DILONGIESHA 60
Tungunuka na kunyingisha kipuano kiobe na Yehowa
Mu kuno kulonga kuetu kua Bible, bopu kulonga bibungi pabitale Yehowa. Mianda yodi mulongie ibakutakula bua kumufula ngofu, pangi we mupue kuilambula kuadi na kubatshishibua. Su tobandile kubatshishibua, pangi okuete kunangushena bua kuibikita mu mafuku apeela e kumpala. Anka kunyingisha kipuano kiobe na Yehowa, t’akuimena penda nsaa yobatshishibua nya. Biabia, we kutungunuka na kuifubuila pepi na Yehowa bua loso. Mu mushindo kinyi?
1. Buakinyi abitungu otungunukie na kunyingisha kipuano kiobe na Yehowa?
Abitungu tuitatshishe bikata bua kutungunuka na kunyingisha kipuano kietu na Yehowa. Buakinyi? “Bua kupela kupambuka” kui Yehowa. (Bena-Ebelu 2:1) Nkinyi ki kuitukuasha bua kutungunuka na kufubila Yehowa na lulamato? Abitungu tushale bepaane mu mudimo wa bulungudi, na kukimba ingi mishindo yatudia kunyisha kufubila Yehowa. (Badika Bena-Fidipe 3:16.) Kufubila Yehowa nyi nshalelo mukile buwa!—Misambo 84:10.
2. Nkinyi dingi akitungu’shi otungunukie na kukita?
Sunga biekala’shi kulonga kua Bible t’aakupu, nshalelo obe a buina Kidishitu atungunuka. Bible akula’shi: Abitungu ‘tufuale muntu mupia.’ (Bena-Efeso 4:23, 24) P’otungunuka na kulonga Eyi dy’Efile Mukulu, na kutuela mu bisangilo bia kakongye, okalongo mianda ipia pabitale Yehowa na ngikashi yaye. Kimba mishindo yodia kuambula bu muntu buaye kalolo mu nshalelo obe. Tungunuka na kukimba bia kunshitula muanda oso autungu bua kusankisha Yehowa.
3. Yehowa akukuasha naminyi bua kuenda kumpala?
Bible akula’shi: “Efile Mukulu aye nabeene . . . [akupudisha kulonga kuenu.] Enukankamika, eenunyingishe, eenushinkamiishe bua losoo.” (1 Mpyeele 5:10) Atue boso atupetaa bitompuanga, anka Yehowa etupa kiakia kiatudi nakio lukalo bua kuibikambila. (Misambo 139:23, 24) Mmulee’shi, akakupa lukalo na bukome bua kumufubila na lulamato.—Badika Bena-Fidipe 2:13.
TUKIMBUULE BOSO
Tutale biodia kutungunuka na kuenda kumpala, na bilombene Yehowa nkuelela miabi.
4. Tungunuka na kuisamba na kuku oobe a p’eshimba
Kuela nteko na kulonga kua Bible kubakukuasha bua kufika kuku a Yehowa. Ino mianda i nkukuasha naminyi bua kunyisha kuifubuila pepi naye?
Badika Misambo 62:8, akupu nuisambile luno lukonko alulondo:
-
Mbikunyi biodia kulumbula nteko yobe bua kinyingisha kipuano kiobe na Yehowa?
Badika Misambo 1:2, akupu nuisambile luno lukonko alulondo:
-
Mbikunyi biodi mulombene kulumbula mushindo obe wa kubadika Bible, bua kunyingisha kipuano kiobe na Yehowa?
Mbikunyi biodia kunyisha kulumbula kulonga kobe kua pa bupenka bua’shi kukukuashe? Bua kumona ingi mianda ya kukita, tala VIDEO, akupu nuisambile ino nkonko ailondo:
-
Mianda kinyi yababalesha mu video yodi mulombene kufubila?
-
Muisambo kinyi okumina kuilongiela?
5. Ikala na bipatshila bia mu kikudi
Kuikala na bipatshila mu mudimo wa Yehowa, akukukuasha bua kutungunuka na kuenda kumpala. Tala VIDEO, akupu nuisambile luno lukonko alulondo.
-
Muyile biabatumono mu video, kuikala na bipatshila bia mu kikudi kubadi kukuashe Cameron naminyi?
Bantu boso, ta be bia kuenda mu kulungula mukandu wibuwa mu angi maumbo nya. Anka, tui balombene kuata bipatshila biatudi balombene kobesha. Badika Nkindji 21:5, akupu, otale bipatshila biodi mulombene kuata . . .
-
mu kakongye.
-
mu mudimo wa bulungudi.
Eyi dia kulonda di mu uno verse, di nkukuasha naminyi bua kulombasha bipatshila biobe?
Bipatshila biodia kuata
-
Kulumbula nteko yobe.
-
Kubadika Bible mushima.
-
Kuiuka muntu oso a mu kakongye.
-
Kubanga kulonga Bible na muntu.
-
Kufuba bu mbala-mashinda mukuashi sunga bu a mieshi yoso.
-
Su we muana mulume, etatshishe bua kulombasha mianda itekibue bua kufika mufubi a midimo.
6. We kuikala na muloo bua loso!
Badika Misambo 22:26, akupu nuisambile luno lukonko alulondo:
-
Kinyi kiodia kukita bua kuikala na muloo kubanga binobino na bua loso?
MU KIKOSO
Tungunuka na kunyingisha kipuano kiobe na Yehowa, na kuikala na bipatshila bia mu kikudi. Su bokitshi biabia, we kuikala na muloo bua loso!
Kuambuula
-
Buakinyi we kuikala mushinkamishe’shi Yehowa akukuasha bua kumufubila na lulamato?
-
Mbikunyi biodia kunyingisha kipuano kiobe na Yehowa?
-
Kuikala na bipatshila bia mu kikudi, kui nkukuasha bua kuenda kumpala naminyi?
TALUULA DINGI
Nkinyi akikambaa kusankisha Yehowa, mpenda kikitshino kimune kia kuilambula kuadi, su nkushala na lulamato kuadi mu nshalelo eetu oso mushima?
Sunga mufubi a Yehowa sha lulamato, e kushimisha muloo waye. Tala biadi mulombene kuiupetuula.
Mbikunyi biodia kuata bipatshila bia mu kikudi na kuibilombasha?
“Tumbisha Mupangi oobe, pa kuata bipatshila bia mu kikudi” (Kitenta kya mulami, 15/7/2004)
Buakinyi kuikala muina Kidishitu munyingie mu kikudi kui na muulo, na mbikunyi biodia kunyinga?
“Tunyingieyi mu kikudi—‘Efuku dikata dia Yehowa tadidi pepi’” (Kitenta kya mulami, 15/5/2009)
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
