CIJIJO 60
Endereranyi Mberi Mecivangisa Ushamwari Hwenyu na Jehovha
Kuvhira pamakatanga kujija Bhaibheri, makajija zvakawanda ngo pamusoro pa Jehovha. Zvamakajijaro zvakaengejera rudo hwenyu kwaari, kangaije makatoguma pakuzvipira mobhabhatijwa. Asi kudari mucito mabhabhatijwa, kangaije muri kuita mudanyu jiri jese kuti mubhabhatijwe. Kubhabhatijwa asipi kuguma ko zvese. Asi munodikana kuenderera mberi mecivangisa ushamwari hwenyu na Jehovha kwenda no kwenda. Mungazviitisa kudini?
1. Tinodikana kuitenyi kuti tienderere mberi tecivangisa ushamwari hwedu na Jehovha?
Tinodikana kuvangisira kuti tivangise ushamwari hwedu na Jehovha. Ngenyi? “Kuti titame kupauswa padoko ngo padoko,” kana kutama kureeswa kwaari. (Vahebheru 2:1) Zvicinyi zvingatibesera kuti tienderere mberi tecishandira Jehovha? Zvingatibesera ikuenderera mberi tecicumaera no kupsaka njira jimweni jo kuita zvizinji mu basa ra Jehovha. (Verenganyi Vafiripi 3:16.) Kushandira Jehovha iciro cakanaka maningi catingaita mu upenyu hwedu!—Nduyo 84:11.
2. Ngozvapizve zvamunodikana kuenderera mberi meciita?
Pikija kuti jijo yenyu yagumira pano, imwimwi muri kutanga kushandira Jehovha. Bhaibheri rinotivhunja kuti ‘tinodikana kuenderera mberi teciita vapsa.’ (Vaefeso 4:23, 24) Kuti izvo zvikwanisike, munodikana kujija Bhaibheri no kuenda ku musongano, kondhoyo munozojija zviro zvipsa ngo pamusoro pa Jehovha no mugariro jake. Psakanyi njira jakasiyana-siyana jo kutevejera mugariro jake mu upenyu hwenyu. Endereranyi mberi meciita cinjo kuti mudakajise mwoyo wa Jehovha.
3. Jehovha anozomubeseresa kudini kuti muve shamwari yake?
Bhaibheri rinoti: “Mwari . . . anozopejisa kurovejwa kwenyu. Iyena anozomuvangisa, anozomupa simba, iyena anozomudira pa maambo akavanga.” (1 Pedhru 5:10) Tese tinosongana no muejo. Asi Jehovha anogondesa kutipa zvatinoda kuti tirambe takagondeka kwaari. (Nduyo 139:23, 24) Iyena anogondesa kutipa cido no simba kuti tienderere mberi tecimushandira.—Verenganyi Vafiripi 2:13.
NASANYI KUPSAKISISA
Vonanyi kuti mungaitisa kudini kuti muenderere mberi mecivangisa ushamwari hwenyu na Jehovha no kuva no makomborero ake.
4. Endereranyi mberi mecibhuisana no shamwari yenyu yakanaka
Kuita mukumbiro no kujija Bhaibheri kwakamubesera kuti muve shamwari ya Jehovha. Asi izvi zvingamubesera kudini kuti muve phedo naye?
Verenganyi Nduyo 62:9, perapo bhuisananyi ngo muvhunjo unotevera:
-
Kuti tivangise ushamwari hwedu na Jehovha ngozvapi zvatinodikana kuita?
Verenganyi Nduyo 1:2, perapo bhuisananyi ngo muvhunjo unotevera:
-
Kusiyapo kuverenga Bhaibheri, ngozvapi zvimweni zvatinodikana kuita kuti tivangise ushamwari hwedu na Jehovha?
Kuti tive no ushamwari wakavanga na Jehovha tinodikana kuitisa kudini jijo yedu? Kuitira kuwana mazano amweni, rijanyi VHIDHIYO, perapo bhuisananyi ngo muvhunjo jinotevera.
-
Mazano api omavona pa vhidhiyo o maidakarira kushandisa?
-
Ishwiro japi jamaidakarira kujija?
5. Psakanyi manera amweni okunasa kushandira Jehovha
Kupsaka kuita zvakawanda mu basa ra Jehovha kunozotibesera kuvangisa ushamwari wedu naye. Rijanyi VHIDHIYO, perapo bhuisananyi ngo muvhunjo unotevera.
-
Pa vhidhiyo, Kameroni wakabesereka kudini ngo kuda kuita zvakawanda mu basa ra Jehovha?
Asipi vandhu vese vanokwanisa kuenda ku nyika jimweni jo kunja kuti vaite basa ro kucumaira. Asi tese tingadadamira kuita zvakawanda mu basa ra Mwari. Verenganyi Mazwi Akangwara 21:5 Sandujo yo Nyika Imbza, perapo bhuisananyi ngo zviro zvamunoda kuita mu . . .
-
ungano yenyu.
-
basa ro kucumaera.
Vhesi iyi ingamubeseresa kudini kuti mukwanirise zvido zvenyu pa kushandira Jehovha?
Zvimweni zvamungaeja kuita
-
Kuitisa nani mukumbiro jenyu.
-
Kuverenga Bhaibheri rese.
-
Kuziva vandhu vese mu ungano.
-
Kutangisa jijo jo Bhaibheri.
-
Kushanda inga piyona wo besero kana wo nguva jese.
-
Kudari muri hama, moita zvamunokwanisa kuti muve mubeseri wo ungano.
6. Dakaranyi Kwenda no Kwenda!
Verenganyi Nduyo 22:26 Sandujo yo Nyika Imbza, perapo bhuisananyi ngo muvhunjo unotevera:
-
Ngozvapi zvamungaita kuti mudakare wari pomwe no kwenda no kwenda?
ZVOTAJIJA
Kuramba tecivangisa ushamwari hwedu na Jehovha no kuva no zvido zvo kumujimu. Tikaita kudaro tinozodakara no kucingaperi.
Kuhwirijira
-
Ngenyi mungava no cokwadi cokuti Jehovha anozomubesera kuti murambe makagondeka?
-
Mungaitisa kudini kuti muvangise ushamwari hwenyu na Jehovha?
-
Ngenyi kuva no zvido zvokumujimu zvinovangisa ushamwari hwenyu na Jehovha?
ZIVANYI ZVIMWENI
Ngocapi ciro caanoreremeja maningi Jehovha, ikuita ciro cinomushamaisa kana ikupona no takagondeka kwaari?
Pikija mushandiri wakatogondeka wa Jehovha, angaruza mudakaro. Vonanyi kuti mungauwanisazve kudini mudakaro.
Mungawanisa kudini zvido zvo kumujimu?
“Shandisa Zvinangwa Zvokunamata Kukudza Musiki Wako” (Murindiri, wa 15 ya Julho yo 2004, Cishona)
Ngenyi zvinosisira kuva Mukristu wakaivha, tingazviitisa kudini?
