60 KAQ YACHAKUNËKIPAQ
Jehoväpita yachakur sïgui
Kë libruwan Bibliata estudiarmi Teytantsik Jehoväpita imëkata yachakurqunki. Tsëmi yanapashurqunki Jehoväta mas kuyanëkipaq, y capazchi pëta sirwinëkipaq bautizakurqunkina o bautizakunëkipaq pensëkanki. Bautizakurirpis Teytantsik Jehoväpitam mas yachakur sïguinëki, tsëmi yanapashunki pëwan imëpis amïgu kanëkipaq. Tsëta imanö ruranëkipaq kaqtam këchö yachakunki.
1 KAQ: ¿Imanirtan Jehoväpa mas kuyë amïgun këta procurankiman?
Teytantsik Jehoväpa mas kuyë amïgun këtaqa llapantsikmi procuranantsik. Tsëmi yanapamäshun, “ni imëpis llutampa apashqa mana kanapaq” y Jehoväta imëyaqpis sirwinapaq (Hebrëus 2:1). Tsëmi nunakunata Diospita yachatsita dejanantsiktsu, y imëkachö yanapakurmi Jehoväta maslla sirwinantsik (leyi Filipensis 3:16). ¡Teytantsik Jehoväta sirwinqantsikwanqa manam ni imapis igualantsu! (Salmus 84:10).
2 KAQ: ¿Imata rurartan sïguinëki?
Kë libruta estudiar ushashqa karpis, tsëraqmi Jehoväta sirwir qallëkanki. Y llapantsiktam Teyta Diospa Palabran kënö nimantsik: “Teyta Dios munanqannö[mi] jukläyana portakuyänëki” (Efesius 4:23, 24). Diosnintsikpa Palabran Bibliata mas estudiar y reunionkunaman ëwarmi Teytantsik Jehoväpita mas yachakunki. Jehovä mandakunqannö kawanëkipaq imachöpis cambianëki faltaptinqa, tsë cambiukunata rurë. Tsëmi yanapashunki imatapis Jehovänö pensanëkipaq y ruranëkipaq.
3 KAQ: ¿Imanötan Jehoväqa yanapashunki mas sirwinëkipaq?
Bibliachömi nin: “Kikin Teyta Dios[mi], alistayäshurniki ushanqa. Pëmi alli tsarakoqta tikratsiyäshunki, pëmi fuertita tikratsiyäshunki, pëmi alli patsakätsiyäshunki” (1 Pëdru 5:10). Llapantsikmi imëka tentacionkunapa pasantsik. Tsënö kaptimpis, Teytantsik Jehovämi yanapamäshun mana alli rurëkunaman mana chänapaq (Salmus 139:23, 24). Jehovämi yanapashunki pëta sirwinëkipaq gänasniki y kallpëki kanampaq (leyi Filipensis 2:13).
MASLLA YACHAKUSHUN
Jehoväta mas sirwinëkipaq y bendicionkunata chaskinëkipaq kaqtam yachakushun.
4 KAQ: Jehoväman imëpis mañakuy
Jehoväwan amïgu kanëkipaqqa, pëman mañakunqëki y Palabran Bibliata leyinqëkim yanapashurqunki. Y tsëkunata mas ruraptikiqa, Jehoväpa mas amïgunmi tikranki.
Leyiyë Salmus 62:8 ima ninqanta y këpaq parlayë:
-
Jehoväman mañakunqëkim pëwan mas amïgu kanëkipaq yanapashunki. Tsëqa, ¿imatataq rurankiman Jehoväman mañakunqëki mas shumaq kanampaq?
Leyiyë Salmus 1:2 ima ninqanta y këpaq parlayë:
-
Bibliata leyinqëkim yanapashunki Jehoväwan mas amïgu kanëkipaq. Tsëqa, ¿imatataq rurankiman Bibliata mas alli leyinëkipaq?
Bibliata japallëki leyinqëki höra alli yachakunëkipaqqa, ¿imataraq rurankiman? VIDEUTA rikäyë y këkunapaq parlayë:
-
¿Videuchö imata rurayanqantataq qampis rurëta munanki?
-
¿Imakunata yachakuytan gustashunkiman?
5 KAQ: Imachö yanapakunëkipaq kaqmanmi pensanëki
Imachö yanapakunëkipaq kaqta pensanqëkim Jehoväta mas sirwinëkipaq yanapashunki. VIDEUTA rikäyë y këpaq parlayë:
-
¿Imata ruranampaqtan Cameron decidirqan, y imanötan tsëta ruranqanqa yanaparqan?
Manam llapantsiktsu juk nacionkunaman Diospita yachatsikoq ëwëta puëdintsik. Peru llapantsikmi pensanantsik imallachöpis yanapakunapaq. Leyiyë Proverbius 21:5 ima ninqanta, y pensayë...
-
... congregacionchö imanö yanapakuyta munanqëkiman.
-
... Diospita yachatsikur imanö yanapakuyta munanqëkiman.
¿Imanötan Proverbius 21:5 ninqan yanapashunkiman Jehoväta sirwinëkipaq decidinqëkikunata cumplinëkipaq?
Këkunata ruranëkipaq kallpachakuy:
-
Jehoväman mas shumaq mañakunëkipaq.
-
Bibliata llapanta leyinëkipaq.
-
Congregacionchö llapan wawqi panikunata reqinëkipaq.
-
Pitapis Bibliata estudiatsinëkipaq.
-
Precursor auxiliar o regular kanëkipaq.
-
Siervu ministerial kanëkipaq.
6 KAQ: ¡Mana wanurmi kushishqa kawakunki!
Leyiyë Salmus 22:26 ima ninqanta y këpaq parlayë:
-
¿Imatataq rurankiman kanan y shamoq tiempuchö kushishqa kawakunëkipaq?
KËTAM YACHAKURQUNKI
Jehoväwan mas amïgu kanëkipaq y pëta mas sirwinëkipaq kallpachakuy. Tsëta rurarqa, ¡mana wanurmi imëyaqpis kushishqa kawakunki!
¿Yarpankiku?
-
¿Imanirtan següru këkankiman imëpis sirwinëkipaq Jehovä yanapashunëkipaq kaqta?
-
¿Imatataq ruranëki Teytantsik Jehoväwan mas amïgu kanëkipaq?
-
Imachöpis yanapakuyta munanqantsikman pensanqantsikqa, ¿imanirtan yanapamantsik Jehoväta mas sirwinapaq?
MASTA YACHAKUY
¿Jehoväqa munan juk kutilla imëkata aguantar sirwinataku, o imëpis alli tsarakur sirwinataku?
Jehoväta llapan shonquntsikwan sirwirpis hörataqa qelanärishwanmi. Tsënö pasashuptiki ima yanapashunëkipaq kaqta rikë.
¿Imataq yanapamarqan Jehoväta mas kushishqa sirwinäpaq? (5:25)
¿Imatan yanapamäshun imachö yanapakunapaq kaqman alli pensanapaq y decidinqantsikta cumplinapaq?
“Jehoväta mas sirwinapaq imakunata ruranapaq kaqman pensashun” (Täpakoq, 15 de juliu 2004)
¿Imanirtan Jehoväwan amïgu kanëkipaq kallpachakunëki? Y tsëpaqqa, ¿imatataq ruranëki?