LÉZIʼI 60
Gʉa lé mvfo lé gouʼ na chʉo wé zuigé
O tchʉatée na sôôn léziʼi Biible, nziʼi choum ta ngiôôn na Jéova. Ngouo mba nkouŋé jou nti yé kuiʼii ngiôôn ta o naa mboum jou mbwo yé mbing ngʉo nouʼou ntsé. A lôôn té pouʼou wô, mba ngouo tso o né nkouaŋa paʼ ngʉa mbʉa o gʉo pouou. Taʼ, gning lôôn nzôôn ngʉo po nouʼou ntsé, mba a yiing ngwiée po lé gʉa mvfo ngouʼou na chʉo wé zuigé. Ngouo o kouʼou lé laʼa nzôgô tsèe wou léwô nké nkuiʼi mbôônté po léjʉng Jéova. Pouʼou lékô?
1. O gwiée lé gʉo chou wui Jéova kuiʼi ngouʼ nti kô?
O gwiée lé gʉo chou wui Jéova kuiʼi ngouʼ. Pouʼou nti kô? Nzsé ngié pégé té «fʉa manzsé égʉa pié» wô (Héber 2:1). Akô gé kuiété wégé lé nké kouè po nnè na Jéova? A zaté lé lôg métam ta ngiôôn chouŋo no Ssé mbing faʼ méchʉo lé kuiʼi faʼa mbwo Ssé wégé (toŋo Filipo 3:16). Léfaʼa mbwo Jéova pouou ngouo mmo mboŋo yié a zaté lé gʉo tsèe wégé léwô! (Zôbô ntsé 84:10).
2. O yiing ngwiée lé gʉa lé mvfo lé gʉo kô?
Mboo paʼ léziʼi Biible chou né ngée mmagaa, awou léwô wé Kréeté gé gʉa po né mvfo. Biible gôôn ngié: «A ying né nzaté ngié pi kouou na ma wé suié paʼ gning wuié a kaa nzso suié mmaʼa na yé la» (Éféso 4:23, 24). O lôôn ngʉa lé mvfo lé ziʼi mmo mboo lé kou métchouʼté, mba a gé gʉo o ziʼi choum suié na Jéova mboo na méma mé. Tra lé fʉʼʉ méma mé tsèe wou léwô. Gʉa né mvfo lé gʉo ménkoubté mié é gé gʉo létʉm Jéova kag.
3. Jéova gé kuiété wou lékô lé gouʼ na chʉo wé zuigé?
Biible gôôn ngié: «Ssé . . . gé fo pouʼou, gʉo tso mmo lé ying nzaga na pi wô, étsuing ndou yi pi tʉté, mé lé ying nkouʼou lé tso wui ta mmaʼa ssé wô» (1 Piè 5:10). Pégé métsém néŋée ngwiée ménkouaʼté. Taʼ Jéova naa wégé métʉ mié é né nzèté lé lôg chʉôg (Zôbô ntsé 139:23, 24). Ssé kaaʼ ngié a gé faʼa tsèe létʉm ségé, pégé kouŋo mmo yié a poŋo yé mbing ngʉo sèe choum ta ndôg nkoua nna na yé (toŋo Filipo 2:13).
YING NKUIʼI NZIʼI
Gia paʼ yié ngouo o gʉa lé mvfo lé gouʼou na chʉo wé zuigé, mbing ngia paʼ yié ngouo Jéova néng mbʉlé yé na wou pouʼou.
4. Gʉa lé mvfo lé chouŋé lé mbong chou wou
Apréya po léziʼi Biible chou kuiétée wou lé wo chou Jéova. Ngouo o gʉo lékô ta sèe choum kuiété wou lé ké nkuiʼi ngouo po léjʉng Jéova?
Toŋo Zôbô ntsé 62:8, mbing ngôôn no na yôôn nzaté:
-
Ngouo o gʉo ngié mépréya mou kuiʼi mbong lékô, nzsé ngié chou wui Jéova kuiʼii ntʉté?
