Анда кадэя книжка ту бут со уӷанглян пала Иегова. Ту лэс полюбисардян и дян алав, кай лэса тэ жувэс важ лэстэ, и болделян. Ай если ту инке када на стердян, тоди ту, файма, ужэ гиндос ӥто када тэ стерэс. Но всаек ту трэбуй тэ сэрэс, кай кала о мануш болдёл, во кати лэл тэ жал па лэ Дэвлэско дром. Тутэ англэ вся и вечность, кай тутэ тэ авэл инке май лащи дружба лэ Иеговаса.

1. Васо трэбуй, кай и дружба лэ Иеговаса тэ авэл инке май лащи?

Када трэбуй, «кай амэн тэ на одындярэл» лэ Иеговастар (Евреям 2:1). Кай тэ авас и дальшэ предани лэ Иеговасти, амэнди трэбуй и май англэ тэ дас дума пала Иегова аврэ манушэнца, ай кадяжэ тэ гиндосарас, сар амэ инке можэм тэ служысарас лэсти. (Адиносар Филиппийцам 3:16.) Тэ служысарас лэ Иеговасти — када со май лашо дром андэ жызня! (Псалом 84:10).

2. Со ту инке можэш тэ стерэс?

Ту ужэ прожылян пэ изучения вся кадэя книжка. Но ту можэш инке бут со тэ уӷанэс пала Иегова, саво во сыно, пэ собрания и пэ лично изучения. О Иегова авэла фартэ радо, кай ту парудёса и ашэса аврэ манушэса, кацавэса сар камэл во (Эфесянам 4:23, 24).

3. Сар о Иегова лэла тэ поможый?

Андэ Библия ԥэнэнпэ: «О Дэл... екжэно сытярэла тумэн, дэла тумэнди зор и стерэла, кай тумэ тэ авэн састэ» (1 Петра 5:10). Кажнонэстэ авэла ԥаримос, савэса во авэла трэбуй тэ борийпэ. Но о Иегова дэла вся, со трэбуй, кай тэ ашаспэ предани лэсти (Псалом 139:23, 24). Во дэл алав, кай дэла амэнди жылания и зор лэсти тэ служысарас. (Адиносар Филиппийцам 2:13.)

 УӶАНАМ МАЙ БУТ

4. На параш тэ дэс дума тирэ само лашэ Друӷоса!

Кай тэ ашэс лэ Иеговаско друӷо, ту мангэсаспэ и сытёсас па Библия. Сар када поможыя тути тэ ашэс инке май пашэ каринг о Дэл?

Адиносарам Псалом 62:8 и подам дума пала вопросо, саво май тэлэ.

• Со ту можэш тэ парувэс андэ тирэ молитвы, кай тэ ашэс май пашэ лэ Иеговаса?

Адиносарам Псалом 1:2 и подам дума пала вопросо, саво май тэлэ.

• Кала адинос и Библия и камэс, кай вой тэ анэн тути май бут лашимос, со важ када ту можэш тэ стерэс?

Со ту можэш тэ стерэс, кай тири лично изучения тэ анэн тути инке май бут лашимос? Када дэсавэ гиндоря. Диқам о ВИДЕО и подам дума пала вопросоря, савэ посли видео.

• Со анда видео ту камэс тэ стерэс?

• Пала со ту камлоп май драго тэ уӷанэс?

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай трэбуй тэ пристас о зор, кай и дружба лэ Дэвлэса тэ авэл май лащи. Кадяжэ тэ гиндосарас, со амэ инке можэм тэ стерас андэ служэния. Тоди амэ сможэм тэ жувас вечно пэ бахтатэ!

Сар ту гиндос?

• Васо ту патяс, кай о Иегова поможыя тути тэ на парашэс тэ служыс лэсти?

• Со тэ терэс, кай тири дружба лэ Иеговаса тэ авэл инке май лащи?

• Сар и цэли андэ служэния лэ Дэвлэсти, поможына тути и май дур тэ жас па лэско дром.