ESOMO 60
Uyitsinge eriwatya obwira bwaghu haghuma na Yehova
Erigha eBiblia y’omo nzira y’ekitabu kino lyabirikuwatikya erigha oko Yehova kw’emyatsi mingyi. Emyatsi eyo wamabigha okw’iye yabirikuwatikya erimwanza kutsibu, neryo kwamuhwa yabirikukuna eriyiherera okw’iye n’eribatisibwa. Byamabya iko bite bitya, wanganabya iwunemulengekania erikola utya omo biro ebikasa. Aliwe erikula lyaghu ly’eribya n’obwira obuwene n’oMungu silyendihwerera okwibatisibwa. Wanganalola embere eriwatya obwira bwaghu haghuma na Yehova erihika kera. Wuti?
1. Busanaki utolere iwayitsinga eriwatya obwira bwaghu haghuma na Yehova?
Litolere itwayikasa okw’iyitsinga eriwatya obwira bwetu haghuma na Yehova. Busanaki? “Tukasyayihengeka tukalua oko kwenene.” (Abaebrania 2:1) Niki kyo kyangatuwatikya eriyitsinga erikolera Yehova butaleghula? Tubye n’ebingyi eby’erikola omo mubírí w’eritulira n’erirondya ehindi hyanya hy’erituwatikya eribya n’ebingyi eby’erikola omo mubírí wa Yehova. (Soma Abanya Filipi 3:16.) Erikolera Yehova y’enzira eyuwene kundu y’engebe!—Esyonyimbo 84:10.
2. Ni kindi kyahi ekyo utolere iwabya ukakola butsira eryumbya?
Nomo erigha eBiblia erilabira ekitabu kino lyamahwera hano, engebe yetu y’oBukristo ikendilola embere. EBiblia ikatubwira yiti: “Mubye bandu bahya-bahya.” (Abanya Efeso 4:23, 24) Wamabilola embere erigha eKinywa ky’oMungu eBiblia n’erihika oko mihindano y’endeko, iwukendigha oko Yehova n’oko mibere yiwe kw’emyatsi mihya-mihya. Usondaye esyonzira esyo wangakanganiamo ngoko unemwigha ndeke erikwama emibere yiwe y’omo ngebe yaghu. Uyitsinge eribindula eyindi myatsi eyitolere eribindulwa omo ngebe yaghu, utoke eritsemesya Yehova.
3. Yehova akendikuwatikya ati utoke eriwatya obwira bwaghu haghuma naye?
EBiblia ikabugha yiti: “OMungu . . . asyabahikania, n’eribasikya, n’eribaha amaka, n’eribahangania ndeke.” (1 Petero 5:10) Obuli mughuma w’okw’itwe akalengawako erikola ebituwene. Aliwe Yehova akatuha akaghala ako tuyitaghire erikinda erilengwako. (Esyonyimbo 139:23, 24) Akalagha erituhira m’omuhwa w’erianza erimukolera n’akaghala ako tulaghireko tutoke erimukolera butaleghula.—Soma Abanya Filipi 2:13.
WIGHE BINGYI
Ulangire ngoko wangayitsinga eriwatya obwira bwaghu haghuma na Yehova kandi ng’akendikutsumula ati.
4. Uyitsinge eribya ukakania n’erihulikirira omwira waghu oyulengire abosi
Eribya ukasaba n’erigha eBiblia byabirikuwatikya eribya mwira wa Yehova. Emyatsi ibiri eyo yanganakuwatikya yiti eritasyayitunda kutsibu hakuhi naye?
Musome Esyonyimbo 62:8, neryo musubiraye oko ribulyo rino:
-
Wanganuwania wuti emisabe yaghu utoke eriwatya obwira bwaghu haghuma na Yehova?
Musome Esyonyimbo 1:2 neryo musubiraye oko ribulyo rino:
-
Wanganuwania wuti erigha ly’eBiblia lyaghu utoke eriwatya ndeke obwira bwaghu haghuma na Yehova?
Wangakolaki eribana endundi nene omwigha lyaghu ly’eBiblia? Eriminya emyatsi milebe, mulebaye EVIDEO, neryo musubiraye oko mabulyo awakwamire.
-
Ni myatsi yahi eyo ulyalangira omo video eyo utolere erikolesya?
-
Ni myatsi yahi eyo wanzire erigha?
5. Uyihirireho eby’erikola ebyangakuwatikya erikolera Yehova yo ndeke
Eriyihiriraho ebyerikola omo mubírí wa Yehova likendikuwatikya erilola embere omw’ikulya obwira bwaghu haghuma na Yehova. Mulebaye EVIDEO, neryo musubiraye oko ribulyo erikwamire.
-
Omo video, Cameron mwabana endundi yahi omw’iyihiriraho ebyerikola omo mubírí wa Yehova?
Obuli mundu syangatoka eriyatulira eyiri obwagha omo kindi kihugho. Aliwe, itwe bosi twanganayihiriraho eby’erikola omo mubírí wa Yehova ebyo twangahikira bweghu-bweghu. Usome Emisyo 21:5, neryo ulengekanaye oko myatsi ey’erikola eyo wangayihiriraho . . .
-
omo ndeko.
-
omo mubírí w’eritulira.
Akanuni akali omo risako eryo kangakuwatikya kati erihikira ebyo ukalandamirira erikola?
Eby’erikola ebyo wangayikasa erihikira
-
Eryuwania emisabe yaghu.
-
Erisoma eBiblia yosi.
-
Eriminya obuli mundu omo ndeko yenyu.
-
Eritsukisya n’erisondola efunzo y’eBiblia.
-
Eribya mupainia muwatikya kutse mupainia w’omughulu wosi.
-
Wamabya iwuli mulume oyubatisibwe, wanganalandamirira eribya mughombe muwatikya.
6. Utsemere engebe kera na kera!
Musome Esyonyimbo 22:26, neryo musubiraye oko ribulyo rino:
-
Utolere iwakolaki utoke eritsemera engebe lino n’erihika kera?
MUKIGHA MYATSI YAHI?
Uyitsinge eriwatya obwira bwaghu haghuma na Yehova n’eriyihiriraho emyatsi y’erikola omo mubírí wa Yehova. Neryo iwanganatsemera engebe lino na kera na kera!
Eriyibukya
-
Busanaki wanganayiketera ngoko Yehova akendikuwatikya erimukolera butaleghula?
-
Wangawatya wuti obwira bwaghu haghuma na Yehova?
-
Eriyihiriraho eby’erikola omo mubírí wa Yehova lyanganakuwatikya liti eriyitsinga eriwatya obwira bwaghu haghuma na Yehova?
EBINDI EBY’ERIMINYA
Ni kyahi kyo Yehova akatsemera kutsibu, erimukolera omwatsi mughuma owakakanganaya ngoko twabiriyiherera okwiye, kutse eribya bataleghula okwiye obuli kiro omo ngebe yetu yosi?
Abaghombe bataleghula ba Yehova nabo banganaherya obutseme bwabo. Ulangire ngoko banganatasyabanabo.
Ubane obutseme omwigha n’erilengekania buli oko ebyo ukigha (5:25)
Wangakolaki eritoka eriyihiriraho eby’erikola ebilebirye obwira bwaghu na Yehova n’erihikirabyo?
Busanaki ni ky’omughaso eribya Mukristo oyukulire omo bwikirirya, kandi wangakolaki eribya utya?
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
