An kaja Biblakro Kurso haiwal tu jaake bud pral i Jehoweste, hoi an tute kras, kai was tiro kamlepen ap leste bareder un bareder. Doleske dal tu i Jehowes ninna sowel, kai djiweh leske, un sikral kowa an tiri Panjeskri Ceremonia. Un te kral kowa gomme gar, kameh tu kowa bestimmt sig te krell. Kanna: Ma atch tardo! Tiro kamlepen ap i Jehoweste nai kreh tu hake tsireske bareder, ninna pal i Panjeskri Ceremonia. Har?

1. Hoske te kress tiro malepen i Jehoweha budeder un budeder sorles?

Hoske hunte dikas mer, kai krah mer maro malepen i Jehoweha budeder un budeder sorles? “Te peras gar ko tchatcho dromestar tele” (Hebrearja 2:1, 2). Te atchas i Jehoweske loyal, hi menge mishto, mer te tchiwah mari soor an i Debleskri Budi. Mer nai rodams ninna pal wawar droma, har te budras leske budeder (Dik pal an Filiparja 3:16). Te djiwas i Jehoweske, kowa hi o fetester djipen, hoi della (Gilja 84:10, 11).

2. Hoi hunte kress tu kanna dureder?

Ninna te well kawa Biblakro Kurso kanna ap o endo, djal tiro christiko djipen dureder. Koi newi christiki shinia hi har i ripen, hoi te riwas hunte. I bibla penell menge doleske, te djiwas kanna ko newo djipen (Efesarja 4:23, 24). Tu te rodeh dureder an o Debleskro lab, un te djah an o Khetnepen, haiweh tu budeder pral i Jehoweste un leskri shukar shinia. Dik, te dikess ap halauter jaake, har o Jehowah ap kowa dikella, un te djiwess pal koi christiki shinia — palle kreh tu i Jehowes bachteles.

3. Hoi krell o Jehowah, te wess nai sorleder un bareder an o patsepen?

I bibla penell menge: O Dewel “dell tumen ninna i soor, te atchenn sorles an o patsepen un an o djipen” (1. Petro 5:10). Ninna te kamell i doosh hakenes mendar o tchatcho dromestar tele te anell, dell o Jehowah men kowa, hoi men hunte wella, te nai atchas sorleder (Gilja 139:23, 24). Job das men ninna peskro lab, kai krell lo an mende, kai kamah mer kowa te krell, hoi job kamella, un kai dell lo men koi soor, te nai djiwas leske loyaltikes (Dik pal an Filiparja 2:13).

 RODAS DUREDER

4. Rake tiro fetester maleha un shun ninna, hoi job tuke penella

Tiro mangepen un tiro drawepen an i bibla kran, kai wal i maal i Jehowestar. Tu te kreh kowa dureder, atcheh tu leskro maal un o malepen wella sorleder.

Dikenn pal an Gilja 62:8, 9, un rakrenn khetne pral:

• Te djala pral tiro mangepen: Hoi hunte kress tu, te nai well tiro malepen i Jehoweha sorleder?

Dikenn pal an Gilja 1:2, un rakrenn khetne pral:

• Te djala pral o drawepen an i bibla: Hoi hunte kress tu, te nai well tiro malepen i Jehoweha sorleder?

Har nai tserdeh tuke dran tiro Biblakro Rodepen budeder win? Te dikan o VIDEO, rakrenn khetne pral:

• Hawe tipps wans tuke mishto?

• Pral hawe themre khamals tu kanna budeder te rodell?

 HOI KATE PENLO WAS

Tu te kreh tiro malepen i Jehoweha sorleder, te kreh leske budeder, un te nasheh dureder ap tiro drom, nai well tiro djipen bachteles — hake tsireske!

Hoi penals tu?

• Hoske nai djineh tu, kai hi o Jehowah tuke koi, te nai atchess leske loyal?

• Har nai kreh tu tiro malepen i Jehoweha sorleder?

• Hoi nai krals tu i Jehoweske budeder?