ISIFUNDO 60
Ragela Phambilli Nokuthuthuka
Esifundweni seBhayibhelesi ufunde okunengi ngoJehova. Izinto ozifundileko zikwenze wamthanda khulu, kungenzeka sewuzinikele kuye begodu wabhajadiswa. Nakungasinjalo, mhlamunye ucabanga ukwenza njalo kungasikade. Kodwana ituthukwakho akafuzi iphelele ekubhajadisweni. Ungaragela phambili utjhidela kuJehova ngokungapheliko. Njani?
1. Kubayini kufuze uragele phambili uqinisa ubungani bakho noJehova?
Kufuze sisebenze ngamandla nasifuna ukuqinisa ubuhlobo bethu noJehova. Kubayini? “Bona singathomi sikhukhuleke”. (Hebheru 2:1) Khuyini engasisiza bona siragele phambili silotjha uJehova ngokuthembeka? Singahlala simajadu ngomsebenzi wokutjhumayela begodu sifune neendlela ezihlukileko zokulotjha uZimethu ngokuzeleko. (Funda kwebeFilipi 3:16.) Ukulotjha uJehova yindlela engcono khulu yokuphila!—IRhubo 84:10.
2. Khuyini okufuze uragele phambili ukwenza?
Nanyana isifundo seBhayibheli sifikela emaphethelweni, ukuphila kwakho njengomKrestu kuzokuragela phambili. IBhayibheli lithi, kufuze ‘simbathe ubuntu obutjha.’ (Efesu 4:23, 24) Njengombana uragela phambili ufunda iliZwi lakaZimu begodu uya esifundweni, uzokufunda izinto ezitja ngoZimu nangobuntu bakhe. Funa iindlela ongalingisa ngazo ubuntu bakhe ekuphileni kwakho. Ragela phambili wenza amatjhuguluko athabisako bona uthabise uJehova.
3. UJehova uzokusiza njani uthuthuke?
IBhayibheli lithi: “UZimu . . . uzokuqedela ukubandulwa kwenu. Uzonenza niqine, uzonenza nibe namandla, uzonibeka esisekelweni esiqinileko.” (1 Pitrosi 5:10) Soke sizokulingeka bona senze izinto ezingakalungi. Kodwana uJehova usipha esikutlhogako bona sikubalekele lokho. (IRhubo 139:23, 24) Uthembisa ukukunikela kokubili isifiso namandla wokobana umlotjhe ngokuthembeka.—Funda kwebeFilipi 2:13.
FUNDA NGOKUNGENELELEKO
Tjheja bona ungaragela njani phambili uthuthuka nokuthi uJehova uzokubusisa njani.
4. Ragela phambili ukhulumisana noMnganakho omkhulu
Ukuthandaza nokufunda iBhayibheli kukusizile wabamngani kaJehova. Izintwezi zingakusiza njani utjhidele kuye khulu?
Funda iRhubo 62:8, bese nicoca ngombuzo lo:
-
Bona uqinise ubungani bakho noJehova, ungayithuthukisa njani indlela othandaza ngayo?
Funda iRhubo 1:2, bese nicoca ngombuzo lo:
-
Bona uqinise ubungani bakho noJehova, ungakuthuthukisa njani ukufunda kwakho iBhayibheli?
Khuyini ongayenza bona uzuze esifundweni sakho somuntu mathupha? Ukubona ongakwenza, dlala IVIDIYO, bese nicoca ngemibuzo elandelako.
-
Ngiziphi izinto ezivezwe evidiyweni ongazenza?
-
Ngiziphi izinto ongathanda ukufunda ngazo?
5. Hlela indlela ongalotjha ngayo uJehova ngeendlela ezingcono khulu
Ukuba nezinto ofuna ukuzenza nawulotjha uJehova kuzokusiza uragele phambili uthuthuka. Dlala IVIDIYO, bese nicoca ngombuzo olandelako.
-
Evidiyweni le, uCameron wazuza njani ngokuzibekela imigomo yokulotjha uJehova?
Akusiwo woke umuntu ongakghona ukufudukela kwenye inarha ukuyokutjhumayela khona. Nanyana kunjalo, soke singakghona ukuzibekela imigomo esingayifikelela. Funda izAga 21:5, bese ucabangela imigomo ongazibekela yona . . .
-
ebandleni.
-
esimini.
Ikambisolawulo esevesineli ingakusiza njani ufikelele imigomwakho?
Imigomo ongalinga ukuyifikelela
-
Thuthukisa indlela othandaza ngayo.
-
Funda iBhayibheli loke.
-
Linga ukwazi woke umuntu ebandleni okilo.
-
Thoma bewurage isifundo seBhayibheli.
-
Yiba liphayona lesikhatjhana namkha lesikhathi esizeleko.
-
Nangabe umumuntu wembaji, sebenzela ukuba yinceku esizako.
6. Thabela ukuphila ngokungapheliko!
Funda iRhubo 22:26, bese nicoca ngombuzo lo:
-
Khuyini ongayenza bona uthabele ukuphila nje nangokungapheliko?
ISIRHUNYEZO
Ragela phambili uqinisa ubungani bakho noJehova begodu uzibekele imigomo yokumlotjha. Nawenza njalo uzokuthabela ukuphila ngokungapheliko!
Buyekeza
-
Kubayini unethemba lokobana uJehova uzokusiza umlotjhe ngokuthembeka?
-
Ungabuqinisa njani ubungani bakho noJehova?
-
Imigomo yokulotjha uJehova izokusiza njani bona uthuthuke?
HLOLA OKUNGENZASI
Khuyini eqakatheke khulu kuJehova, sisenzo sinye esikhulu sokuzinikela namkha kuthembeka kuye ukuphila kwakho koke?
Ngitjho nenceku ethembekileko kaJehova ingaphelelwa lithabo. Qala ukuthi ungathaba njani godu.
Ungazibekela njani imigomo yokulotjha uJehova begodu uyifikelele?
“Sebenzisa Imigomo Yokulotjha UZimu Bona Uphazimulise UMdalakho” (IsiThala, Julayi 15, 2004)
Okhunye Ongakuthabela
OKUBUZWAKO
Siyini Isifundo SeBhayibheli?
Fumana iimpendulo zemibuzo emalungana nehlelo lethu lesifundo seBhayibheli.
