SIFUNDVO 60
Chubeka Ucinisa Buhlobo Bakho NaJehova
Kulencwadzi, ufundze lokunyenti ngaJehova. Tintfo lotifundzile tikwente wamtsandza kakhulu futsi kungenteka uze watinikela kuye futsi wabhajatiswa. Nangabe usengakakwenti loko, kungenteka ucabanga kukwenta madvutane. Kucinisa buhlobo bakho naJehova akugcini nawubhajatiswa, ungachubeka ubucinisa kuze kube phakadze. Kanjani?
1. Kungani kufanele uchubeke ucinisa buhlobo bakho naJehova?
Kufanele sisebente kamatima kuze sicinise buhlobo betfu naJehova. Leni? “Kuze singaphambuki.” (KumaHebheru 2:1) Yini lengasisita sikhone kuchubeka sikhonta Jehova ngekwetsembeka? Singahlala simatasatasa emsebentini wekushumayela siphindze sifune naletinye tindlela tekukhonta Nkulunkulu ngalokugcwele. (Fundza KubaseFiliphi 3:16.) Kukhonta Jehova kuyindlela lencono kakhulu yekuphila!—Tihlabelelo 84:10.
2. Yini lenye lokufanele uchubeke uyenta?
Ngisho nobe sesicedza kufundza lencwadzi, kodvwa kuphila kwakho njengemKhristu kutawuchubeka. LiBhayibheli litsi kufanele ‘sigcoke buntfu lobusha.’ (Kubase-Efesu 4:23, 24) Njengobe uchubeka ufundza liVi laNkulunkulu futsi uya emihlanganweni yelibandla, utawufundza tintfo letinsha ngaJehova nangebuntfu bakhe. Funa tindlela longalingisa ngato buntfu bakhe ekuphileni kwakho. Chubeka wenta lushintjo loludzingekile ekuphileni kwakho kuze ujabulise Jehova.
3. Jehova utakusita njani kutsi ucinise buhlobo bakho naye?
LiBhayibheli litsi: “Nkulunkulu . . . utawucedzela kuceceshwa kwenu. Utanenta nicine, anente nibe nemandla futsi anibeke esisekelweni lesicinile.” (1 Phetro 5:10) Sonkhe silingelwa kutsi sente tintfo letimbi, kodvwa Jehova usiniketa lesikudzingako kuze simelane nato. (Tihlabelelo 139:23, 24) Wetsembisa kukuniketa sifiso kanye nemandla ekumkhonta ngekwetsembeka.—Fundza KubaseFiliphi 2:13.
CHUBEKA UFUNISISA
Tfola kutsi ungachubeka njani ucinisa buhlobo bakho naJehova kanye nekutsi utakubusisa njani.
4. Chubeka ukhuluma nemngani wakho lomkhulu futsi umlalela
Kuthantaza kanye nekutadisha liBhayibheli kukusitile waba ngumngani waJehova. Kuchubeka wenta loku kutakusita njani kutsi usondzele kakhulu kuye?
Fundza Tihlabelelo 62:8, bese nicoca ngalombuto:
-
Ungayitfutfukisa njani imithantazo yakho kuze ucinise buhlobo bakho naJehova?
Fundza Tihlabelelo 1:2 nembhalo longentasi, bese nicoca ngalombuto:
-
Ungayitfutfukisa njani indlela lotadisha ngayo liBhayibheli kuze ucinise buhlobo bakho naJehova?
Yini longayenta kuze utfole lokunyenti nawutadisha liBhayibheli? Kuze ubone letinye tintfo longatenta, dlala le-VIDEO, bese nicoca ngalemibuto lelandzelako.
-
Ngutiphi tintfo letibalwe kule-video longatisebentisa?
-
Ngutiphi tihloko longatsandza kutadisha ngato?
5. Tibekele imigomo ekukhonteni Jehova
Kutibekela imigomo ekukhonteni Jehova kutakusita uchubeke ucinisa buhlobo bakho naye. Dlala le-VIDEO, bese nicoca ngalombuto lolandzelako.
-
Kule-video, kumsite njani Cameron kutibekela imigomo ekukhonteni Jehova?
Akusiwo wonkhe umuntfu longakhona kutfutsela kulelinye live kuze ayoshumayela. Nobe kunjalo, sonkhe singakhona kutibekela imigomo lesingayifinyelela. Fundza Taga 21:5, bese ucabanga ngemigomo longatibekela yona . . .
-
ebandleni
-
emsebentini wekushumayela
Simiso lesikulelivesi singakusita njani kutsi ufinyelele imigomo yakho?
Imigomo longatibekela yona
-
Kutfutfukisa imithantazo yakho.
-
Kulifundza lonkhe liBhayibheli.
-
Kubati kancono bonkhe labasebandleni lokulo.
-
Kucalisa kufundza nemuntfu liBhayibheli futsi uchubeke ufundza naye.
-
Kuba lihlahlandlela lelisitako nobe lelivamile.
-
Nawungumzalwane, kusebentela kuba yinceku lesebentako.
6. Jabulela kuphila kuze kube phakadze!
Fundza Tihlabelelo 22:26, bese nicoca ngalombuto:
-
Yini longayenta kuze ujabulele kuphila nyalo uphindze ujabulele kuphila kuze kube phakadze?
LOKO LESICOCE NGAKO
Chubeka ucinisa buhlobo bakho naJehova futsi utibekele imigomo ekumkhonteni, nawenta njalo utawujabulela kuphila kuze kube phakadze!
Yini Loyifundzile?
-
Yini lengakwenta uciniseke kutsi Jehova utakusita umkhonte ngekwetsembeka?
-
Ungabucinisa njani buhlobo bakho naJehova?
-
Kutibekela imigomo ekukhonteni Jehova kukusita njani kutsi ube nebuhlobo lobuhle naye?
LOKUNYE LONGAKUHLOLA
Yini lebaluleke kakhulu kuJehova, kwenta sento sinye lesikhulu sekutinikela nobe nobe kuhlala wetsembekile kuye kuphila kwakho konkhe?
Ngisho nesikhonti saJehova lesetsembekile singaphelelwa yinjabulo. Buka kutsi singaphindze siyitfole njani.
Tfola Injabulo Ngekufundza LiBhayibheli Futsi Uzindle (5:25)
Ungatibekela uphindze uyifinyelele njani imigomo ekukhonteni Nkulunkulu?
Kubaluleke ngani kutsi ube ngumKhristu lovutsiwe, futsi yini longayenta kuze uvutfwe?
Lokunye Longatsandza Kukuhlola
IMIBUTO BANTFU LABAVAMISE KUYIBUTA
Siyini Sifundvo SeliBhayibheli Lesichutjwa BoFakazi BaJehova?
Ungasebentisa nobe ngabe nguliphi lihumusho leliBhayibheli nawutadisha naBoFakazi BaJehova. Ukhululekile kumema umndeni wakho wonkhe nobe bangani bakho kutsi babe khona nawufundza.
