ISOMO LYA 60
Ogendekere Wajira Amajambere
Kugerera er’ifunzo ly’Ebibliya, wayizire bintu binji kuli Yehova. Ebintu wayizire kuli ye byakushumize wamuzigira bwenene nkaba wanacihâna emwage wanabatizibwa. Akaba orhacibatizibwa, nkaba oli warhanya okujira ntyo hano hofi-hofi. Cikone obubatizo arhali bo buzinda bw’okujira amajambere. Wanagendekera wajira obwîra bwa hofi-hofi haguma na Yehova emyaka n’emyaka. Gurhi wakajiramwo ntyo?
1. Bulya gurhi oshinganine ogendekere wazibuhya obwîra bwawe haguma na Yehova?
Rhushinganine rhujire okwirhu koshi lyo rhugendekera rhwazibuhya obwîra bwirhu haguma na Yehova. Bulya gurhi. “Lyo rhurhagihekwa kuli” naye. (Abahabraniya 2:1, NWT) Bici byakarhurhabala rhugendekere rhwakolera Yehova n’obwishwekerezi? Rhushinganine rhugendekere rhwahubiri n’obushiru n’okulonza ezindi njira rhwakakoleramwo Yehova kulusha. (Osome Abafilipi 3:16.) Okukolera Yehova ko kalamo kinja bwenene!—Ennanga 84:10.
2. Bici bindi oshinganine ogendekere wajira?
Ciru akaba rhwamahikira ebuzinda bw’enganîro zirhu z’Ebibliya, akalamo kawe k’Ecikristu kohe karhahisiri ebuzinda, kagendekera. Ebibliya edesire oku rhushinganine ‘okucihundikira [kuyambala] omuntu muhyahya.’ (Abefezi 4:23, 24) Omu kugendekera wayiga Ebibliya n’okuja oku ntimanano, wayiga bintu binji bihyahya lugenda Yehova n’amorhere gage. Orhanye njira zihi wakayigamwo amorhere gage omu kalamo kawe. Okabona oku hali empindûlo oshinganine ojire omu kalamo kawe, ogendekere wazijira ly’oshagalusa Yehova.
3. Gurhi Yehova akakurhabala ojire amajambere?
Ebibliya edesire ntya: “Nnâmahanga . . . yene ayusa okukomerezibwa kwinyu. Amuzibuhya, amuhiramw’emisi, amujira murhadundaganaga.” (1 Petro 5:10, NWT) Rhweshi rhunaje omu marhangulo. Cikone Yehova anarhuhe ebi rhulagirireko lyo rhuhash’ihima ago marhangulo. (Ennanga 139:23, 24) Arhubwizire oku arhuha irala n’emisi y’okugendekera kwamukolera n’obwishwekerezi.—Osome Abafilipi 2:13.
HUMBIRIRA LY’OHUGÛKWA
Olole gurhi wakagendekera wajira amajambere na gurhi Yehova akakugisha.
4. Ogendekere waganiza Omwîra wawe wa kidole na lupeta n’okumuyumvirhiza
Okusalira n’okuyiga Ebibliya kwakurhabire obe mwîra wa Yehova. Gurhi okujira ebyo bintu bibirhi kwakakurhabala ogendekere wamuyegerera bwenene?
Osome Ennanga 62:8, na buzinda oganirire er’idoso:
-
Ly’ozibuhya obwîra bwawe haguma na Yehova, gurhi wakakubûlamwo amasala gawe?
Osome Ennanga 1:2, na buzinda oganirire er’idoso:
-
Ly’ozibuhya obwîra bwawe haguma na Yehova, gurhi wakajira ly’oyunguka bwenene n’obusomi bwawe bw’Ebibliya?
Gurhi wakajira ly’oyunguka bwenene n’ifunzo lyawe wenene ly’Ebibliya amango oli walijira? Ly’obona ebyakakurhabala, olole EVIDEO, na buzinda oganirire aga madoso gakulikire.
-
Mahano gahi gali mw’eyo video wakakolesa?
-
Myanzi ehi wakasima oyige?
5. Ocihirireho emihigo y’ekiroho
Okucihiriraho emihigo y’ekiroho kwanakurhabala ogendekere wajira amajambere. Olole EVIDEO, na buzinda oganirire er’idoso likulikire.
-
Nk’oku obwine mw’eyo video, gurhi Cameron ayungusire kugerera emihigo y’ekiroho acihiriragaho?
Arhali ngasi muntu wakahamira omu cindi cihugo ly’agend’ihubirimo. Cikone, rhweshi rhwanacihiriraho emihigo rhwakahasha okuhikiriza. Osome Emigani 21:5, na buzinda oganirire emihigo y’ekiroho wakasima ocihirireho . . .
-
omu cigamba.
-
omu mukolo gw’amahubiri
Gurhi akanuni kalimw’olo lwandiko kakakurhabala ohikire emihigo yawe?
Emihigo wakacihiriraho
-
Kukubûla amasala gawe.
-
Kusoma Ebibliya yoshi.
-
Kucihangana okumanya ngasi muntu w’omu cigamba.
-
Kurhondeza n’okulongoza ifunzo ly’Ebibliya.
-
Kuba painiya murhabazi erhi w’akasanzi koshi.
-
Akaba oli mwene wirhu, wanacihangana oyeneze ebihûnyirwe ly’oba murhabazi w’abagula.
6. Oshagalukire akalamo ensiku n’amango!
Osome Ennanga 22:26, na buzinda oganirire er’idoso:
-
Gurhi wakajira ly’oshagalukira akalamo ene n’ensiku n’amango?
KWA BOFOFI
Ogendekere wazibuhya obwîra bwawe haguma na Yehova, onacihirireho emihigo y’ekiroho. Erhi wakajira ntyo, wanashagalukira akalamo ensiku n’amango!
Okucikengeza
-
Bulya gurhi wakayemera oku Yehova akurhabala ogendekere wamukolera n’obwishwekerezi?
-
Gurhi wakajira ly’ogendekera wazibuhya obwîra bwawe haguma na Yehova?
-
Gurhi emihigo yawe y’ekiroho yakakurhabala ojire amajambere g’ekiroho?
OCIYIGIRIZE KWA BULÎRI
Bici Yehova abona oku biri bya bulagirire bwenene, ka cijiro ciguma c’okurhangaza ciyerekana oku rhuli bishwekerezi kuli ye erhi kugendekera kwamukolera n’obwishwekerezi akalamo kirhu koshi?
Ciru hali amango abakozi bishwekerezi ba Yehova nabo baheza omwishingo gwabo. Olole gurhi omuntu akacibiba n’omwishingo.
Gurhi wakacihiriraho emihigo y’ekiroro n’okuyihikira?
Bulya gurhi kuli kwa bulagirire Omukristu akule kiroho, na bici byakakurhabala okule kiroho?
Olole n'Ebi Bikulikire
AMADOSO GALUG’IDOSIBWA
Gurhi Abahamirizi ba Yehova Bayigiriza Abantu Ebibliya?
Kugerera eprograma y’okuganîra ohâbwa n’Abahamirizi ba Yehova, wanakolesa Ebibliya onalonzize. Orharhindiraga okuyegereza abantu b’omulala gwawe n’abîra okucilunga haguma nawe okw’ifunzo lyawe ly’Ebibliya.
