Ji acana, anda cado lil sichilean but buchia anda o Iehova. Arăslean te iubis-les cadea de but, că daștil-pe că dean chi viața lesche hai boldean-tu. Dacă nici, daștil-pe că cames te cheres cadai buchi na pa but timpo. Tha vi pala o bolimos trebul te des chi zor caște pașios sea mai but le Iehovastar, hai daștis te cheres cadaia anda sea o timpo. Sar?

1. Sostar trebulas te zuriares vi mai dur chio amalimos le Iehovaia?

Trebul te das sea amari zor caște zuriaras vi mai dur amaro amalimos le Iehovaia. Sostar? „Ca niciechdata te na duriaras-ame” lestar. (Evrei 2:1) So daștil te ajutil-ame te slujisaras vi mai dur anda sea o ilo le Iehovasche? Daisaras te cheras chichi mai but andi lucrarea de predicare hai te rodas sea o timpo te cheras vi mai but buchia anda amaro Del. (Citisaren Filipeni 3:16.) Cana alosaras te slujisaras le Iehovasche si amen i mai șucar viața! (Psalmo 84:10)

2. So aver vareso trebul te cheres mai dur?

Chiar cana o studio cadale lilesco phandavel-pe acana, chi viața sar creștino jial mai dur. I Biblia phenel că trebul ‘te las pe amende i nevi personalitatea’. (Efeseni 4:23, 24) Chichi mai but va avela te sichios anda o Cuvânto le Devlesco hai va avela te jias ca le întruniri la congregațiache, cadichi mai but va avela te sichios neve buchia anda o Iehova hai anda sar silo vo. Rode te les-tu pala leste sea mai but ande chi viața. Cher vi mai dur sea le paruimata cai trebun ca o ilo le Iehovasco te bariol.

3. Sar va ajutila-tu o Iehova te pașios vi mai but lestar?

I Biblia phenel că o Del ‘va avela te îngărel sfârșitoste chi formarea. Vo va cherela-tu fermo, va zuriarela-tu, va ajutila-tu te na peres’. (1 Petru 5:10) Savore anda amende sam spidime te cheras buchia nasul. Tha o Iehova del-ame oriso trebul-ame caște așias zurale. (Psalmo 139:23, 24) Vo promitil că va cherela-tu te cames anda sea o ilo hai că va dela-tu o zuralimos te slujis lesche loialo. (Citisaren Filipeni 2:13.)

 HACHIAR MAI MIȘTO

4. De duma mai dur che mai lașe Amaleia hai așun so phenel tuche vo

O manglimos hai o studio la Bibliaco ajutisarde-tu te cărdios le Iehovasco amal. Sar daștin te ajutin-tu cadal buchia te pașios vi mai but lestar?

Citisaren Psalmo 62:8 hai pala codoia den duma:

• Caște zuriares chio amalimos le Iehovaia, trebul te lașiares che manglimata. Sar daștis te cheres cadaia?

Citisaren Psalmo 1:2 hai i nota de telal hai pala codoia den duma:

• Caște zuriares chio amalimos le Iehovaia, trebul te citis i Biblia cadea încât te țârdes chichi mai but miștimata. Sar daștis te cheres cadaia?

So daștis te cheres caște țârdes vi mai but miștimata cana sichios corcoro anda o Iehova? Dichen o MATERIALO VIDEO cai sicavel sar daștis te cheres cadaia hai pala codoia den duma:

• So cames te cheres vi tu anda so dichlean ando materialo?

• Anda so aver buchia cameias te sichios mai but?

 SO SICHILEAM

Zuriar mai dur chio amalimos le Iehovaia hai șiu ande chi goghi te cheres mai but buchia anda leste. Cadea, va avela te bucuris-tu viațatar anda sea o timpo!

So dichleam

• Sostar daștis te pachias anda sea o ilo că o Iehova va ajutila-tu te slujis lesche loialo?

• Sar daștis te zuriares chio amalimos le Iehovaia?

• Sar pașios mai but le Iehovastar cana șios ande chi goghi te cheres mai but buchia anda leste?