis para nochipa xiktekichiuili?
-
¿Tlen uelis tikchiuas para nochipa kuali timouikas iuan Jehová?
-
Tla tiknekij okachi kuali timouikaskej iuan Jehová, ¿tleka moneki timochijchikauaskej okachi tiktekichiuiliskej?
NIN NOIJKI MITSPAKTIS
¿Tlen okachi kipatioita Jehová, itlaj matikmakakan noso nochipa matiktekichiuilikan?
Maski ikaj yiuejkika kitekichiuilia Jehová xamo ayakmo yolpaki, ¿tlen kipaleuis oksepa mayolpaki?
¿Tlen techpaleuis okachi matiktekichiuilikan Jehová?
¿Ken uelis tikteititiskej tiixtlamatkej?
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
