60 YACHACHIKUY
Kallpanchakuy Diosta astawan kuyanaykipaq
Kaykamam Jehova Diosmanta allintaña yacharunki. Ichapas chayrayku Diosllapaqña kawsakunaykipaq tantiakuruspa bautizakurunki. Manaraq bautizakuspaykipas piensachkankipaschá bautizakuyta. Bautizakuruspaykipas hinallam kallpanchakunayki Jehova Diosmanta yachanaykipaq, chaynapi paymanta mana haykapipas karunchakunaykipaq. Chaymantayá yachaykusun.
1. ¿Imanasqataq kallpanchakunayki Diosta astawan kuyanaykipaq?
Jehova Diosta astawan kuyanapaqmi kallpanchakunanchik, chaynapi “imapas yachasqanchikmanta mana karunchasqa kananchikpaq” (Hebreos 2:1). Diosmanta mana karunchakurunapaqmi yanapawasun paymanta hinalla willakuyninchik hinaspa imapipas yanapakusqanchik (leey Filipenses 3:16). ¡Imamantapas aswan allinqa Jehova Diosta serviymi! (Salmos 84:10).
2. ¿Imakunapaqmi hinalla kallpanchakunayki?
Kay libro estudiayta tukuruspaykipas hinallam kallpanchakunayki Diospa munasqanman hina kawsakunaykipaq. Bibliapim niwanchik Diosta serviqkunaqa ‘musuq runaña kanapaq’ kallpanchakunamanta (Efesios 4:23, 24). Bibliata hinalla estudiaspaykiqa hinaspa huñunakuykunaman rispaykiqa Jehova Diosmantam astawan yachanki. Kallpanchakuy imayna sunquyuq kasqanta qatipakunaykipaq. Kallpanchakuytaq mana allinkunata manaña ruwaspayki Diosta kusichinaykipaqpas.
3. ¿Imaynatam Jehova Dios yanapasunki allin iñiyniyuq kanaykipaq?
Bibliapim nin: ‘Diosmi yanapasunkichik qaqa hina sayaq kanaykichikpaq, kallpayuq hinaspa allin takyaq kanaykichikpaq’, nispa (1 Pedro 5:10). Sasachakuykuna kaptinpas Jehova Diosqa yanapawasunmi paymanta mana karunchakunapaq (Salmos 139:23, 24). Hinaspapas kikinmi prometewanchik payman sunqu kaspa munayninta hinalla ruwanapaq atiyta quwananchikpaq (leey Filipenses 2:13).
ASTAWAN YACHAYKUSUN
Yachaykusun Diosta astawan kuyanapaq imakuna ruwananchikmanta hinaspa ima bendicionkuna chaskinamanta.
4. Jehova Diosta mañakuytaqa amayá saqiychu
Diosta mañakuymi hinaspa bibliata estudiaymi hukkunata yanaparqa Diospa amistadnin kanankupaq. ¿Yaqachu qamtapas yanapasunkiman astawan Diospa amistadnin kanaykipaq?
Leeychik Salmos 62:8 hinaspa qatiqninmanta rimariychik:
-
Diosta mañakuymi yanapasunki paywan allin amistad kanaykipaq. ¿Imatam chaypaq ruwawaq?
Leeychik Salmos 1:2 hinaspa qatiqninmanta rimariychik:
-
Bibliata leeymi yanapasunki Dioswan allin amistad kanaykipaq. ¿Imaynatam chayta ruwawaq?
¿Imataq yanapasunkiman sapallaykipi bibliata allinta estudianaykipaq? Chaymanta yachanaykipaq VIDEOTA qawaykuychik. Chaymantañataq qatiqninmanta rimariychik:
-
¿Qawasqanchik videopi ima ruwasqankutam qatipakuwaq?
-
¿Imamantam astawan yachayta munawaq?
5. Diosta astawan servinaykipaq tantiakuy
Imatapas haypanaykipaq tantiakusqaykim yanapasunki allin iñiyniyuq kanaykipaq. VIDEOTA qawaykuychik hinaspa qatiqninmanta rimariychik:
-
¿Imaynatam sipasta yanaparqa imatapas ruwananpaq tantiakusqan?
Manam llapanchikchu atinchik huklaw nacionman rispa willakuytaqa. Chaywanpas atisqanchikta haypanapaqmi tantiakuchwan. Leeychik Proverbios 21:5 hinaspa rimariychik: ¿Imata haypanaykipaqmi tantiakuwaq...
-
... congregacionnikipi?
-
... Diosmanta willakuspa?
¿Imaynatam kay leesqanchik kallpanchasunki tantiasqaykita haypanaykipaq?
Kallpanchakuwaqmi:
-
Sunqumanta mañakunaykipaq.
-
Enteron bibliata leenaykipaq.
-
Huñunakusqaykipi lliw iñiqkunata riqsinaykipaq.
-
Huk runallamanpas bibliamanta estudiachinaykipaq.
-
Precursor auxiliar utaq regular kanaykipaq.
-
Qarikunañataqmi kallpanchakunmanku punta apaqkunapa yanapaqnin kanankupaq.
6. Wiñaypaq kusisqa kawsakuy
Leeychik Salmos 22:26 hinaspa qatiqninmanta rimariychik:
-
¿Imaynatam kunanpas chaynataq hamuq tiempopipas kusisqa kawsakuwaq?
YUYARIYKUSUN
Diospa amistadnin kanaykipaq hinaspa ima tantiasqaykitapas haypanaykipaq hinalla kallpanchakuspaqa wiñaypaqmi kusisqa kawsakunki.
¿Ima niwaqtaq?
-
¿Imanasqam mana iskayrayanaykichu Diosman sunqu kanaykipaq kikin yanapasunaykimanta?
-
¿Imatam ruwawaq Dioswan allin amistad kanaykipaq?
-
¿Imanasqataq imata haypanaykipaqpas tantiakunayki, chaynapi allin iñiyniyuq kanaykipaq?
ASTAWAN YACHANAYKIPAQ
¿Huk kutillapi allin ruwasqanchikchu icha sapa punchaw payman sunqu kanapaq kallpanchakusqanchikchu Jehova Diospaq aswan allin? Chaymanta kay videopi qawaykuy.
Qawaykuy Diosman sunqu kachkaspa hukmanyaruspanchik ima ruwanamanta.
Kaqmantam Jehova Diosta kusisqa serviyta qallaykurqani (5:25)
¿Imataq yanapasunkiman Dios serviynikipi imapas tantiasqaykita haypanaykipaq? Chaymanta kaypi yachaykuy.
Yachaykuy allin iñiyniyuq kay imanasqa ancha allin kasqanmanta hinaspa chaypaq ima ruwanaykimanta.
“Yuyayniyoqyá kasunchik, ‘Diospa castiganan’ punchawqa chayaykamuchkanñam” (Willakuq, mayo 2009)
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
