60. LEKCIJA
Aćhov zauvek e Jehovaso amal
Đi akana sikljiljan but buća ando Jehova. Sebepi odola buća počminđan te mange e Jehova hem šaj predajinđan to životi e Jehovase hem krstinđan tut. Ako na, šaj razmislineja te ćere odova pana hari. Ama, o krštenje nane kraj. Sa đi hijam đivde, amen šaj te zorjaćera amaro amalipe e Jehovaja. Sar šaj te ćera odova?
1. Sose valjani hem ponodri te zorjaćera amaro amalipe e Jehovaja?
Te šaj te zorjaćera amaro amalipe e Jehovaja, valjani hem ponodri te trudina amen. Sose? Odolese so na mangaja te cida amen olestar (Jevrejima 2:1). So šaj te pomožini amenđe hem ponodri verno te služina e Jehovase? Valjani te propovedina i šukar vest hem te dikha sar šaj pana pobuter te služina lese. (Čitinen Filipljanima 3:16.) Te služina e Jehovase tano diso najšukar so šaj te ćera ko amaro životi (Psalam 84:10).
2. So hem ponodri valjani te ćere?
Iako aljan ko krajo andi knjiga, tu hem ponodri valjani te ićere tut ko odova so sikljiljan. Ko Devleso Lafi pisini so valjani te urave i nevi ličnost (Efešanima 4:23, 24). Ako redovno proučineja e Devleso Lafi hem đaja ko sastankija, ka sikljove pana pobuter ando Jehova hem ando olese osobine. De sa tutar te ove sar oleste hem te menjine tut te šaj te ćere le bahtalo.
3. Sar o Jehova ka pomožini amenđe te napredujina?
I Biblija phenela: „O Devel. . . ka završini tumari obuka đi o krajo. Ov ka zorjaćeri tumen, ka pomožini tumenđe te aćhon verna hem ka pomožini tumenđe te na peren“ (1. Petrova 5:10). Sare amen ka ovel amen kušnje. Ama, o Jehova ka del amen sa so valjani te šaj te aćhova zorale (Psalam 139:23, 24). Ov phenela amenđe so ka del amen hem želja hem snaga te šaj te služina lese verno. (Čitinen Filipljanima 2:13.)
SIKLJOV POBUTER
Razmislin sar šaj hem ponodri te napredujine hem sar o Jehova ka blagoslovini tut.
4. Vaćer te amaleja hem šun le so phenela tuće
I molitva hem odova so redovno proučinđan e Devleso Lafi pomožinđe tuće te ove e Jehovaso amal. Sar šaj odola ista buća te pomožinen tut te ove pana popaše oleja?
Čitinen Psalam 62:8, hem palo odova vaćeren ando akava pućibe:
-
Te šaj te zorjaćere to amalipe e Jehovaja, sar šaj te molitve te oven pana pohor?
Čitinen Psalam 1:2 hem i fusnota, hem palo odova vaćeren ando akava pućibe:
-
Te šaj te zorjaćere to amalipe e Jehovaja, so valjani te ćere đi čitineja i Biblija?
Sar šaj odova so proučineja te koristini tuće pana pobuter? Dikhen o VIDEO kova mothovi sar šaj te ćerel pe odova hem palo odova vaćeren ando akala pućiba.
-
Isi li disavo savet kova sviđini pe tuće?
-
Andi koja tema bi mangeja te proučine?
5. Ćhiv tuće ciljija
O ciljija šaj te pomožinen amen hem ponodri te napredujina. Dikhen o VIDEO, hem palo odova vaćeren ando akava pućibe.
-
Sose hine šukar so amari phen i Kameron ćhivđa pese ciljija?
Našti sare te đa te propovedina ki aver phuv. Ama, sare šaj te ćhiva amenđe disavo cilj. Čitinen Poslovice 21:5, hem palo odova vaćeren odolestar kola ciljija šaj te ćhive tuće ki. . .
-
skupština.
-
služba.
Sar akava načelo šaj te pomožini tuće te ispunine te ciljija?
Kola ciljija šaj te ćhive tuće?
-
Te molitve nek oven pana pohor.
-
Čitin celo Biblija.
-
Penđar sa e phralen hem e phenjen ki skupština.
-
Počmin nekasa te proučine i Biblija.
-
Ov pomoćno ja stalno pioniri.
-
Ako hijan phral, de sa tutar te ove sluga pomoćnik.
6. Ov bahtalo zauvek!
Čitinen Psalam 22:26, hem palo odova vaćeren ando akava pućibe:
-
So šaj te ćere te ove bahtalo akana hem zauvek?
SO SIKLJILJAM
De sa tutar hem ponodri te zorjaćere to amalipe e Jehovaja hem ćhiv tuće ciljija. Ađahar ka ove bahtalo akana hem zauvek.
Te ponovina
-
Sose šaj te ove sigurno so o Jehova ka pomožini tuće te služine lese verno?
-
Sar šaj te zorjaćere to amalipe e Jehovaja?
-
Sar o ciljija šaj te pomožinen tuće hem ponodri te napredujine?
RODE POBUTER
So o Jehova pobuter cenini: ked samo jekh puti aćhiljam lese verno ki disavi bari kušnja ja ked dive palo dive mothovaja so hijam lese verna?
Čak hem disave e Jehovase verna sluge šaj te našalen pi radost. Dikh sar šaj palem te ove radosno.
Sar šaj te ćhive tuće ciljija hem te ispunine len?
„Ćhiv tuće ciljija te šaj te slavine e Jehova“ (Stražarska kula, 15. jul 2004)
Sose tani i zrelost važno hem sar šaj tu te ove zrelo?
„Oven zrela – paše tano e Jehovaso dive“ (Stražarska kula, 15. maj 2009)
Dikhen hem akava
NAJČEŠĆA PUČIBA
Sar izgledini jekh biblijako kurs ando Jehovase svedokija?
O proučibe tano besplatno, šaj te koristinen o prevod andi Biblija kova tumen mangena hem ko kurs šaj te vićinen celo tumare porodica ja nekas ando tumare amala.
