CHILAYIJO 60
Ndilila Mbeli Usimisa Bukwayina Bubo NaJehova
Mukosi yeyi yeBhayibhili walayijwa zunji nozwaJehova. Zunu zwawakalayijwa zwakata kuti uunde kasa akale zwakata kuti ude kuzupila kuna iye nokubhabhatizwa. Kana usanu ukazuta yozu posa umuyeya kuzuta munshaji unozha. Koga bukwayina bubo naJehova abutopelela pakubhabhatizwa chete. Ungatubula kulamba usendela pelyo naJehova nokusinopela. Ungazuta chini yozu?
1. Neni tikwelela kulamba tisimisa bukwayina bwedu naJehova?
Tokwelela kushinga nesimba kuti tindilile mbeli tisimisa bukwayina bwedu naJehova. Neni? “Kutila kuti tisipambuke” kuna iye. (BaHebhelu 2:1) Ini zungatibhancha kuti tindilile mbeli tinamata Jehova tikabimbika? Tokwelela kusungwala mushingo wokupupula akale tipote zumwe zunji zokuta pokunamata Mwali. (Balani BaFilipi 3:16.) Akuna chimwe chinhu chibhodo kupinda kunamata Jehova!—Lwimbo 84:10.
2. Ndizupi zumwe zwawunokwelela kulamba uta?
Kojoba ikosi yeBhayibhili yeyi imunda kunopela koga bupenyu bubo sonKristo bunondila mbeli. IBhayibhili linoti tokwelela “kumbala bunhu bupya.” (BaEfeso 4:23, 24) Pawunondilila mbeli ulayijwa nozweWhi lyaMwali akale nokungwina mishangano yegubungano uchalayijwa zunu zupya nozwaJehova akale nobunhu bubwe. Pota jimwe inzila jokukwejejela bunhu bubwe mubupenyu bubo. Ndilila mbeli uchincha panobedikana kuta alo kutila kuti ushantise Jehova.
3. Jehova uchakubhancha chini kuti undilile mbeli usimisa bukwayina bubo naye?
IBhayibhili linoti: “Mwali . . . Uchapejisa kulobejwa kwenu. Uchamusimisa, uchata kuti mube nesimba akale uchata kuti mume mukasima.” (1 Pita 5:10) Tose zwedu tososhangana nozukwejo. Koga Jehova unotipa zwatinoda kuti titubule kuzukoma. (Lwimbo 139:23, 24) Unotibimbisa kutipa chido nesimba kuti titubule kunamata tikabimbika.—Balani BaFilipi 2:13.
FUNDA ZUNJI
Bona kuti ungandilila mbeli chini usimisa bukwayina bubo naJehova akale kuti uchakukombolela chini.
4. Ndilila mbeli ulebeleka nonkwayina uwo wopelyo
Unamato nokulayijwa iBhayibhili zwakubhancha kuti ube unkwayina waJehova. Zunu yozu zungakubhancha chini kuti undilile mbeli usendela pelyo naJehova?
Balani Lwimbo 62:8, akale kwejisani nombuzo yoyu:
-
Minamato iyo inokwelela kuba chini kuti usimise bukwayina bubo naJehova?
Balani Lwimbo 1:2 namawhi apo pasi, akale kwejisani nombuzo yoyu:
-
Kubala kuko iBhayibhili kunokwelela kuba chini kuti usimise bukwayina bubo naJehova?
Ini zwawungate kuti ubhanchikane nokubala iBhayibhili uliwoga? Kuti ubone zumwe zwawungate, yebani iVIDIYO, akale kwejisani nemibhuzo yeyi.
-
Ndijipi inzila jawabona muvidiyo jawungade kushingisa?
-
Misholo ipi yenyaya yawungade kulayijwa nozwayo?
5. Longanya zwawungate penyaya jokunamata
Kuba nozokuta zunji mushingo waJehova zuchakubhancha kuti usime pokunamata. Yebani iVIDIYO, akale kwejisani nombuzo unotobela.
-
Muvidiyo yeyi, Cameron wakabhanchikana chini nokulonganya zunu zokuta penyaya jokunamata?
Atobeli unhu wose unotubula kufulukila kune imwe inyika kuti enopupula. Koga totubula kuba nozumwe zokuta penyaya jokunamata. Balani Zwichimbe 21:5, akale longanya zwawunoda kuta . . .
-
mugubungano.
-
munshingo wokupupula.
Chimiso chimomuvesi yeyi chingakubhancha chini kuti uzhajikije zwawunoda kuta?
Zumwe zwawungatubule kuta
-
Nakisa minamato iyo.
-
Bala iBhayibhili lyose.
-
Ziba unhu wose mugubungano.
-
Tanga kulayija umwe iBhayibhili.
-
Ita bupayona bokubhancha kana kuti bonshaji wose.
-
Kana uli mwanakwayina lakamila kuba unshingilili.
6. Lalama ushanta nokusinopela!
Balani Lwimbo 22:26, akale kwejisani nombuzo yoyu:
-
Ini zwawungate kuti ulalame ushanta feno akale nokusinopela?
INI ZWAWAFUNDA
Ndilila mbeli usimisa bukwayina bubo naJehova akale longanya zwawungate penyaya jokunamata. Ungodalo uchalalama ushanta nokusinopela!
Kubwilulula
-
Ini zuchata kuti ube nechibimbo chokuti Jehova uchakubhancha kuti unamate ukabimbika?
-
Ungasimisa chini bukwayina bubo naJehova?
-
Kuba nozokuta penyaya jokunamata kungasimisa bukwayina bubo naJehova?
PAMIJA PANA ZWAWAWANA
Jehova unokoshesa zupi, kuuntila chimwe chinu chimwempela chinochenamisa titondejela kuti tozupila kuna iye kana kuti kulalama bupenyu bwedu bose tikabimbika kuna iye?
Unamati waJehova ulobimbika unotubula kushayiwa lushanto. Bona kuti ungata chini kuti uluwane kabili.
Ungata chini kuti ulonganye zwawungate penyaya jokunamata?
“Khuthala Ekukhonzenzi Ukuze Udumise UMdali Wakho” (INqabayokulinda, July 15, 2004)
Neni zukakosha kusima munazokunamata akale kuti tingazuta chini?
