Bibliara can estudiaushcai Jehovamanda ashcara yachashcangui. Chiraigu Jehová Diosta llaquisha mingarisha bautisaringuichari. Chara mana bautisarishca asha ña bautisaringaj iyarishcanguichari. Shinajpis bautisarishca huasha Diosta sirvinai mas rurasha catina angui. Jehovahua mas amigo tucusha catina ushangui huiñai huiñaigama. Ricushun imasna.

1. ¿Imarasha Jehová Dioshua mas amigo tucungaj ursarisha catina angui?

Jehová Dioshua mas amigo tucungaj mas ursarisha catina tucunchi. ¿Imarasha? Ñucanchi quirinara mana saquingaj ‘paimanda ama caruyangajpas’ (Hebreos 2:1). ¿Imara yanapanga Jehová Diosta intiru shunguhua sirvisha catingaj? Bibliamanda yachachisha astaun ñucanchi Diosmanda mas rurasha (leai Filipenses 3:16). Shujta rurana randi Jehová Diosta sirvina mas valishcami an (Salmo 84:10).

2. ¿Imara rurasha catina angui?

Cai libromanda yachana tucuriujpis cunami ña Diosta sirvingaj callarishcangui. Biblia nin caran Jesusta catij ‘mushuj causaira churarichu’ (Efesios 4:23, 24). Bibliamanda estudiasha catisha, tandarinama shamusha Jehovamanda mas yachangaraungui. Shinallara Jehová imasna ashcara riparasha pai cuinta tucungaj ursari. Jehová Diosta cushiyachingahua mas alima turcarisha catingui.

3. ¿Imasnara canda Jehová Dios yanapanga paita mas sirvisha catingahua?

Biblia nin: “Dios [...] canguna unaillara turmindarishca huasha, paillarami cangunara alichinga, shinzhiyachinga, shayachinga” (1 Pedro 5:10). Tucuigunara tintaiguna shamunmi shinajpis Jehová Dios yanapanga caigunara vinsingahua (Salmo 139:23, 24). Astaumbas Yaya Dios munaira ursairas cunga paita casusha catingahua (leai Filipenses 2:13).

 MAS YACHAI

4. Camba amigo Jehovahua ali cuintanunara ama saquinguichu

Oracionda rurana, Bibliara estudianas Jehová Dioshua amigo tucungaj canda yanapashca. ¿Imasnara cai ruranauna canda yanapanga Jehová Diospajma mas mayanllangahua?

Leaichi Salmo 62:8, huasha catij tapuimanda rimaichi:

• ¿Imasna can alira mañaushca Jehová Dioshua mas amigo tucungaj yanapan?

Leaichi Salmo 1:2, huasha catij tapuimanda rimaichi:

• Jehová Dioshua mas amigo tucungahua ¿imasnara alira riparasha Bibliara leana angui?

¿Ima rurasha Bibliara estudiaushcai mas alira intindingahua canda yanapanga? Huaquin iyaigunara tupangahua VIDEORA ricuichi. Huasha catij tapuigunamanda rimaichi:

• Video ricushcamanda ¿maican ali iyaigunara cambas rurangaj munangui?

• ¿Ima temagunamanda estudiangaj munangui?

 IMARA YACHASHCANGUI

Jehová Dioshua mas ali amigo tucusha paita mas sirvisha cati. ¡Casna rurasha huiñai causaira chasquina ushangui!

Iyaringaj

• ¿Imarasha can sirtu quirina ushangui Jehovara tucui shunguhua sirvijpi pai canda yanapangaraushcara?

• ¿Imara rurana ushangui Jehová Dioshua mas ali amigo tucusha catingahua?

• Jehová Dioshua mas ali amigo tucungahua ¿imarasha mas rurana angui?