In dës kurs fone Bijbel, duu häst feel oiwer Jehovaa lërt. Weegen dat ales wat’s duu lërt häst, dij lijb up Jehovaa is feel gröter woore. Kan sin duu häst dij anbåre tau Jehovaa un häst dij tauwe låte. Wen’s duu dat nog ni måkt häst, kan sin duu wilst dat bald måke. Åwer nå dijn tauwen duu must bijblijwe foirwärtsgåe un dijne ümgang mit Jehovaa stärke up ümer. Åwer wosoo kast duu dat måke?

1. Woweegen must duu bijblijwe dijne ümgang mit Jehovaa stärke?

Wij muite oos anstrenge taum bijblijwe oose ümgang mit Jehovaa stärke. Woweegen? “Dat wij ais ni uutm weeg gåe”, urer dat wij oos ais nij fon em aflenke. (Hebreus 2:1) Wat kan oos helpe reäl tau Jehovaa bijblijwe? Feel upm preegarbëd måke un andenke wat wij nog mër tau Jehovaa måke koine. (Lees Filipenses 3:​16) Jehovaa sijne wile måke is dat best dail wat wij måke koine in oosem leewend! (Salmo 84:10)

2. Wat nog mër must duu bijblijwe måke?

Dijn kurs fone Bijbel is nuu bald uut, åwer dij leewend soo as Tüüge fon Jehovaa däit nuu man grår anfänge. Ine Bijbel stäit wij muite oos “oiwertreke mit dai nijg moor”. Dat bedüürt wij muite oos anstrenge taum Jehovaa un sijn moors nåmåke soo wijd as irgends gäit. (Efésios 4:23 un 24) Dårtau, must duu bijblijwe dai Bijbel lëre un ümer up dai forsamlunge sin. Wen’s duu bijblijwe däist nijg daile oiwer Jehovaa un oiwer em sijn gaure moors lëre un däist dårnå leewe, duu warst Jehovaa sër fröölig låte.

3. Wosoo däit Jehovaa dij helpe dijne ümgang mit em stärke?

Ine Bijbel stäit: “God . . . däit juuch gans un går inlëre. Hai mökt juuch stram, hai mökt juuch stark, hai stelt juuch upe ain fast fundament.” (1 Pedro 5:10) Wij ale ware forsöcht taum forkërd daile måke. Åwer Jehovaa giwt oos ales wat wij bruuke taum bijblijwe reäl tau em sin. (Salmo 139:23 un 24) Jehovaa sägt hai giwt dij dai wünsch un dai kraft taum måken wat em gefült. (Lees Filipenses 2:13)

 DAU MËR LËRE

4. Dau bijblijwe mit God fortele un em horge

Doir dat beeren un dai Bijbel lëre häst duu aine gaure ümgang mit Jehovaa kreege. Åwer wosoo koine dij dës daile helpe dij nog näiger an em hule?

Leest Salmo 62:8. Nåheer fortelt oiwer dai fråg hijr uuner:

• Up ain beetet årt beere wart dijne ümgang mit Jehovaa stärke. Wosoo kast duu dat måke?

Leest Salmo 119:97. Nåheer fortelt oiwer dai fråg hijr uuner:

• Dai Bijbel up ain beetet årt leese wart dijne ümgang mit Jehovaa stärke. Wosoo kast duu dat måke?

Wosoo kast duu dijn aigen bijbelstuun måke up ain årt wat dij düler mithelpe däit? Taum saien wosoo as wek lüür eer aigen bijbelstuun måke, kijkt der VIDEO. Nåheer fortelt oiwer dai frågen hijr uuner:

• Wat häst duu in dem video saie wat’s duu nåmåke wilst?

• Woo oiwer wilst duu dijn aigen bijbelstuun måke?

 WAT HÄWE WIJ HIJR LËRT?

Dau bijblijwe dijne ümgang mit Jehovaa stärke un häw ine gedanke mër tau Jehovaa måke. Soo kast duu lustig up ümer sin!

Denk dij ais nå

• Woweegen kast duu dij sicher sin dat Jehovaa dij helpe däit reäl tau em sin?

• Wosoo kast duu dijne ümgang mit Jehovaa stärke?

• Wosoo ine gedanke häwe mër tau Jehovaa måke kan dijne ümgang mit em stärke?