Toŋo Zôbô ntsé 1:2 ndié liŋé, mbing ngôôn no na yôôn nzaté:
-
Ngouo o gʉo ngié jou nti lé toŋo Biible kuiʼi mbong lékô, nzsé ngié chou wui Jéova kuiʼii ntʉté?
Ngouo o gʉo lékô ta ntchouŋo njʉo pi na léziʼi Biible chou? Tsôʼô VIDEO, mbing ngôôn no na ménzaté mié ée mvfo.
-
Ée mèe méntʉôgô mié o né ntsôôn lé yiŋé moo?
-
O né nkouŋo lé ziʼi yèe two no?
5. Tʉôg choum sié o gé gʉo na chʉo wé zuigé
Ngouo légwiée choum sié o gé gʉo na chʉo wé zuigé kuiété wou lé gouʼou na chʉo wé zuigé. Tsôʼô VIDÉO, mbing ngôôn no na nzaté yié ée mvfo.
-
Cameron la tʉôg choum sié a gé gʉo na chʉo wé zuigé, yèe gʉo a gwiée wèe maamaa lékag?
Ngouo pʉa métsém lé gʉa laʼ ndièʼè chouŋo no Ssé wô. Taʼ ngouo pégé pou ntʉôg choum sié ngouo pégé kouʼou lé gʉo na chʉo wé zuigé. Toŋo Provèebe 21:5, mbing ntsigé no na choum sié ngouo o tʉôgô lé gʉo . . .
-
tsèe tchouʼté.
-
tsèe faʼ lé chouŋo Ssé.
Ngouo mmo yié aa tsèe wôôn nkang ŋwaʼné kuiété wou lé gʉo mmo yié o tʉôgôô lé gʉo lékô?
Tso na choum sié ngouo o tʉôgô lé gʉo:
-
Lé gʉo ngié mépréya mou kuiʼi mbong.
-
Lé pouou ntoŋo Biible ntsém.
-
Lé ziʼi lé zsé méfè pié po pou ngouo tsèe tchouʼté.
-
Lé zhiété lé gʉo taʼ léziʼi Biible.
-
Lé wo nkiagnzsé na sang ka nkiagnzsé fʉʼ ntsém wôô.
-
Lé gwiée méma mié é gé kuiété wou lé wo nkuiété mélhié paʼ o lôôn ngouo taʼ fè wé mambaŋa.
6. Laʼa ntsuié ngwiée lékag!
Toŋo Zôbô ntsé 22:26, mbing ngôôn no na yôôn nzaté:
-
Ngouo o gʉo lékô ta ngwiée léwô wuié a pouou si lièʼôôn, mboo tsaa njʉo yié é né ntoo?
TA O ZIʼII KÔ?
Gʉa lé mvfo lé gʉo chou wui Jéova kuiʼi ntʉté mbing ntʉôg choum sié o gé gʉo na chʉo wé zuigé. O lôôn ngʉo pouʼou, mba o gé laʼa tsuié gwiée lékag!
Ta o né nkimté?
-
O zuiing té mʉʼté ngié Jéova gé kuiété wou lé tchouŋo ngouʼté yé?
-
Ngouo o gʉo lékô ta ngʉo chou wui Jéova kuiʼi ntʉté?
-
Ngouo létʉôôg choum sié o gé gʉo kuiété wou lé gouʼ na chʉo wé zuigé lékô?
KUIʼI FAʼ
Aa kô yié a pou ngouo tʉnzuing ménʉôg Jéova? A wo po légʉo choum môôn môôn taʼ légʉa kéen, ka lé kouaa na yé tsaa wégé léwô wé liaaʼ ntsém?
Ngouo gning wuié a gouʼté Jéova paʼ a né nzaté pié lékag wé. Ngouo a léen nké ngʉo lékô ta nging ngwiée?
Ying ngwiée lékag ntchʉaté na léziʼi mmo po lésélé kouangté jou moo (5:25)
Ngouo mé gʉo lékô ta ntʉôg choum sié mé gé gʉo na chʉo wé zuigé mbing nkouʼou lé gʉo?
Tʉnzuing lé wo Kréeté wuié a tʉté na chʉo wé zuigé: ammo yié ngouo o gʉo ta ngouo yèe nti Kréeté.
