ROSO 60
Ayyaanaamittetenni Lopha Agurtooti
Tenne Qullaawu Maxaafi xiinxallonni Yihowa daafira lowore rosootto. Rosoottori Yihowa lubbora baxatto gede assinohe daafira, heeshshokki Yihowara sayisse oottohanna cuuamoottoha ikkara dandaanno. Xaara hatto assoottokkiha ikkiro, muli yannara tenne assate heddanni noottoha ikkara dandaanno. Kayinni cuuamittohu gedensaannino ayyaanaamittetenni lopha diaguratto. Hegere geeshsha albinni roore Yihowawa shiqqanni haˈra dandaatto. Hiittoonni?
1. Yihowa ledo noohe jaalooma kaajjishiˈra agura hasiissannohekkihu mayiraati?
Woˈmanka woyite Yihowa ledo noonke jaalooma kaajjishiˈrate sharrama hasiissannonke. Mayira? “Heeshshote Maganiwiinni [badamme]” baˈneemmokki gedeeti. (Ibiraawoota 3:12) Yihowara ammanamme soqqammanni heeˈneemmo gede kaaˈlannonkeri maati? Sabbakate looso diinaggaambe loosanna Yihowara albinni roore soqqammeemmo doogga hasiˈra dandiineemmo. (Filiphisiyusi Sokka 3:16 nabbawi.) Yihowara soqqammanni heeˈrate geeshsha ikkannori mitturino dino!—Faarso 84:10.
2. Woˈmanka woyite assa hasiissannohehu wolu coyi maati?
Xa Qullaawu Maxaafi xiinxallokki gudattora kaoottoha ikkirono, Kiristinnu heeshshokki kayinni uurritannota diˈˈikkitino. Qullaawu Maxaafi “Haaro mannimma uddidhe” yee amaalannonke. (Efesooni Sokka 4:23, 24) Maganu Qaale xiinxallittonna songote gambooshshe haˈritto kiiro, Yihowanna akattasi daafira haaro coye rosatto. Heeshshokki giddo albinni roore Yihowa akatta leellisha dandaatto doogga hasiˈri. Yihowa hagiirsiisate biddi assiˈra hasiissannohere biddi assiˈra agurtooti.
3. Yihowa ayyaanaamittetenni lophatto gede kaaˈlannohehu hiittoonniiti?
Qullaawu Maxaafi, “[Maganu] irkisannoˈne; kaajjishannoˈne; teesiisannoˈne” yaanno. (1 Pheexiroosi 5:10) Ninke baalunkura fonqolo ikkannori tuncu yaannonke. Ikkirono Yihowa fonqolo qeele saˈˈate hasiisannonkere aannonke. (Faarso 139:23, 24) Isi ammanante soqqamattosi gede, hasattono wolqano aahera qaale eino.—Filiphisiyusi Sokka 2:13 nabbawi.
LEDDE XIINXALLI
Ayyaanaamittetenni albinni roore lopha dandaatto garanna Yihowa maassiˈrannohehu hiittoonniitiro rosi.
4. Muli Jaalikki ledo woˈmanka woyite hasaawi
Huuccattonna Qullaawu Maxaafi xiinxallo Yihowa jaala ikkatto gede kaaˈlitinohe. Kuri coyibba xaano isiwa albinni roore shiqatto gede kaaˈlitannohehu hiittoonniiti?
Faarso 62:8 nabbabbe; hakkiinni tenne xaˈmo hasaabbe:
-
Yihowa ledo noohe jaalooma kaajjishiˈrate, huuccattotenni giddokkita isira hasaapha dandaattohu hiittoonniiti?
Faarso 119:97 nabbabbe; hakkiinni tenne xaˈmo hasaabbe:
-
Yihowa ledo noohe jaalooma kaajjishiˈrate, Qullaawu Maxaafi niwaawekki woyyeessiˈra dandaattohu hiittoonniiti?
