Калка библейска урокя помагинде туке те ахальовес бут букя е Йеховаске. О букя, колато сиклилян, традинде тут те дехес лес зомкха бут, кай сигурно решингян те дес то животос леске тай те покръстинес тут. Или сигурно мислинес те керес калка букя сиго. Ама кана ка покръстинес тут, на требе те спиринес те барярес то амалипе е Йеховаса. Ащи вечно те продължинес те ачшовес са по-лачшо амал леса. Сар?

1. Соске требе те продължинес те барярес то амалипе е Йеховаса?

Требе те дас всичко амендар, за те ачшовас са по-лачше амала е Йеховаса. Соске? „За те на отперас нисар тари вяра“. (Евреи 2:1) Со ка помагинел аменге те продължинас те служинас верно е Йеховаске? Требе те проповединас кизом ащи по-бут тай те дикхас саве авер букя ащи те керас, за те служинас по-бут е Девлеске. (Четине Филипяни 3:16.) Кана служинес е Йеховаске, ка овел тут о най-шукар животос! (Псалм 84:10)

2. Саве авер букя требе те продължинес те керес?

О библейска урокя свършинен, ама ту требе те продължинес те живинес сар християни. И Библия пхенел, кай требе те ачшовас неве мануша. (Ефесяни 4:23, 24) Като продължинес те изучинес е Девлескоро Слово тай те жас ко събрания, ка ахальовес неве букя е Йеховаске тай ка ахальовес са по-лачшес саво си ов. Де о най-лачшо тутар, за те овес сар лесте. Продължине те керес со требе, за те променинес тут тай те анес леске радост.

3. Сар о Йехова ка помагинел туке те барярес то амалипе леса?

И Библия пхенел: „О Дел... ка сикавел тумен, ка керел тумен стабилна, ка керел тумен зорале.“ (1 Петър 5:10) Саворенге подекхана ащи те мангел пес те керас букя, колато нанай шукар, ама о Йехова ка помагинел аменге те ачшовас зорале. (Псалм 139:23, 24) Ов обещинел те дел тут хем о желание, хем и сила те служинес леске тай те ачшовес леске верно. (Четине Филипяни 2:13.)

 РОДЕ ПО-ХОРЕСТЕ

4. Продължине те хоратинес е Девлеса тай те шунес лес

Ту ачшилян амал е Йеховаса, соскето започнингян те изучинес и Библия тай те молинес тут леске. Сар ащи калка букя те помагинен туке те ачшовес още по-лачшо амал леса?

Четинен Псалм 62:8 тай хоратинен калке въпросиеске:

• Со ащи те променинес те молитвенде, за те ачшовес по-лачшо амал е Йеховаса?

Четинен Псалм 1:2 тай и бележка кариг лесте тай хоратинен калке въпросиеске:

• Со ащи те керес, кана четинес и Библия, за те ачшовес по-лачшо амал е Йеховаса?

Со ащи те керес, за те овел тут полза таро букя, колато четинес, кана керес лично изучаване, демек кана бешес коркоро е Йеховаса тай изучинес и Библия? Дикхен о КЛИПИ, ковато сикавел сар ащи те изучинес и Библия по-хоресте, тай хоратинен калке въпросиенге:

• Саве букя таро клипи ащи те керес ту?

• Саве букя мангес те изучинес по-хоресте?

 СО СИКЛИЛЯМ

Продължине те барярес то амалипе е Йеховаса тай те дикхес со ащи те керес, за те служинес леске по-бут. Тогава ка ащи те овел тут шукар животос завинаги!

О най-важна букя таро уроки

• Соске ащи те овес сигурно, кай о Йехова ка помагинел туке те служинес леске верно?

• Сар ащи те барярес то амалипе е Йеховаса?

• Соске ка ачшовес са по-лачшо амал е Йеховаса, ако решинес те керес по-бут букя за леске?