Cai librota estudiacushpaca Jehová Diosmantami achcata yachashcangui. Yaya Diosta cꞌuyashcamantami tal vez canca paiman mingarishpa ña bautizarishcangui. Manaraj chaita rurashca cashpaca chaita ruranapichari ña yuyacungui. Shinapish bautizarishca qꞌuipaca espiritualmente sinchiyashpami catina cangui. Chaipajca Jehová Dioshuan huiñaita apanacungapajmi paimanta yachashpa catina cangui. ¿Chaitaca ima shinataj rurai tucunchij?

1. ¿Imamantataj Jehová Diosmanta yachashpa catina cangui?

Jehová Diosmanta yachashpa catingapajmi tucui shunguhuan esforzarina canchij. Chashnami ‘feta charinataca manataj saquishun’ paimantapish manataj caruyashun (Hebreos 2:1, NWT). Pero ¿Jehová Diosta tucui shunguhuan sirvishpa catingapajca imatataj rurana canchij? Predicangapaj, Diosta ashtahuan sirvingapajmi esforzarishpa catina canchij (Filipenses 3:16-ta liyipai). Jehová Diosta sirvinami tucuimanta yalli ashtahuan alli can (Salmo 84:10).

2. ¿Imatataj rurashpa catina cangui?

Cai librohuan Bibliamanta yachanataca ñami tucuchicungui. Shinapish Yaya Diostaca cunanca sirvi callaricunguillami. Bibliapica tucui Diosta sirvijcunataca: “Mushuj causaita churarichij” ninmi (Efesios 4:23, 24). Bibliamanta yachanata mana saquishpa, tandanacuicunaman rishpaca Jehová Dios ima shina cashcatami ashtahuan rijsingui. Pai shina cangapaj, yuyangapajmi siempre esforzarina cangui. Cambaj causaipi cambiocunata rurashpaca Yaya Diospaj shungutami cushichingui.

3. ¿Espiritualmente sinchi tucuchunca Jehová Diosca ima shinataj ayudai tucun?

Bibliapica: ‘Diosca asha llaquicunata apachun saquishpaca, cancunataca allitaj caj tucungacama pi mana cuyuchipaj sinchitami ruran’ ninmi (1 Pedro 5:10). Tentacioncunata charishpapish Jehová Diosca chai tentacioncunata mishachunmi ayudan (Salmo 139:23, 24). Shinallataj Yaya Diosca paita tucui shunguhuan sirvichunca allita rurana munaitapish, fuerzatapishmi cusha nin (Filipenses 2:13-ta liyipai).

 ASHTAHUAN YACHAI

4. Diospaj amigo canataca amataj saquichu

Jehová Diosta mañashpa, Bibliamanta yachashpami Diospaj amigo tucushcangui. ¿Caicunata rurashpa catinaca ima shinataj Jehová Diospajman ashtahuan cꞌuchuyachun ayudanga?

Salmo 62:8-ta liyipai. Qꞌuipaca cai catij tapuitami yachashun:

• Jehovapaj alli amigo cangapajca ashtahuan alli mañanatami yachana cangui. ¿Chaitaca ima shinataj rurai tucungui?

Salmo 1:2-ta liyipai. Qꞌuipaca cai catij tapuitami yachashun:

• Jehová Dioshuan alli apanacungapajca Bibliataca allimi liyina cangui. ¿Chaitaca ima shinataj rurai tucungui?

¿Bibliata canlla yachacushpa ashtahuan intindingapajca imatataj rurana cangui? Caimanta ashtahuan yachangapajca VIDEOTA ricui. Qꞌuipaca cai catij tapuicunatami yachashun:

• ¿Cai videomantaca imatataj cambaj causaipi pajtachi tucungui?

• ¿Ima yuyaicunamantataj ashtahuan yachanata munangui?

 YUYARISHUNCHIJ

Jehová Dioshuan alli apanacungapaj, paita sirvingapajpish esforzari. Chashnami huiñaita huiñaita cushilla causangui.

Yuyaringapaj tapuicuna

• ¿Jehová Diosta tucui shunguhuan sirvingapaj pai ayudana cashcataca imamantataj cringui?

• ¿Jehová Diospaj alli amigo cangapajca imatataj rurana cangui?

• ¿Espiritualmente sinchiyashpa catingapajca imamantataj Diosta ashtahuan sirvina cangui?