Hojju xiinxallokkinni roore horo afiˈrate maa assa dandaatto? Mite kaaˈlitanno hedo afiˈrate, VIIDIYO laˈe; hakkiinni aante noo xaˈmuwa hasaabbe.
-
Viidiyote giddo kulloonni coyibba giddo hiikkoye assa dandaatto?
-
Ati mayi daafira xiinxalla hasiˈratto?
5. Ayyaanaamittete mixo fushshiˈri
Yihowara soqqamate mixo fushshiˈrakki, ayyaanaamittetenni lopha agurattokki gede kaaˈlitannohe. VIIDIYO laˈe; hakkiinni aante noo xaˈmo hasaabbe.
-
Viidiyote giddo, Kaamerooni ayyaanaamittete mixo fushshiˈrase kaaˈlitinosehu hiittoonniiti?
Baalunku Kiristaani wole gobba haˈre sabbaka dandaanno yaa diˈˈikkino. Ikkollana ninke baalunku wonshiˈra dandiineemmo mixo fushshiˈra dandiineemmo. Lawishsha 21:5 nabbabbe; hakkiinni, hiittoo mixo fushshiˈra dandaattoro hasaabbe:
-
songote giddo
-
qanchu soqqanshora
Konni qummeeshshira noohu xintu seeri mixokki wonshiˈratto gede kaaˈlannohehu hiittoonniiti?
Mite fushshiˈra dandaatto mixo
-
Huuccattokki gara woyyeessiˈri.
-
Qullaawa Maxaafa nabbabbe gudi.
-
Songoˈne giddo noori baalunku roduuwi ledo egennami.
-
Mannaho Qullaawa Maxaafa xiinxallisi.
-
Kaaˈlaancho suwisaancho woy woˈma yanna suwisaancho ikkite soqqami.
-
Ati labbaa rodootiro, songote soqqamaancho ikkate sharrami.
6. Hegerera hagiidhitanni heeˈra dandaatto!
Faarso 22:26; 37:11, 29 nabbabbe; hakkiinni tenne xaˈmo hasaabbe:
-
Xaano ikko hegerera hagiidhitanni heeˈrate maa assa dandaatto?
XAPHISHSHA
Yihowa ledo noohe jaalooma kaajjishiˈranna ayyaanaamittete mixo fushshiˈra agurtooti. Hatto assittoro, hegerera hagiidhitanni heeˈra dandaatto!
Kageeshsha Rosoottore
-
Yihowa ammanante soqqamattosi gede kaaˈlannoheta addaxxa dandaattohu mayiraati?
-
Yihowa ledo noohe jaalooma kaajjishiˈra dandaattohu hiittoonniiti?
-
Mixo fushshiˈrakki ayyaanaamittetenni lophatto gede kaaˈlitahera dandiitannohu hiittoonniiti?
EGENNO LEXXI
Yihowa albaanni roore waaga afidhinoti mitte hinge dhagge ikkannoha ammanate looso loosatenso, heeshshonke diro woˈma isira ammanamme heeˈrate?
Yihowara ammanante soqqantannorira nafa hagiirrinsa baˈˈara dandaanno. Wirro hagiirraamma ikka dandiinanni gara wodanchi.
Xiinxallotenninna Hiincatenni Galagalle Hagiirraamma Ikka (5:25)
Ayyaanaamittete mixo fushshiˈranna wonshiˈra dandaattohu hiittoonniiti?
“Kalaqaanchikki Ayirranno Gede Ayyaanaamittete Mixo Fushshiˈri” (Agarooshshu Shae, Maaja 15, 2004)
Ayyaanaamittetenni gikki yaa lowo geeshsha hasiissannota ikkitinohu mayiraati? Ayyaanaamittetenni gikki yaa dandaattohu hiittoonniiti?
“‘Jawu Mootichu Barri Gambisino’ Daafira Gikki Yiiyye” (Agarooshshu Shae, Onkoleessa 15, 2009)
Kurino Lai
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
