FAKAAKOAGA 60
Fakatumau ke Holo ki Mua
He fakaakoaga katoa nei ke he Tohi Tapu, loga e mena haau ne iloa hagaao ki a Iehova. Ko e tau mena ne iloa e koe kua fakalahi e fakaalofa haau ki a ia ti liga tukulele e koe e moui haau ki a ia ti papatiso. Ka nakaila taute pihia e koe, liga manamanatu a koe ke taute ai he mogo kū i mua. Ka e nakai oti e holo ki mua haau he papatiso. Maeke a koe ke fakatata tukulagi ki a Iehova. He puhala fe?
1. Ko e ha kua lata a koe ke matutaki ke fakamalolō e kapitiga haau mo Iehova?
Kia eketaha a tautolu ke matutaki ke fakamalolō e kapitiga ha tautolu mo Iehova. Ko e ha? “[Ke aua] neke tafia kehe ai a tautolu” mai ia Iehova. (Heperu 2:1) Ko e heigoa ka lagomatai a tautolu ke tumau e fekafekau fakamooli ki a Iehova? Maeke a tautolu ke fakatumau ke he gahua fakamatala mo e kumi falu puhala ke fekafekau fakalahi ke he Atua. (Totou Filipi 3:16.) Ko e fekafekau ki a Iehova ko e puhala moui ne mitaki lahi mahaki!—Salamo 84:10.
2. Ko e heigoa foki kua lata a koe ke matutaki ke taute?
Pete kua oti tuai e fakaakoaga nei ke he Tohi Tapu, ka e matutaki e moui Kerisiano haau. Pehē e Tohi Tapu kua lata a tautolu ke “tapulu . . . ke he tagata fou.” (Efeso 4:23, 24) He matutaki a koe ke fakaako e Kupu he Atua mo e fano he tau feleveiaaga, to iloa e koe e tau mena foou hagaao ki a Iehova mo e haana tau mahani. Kumi e tau puhala ke fifitaki fakalahi e aga haana he moui haau. Matutaki ke taute e tau hikiaga kua lata ke fakafiafia a Iehova.
3. To lagomatai fēfē e Iehova a koe ke holo ki mua?
Pehē e Tohi Tapu: “Ko e Atua foki . . . kia fakakatoatoa ni e ia a mutolu, kia fakatumau, kia fakamalolo, ti fakave a mutolu.” (1 Peteru 5:10) Fehagai a tautolu oti mo e tau kamatamata. Ka e foaki mai e Iehova ki a tautolu e tau mena kua lata ke maeke ke totoko ai. (Salamo 139:23, 24) Mavehe a ia ke foaki mai ki a koe e loto mo e malolō ke fekafekau fakamooli ki a ia.—Totou Filipi 2:13.
KUMIKUMI FAKAHOKULO
Manamanatu ke he puhala ka matutaki a koe ke holo ki mua mo e puhala ka fakamonuina e Iehova a koe.
4. Tumau ke tutala mo e Kapitiga uho haau
Ko e liogi mo e fakaako Tohi Tapu ka lagomatai a koe ke eke mo kapitiga ha Iehova. Maeke fēfē e tau matagahua ia ke lagomatai a koe ke fakatata lahi ki a Iehova?
Totou Salamo 62:8, ti tutala ke he hūhū nei:
-
Ke fakamalolō e kapitiga haau mo Iehova, to fakaholo ki mua fēfē e koe e tuaga he tau liogi haau?
Totou Salamo 1:2, ti tutala ke he hūhū nei:
-
Ke fakamalolō e kapitiga haau mo Iehova, fakaholo ki mua fēfē e koe e totou Tohi Tapu haau?
Taute fēfē e koe e fakaako Tohi Tapu haau ke fai kakano uho? Ke kitia falu puhala, tā e VITIŌ, ti tutala ke he tau hūhū nā.
-
Ha e fe e tau manatu he vitiō ka fakaaoga e koe?
-
Ko e heigoa e tau matakupu kua manako a koe ke fakaako?
5. Fakatoka e tau foliaga fakaagaaga
He fai foliaga he fekafekauaga ha Iehova ka lagomatai a koe ke matutaki e holo ki mua. Tā e VITIŌ, ti tutala ke he hūhū nā.
-
He vitiō, aoga fēfē a Cameron he fakatoka e tau foliaga fakaagaaga?
Nakai maeke e tau tagata oti ke hiki ke he taha motu ke fakamatala. Ka e maeke a tautolu oti ke fakatoka e tau foliaga kua aoga. Totou Tau Fakatai 21:5, ti manamanatu ke he tau foliaga kua manako a koe ke fakatoka . . .
-
ki loto he fakapotopotoaga.
-
he gahua fakamatala.
Lagomatai fēfē he matapatu fakaakoaga he kupu Tohi Tapu nei a koe ke hokotia ke he tau foliaga?
Tau foliaga ke manamanatu
-
Fakaholo ki mua e tuaga he tau liogi.
-
Totou e Tohi Tapu katoa.
-
Lali ke iloa e tau tagata oti he fakapotopotoaga haau.
-
Kamata mo e taute e fakaako Tohi Tapu.
-
Gahua paionia fakakū po ke paionia tumau.
-
Kaeke ko e matakainaga taane a koe, foli atu ke eke mo fekafekau lagomatai.
6. Fiafia e moui tukulagi!
Totou Salamo 22:26, ti tutala ke he hūhū nei:
-
Ko e heigoa ka taute e koe ke fiafia e moui mogonei mo e tukulagi?
MANATU KATOA
Matutaki ke fakamalolō e kapitiga haau mo Iehova mo e fakatoka e tau foliaga fakaagaaga. Ti maeke a koe ke fiafia e moui tukulagi!
Liu Fakamanatu
-
Ko e ha kua mauokafua a koe to lagomatai e Iehova a koe ke fekafekau fakamooli ki a ia?
-
Fakamalolō fēfē e koe e kapitiga haau mo Iehova?
-
Lagomatai fēfē he tau foliaga fakaagaaga a koe ke holo ki mua?
KUMI FOKI
Ko e heigoa ne uho lahi ki a Iehova, ko e taha e aga fakamooli lahi mahaki po ke mahani fakamooli tumau he moui katoa ki a Ia?
Maeke foki ke galo e fiafia he fekafekau fakamooli ha Iehova. Kitia e puhala ke liu moua.
Fakatoka fēfē e koe e tau foliaga fakaagaaga mo e hokotia ki ai?
“Fakaaoga e Tau Foliaga Fakaagaaga ke Fakaheke e Tufuga Haau” (Vala tala he Kolo Toko)