LISAUN 60
Kontinua hakbesik liután ba Jeová
Liuhusi kursu Bíblia neʼe, Ita aprende ona buat barak kona-ba Jeová. Buat neʼebé Ita aprende book Ita atu hadomi tebes nia, no karik Ita mós dedika an ona no hetan batizmu. Se seidauk, karik Ita planu hela atu halo ida-neʼe. Maibé depois hetan tiha batizmu, Ita labele para atu laʼo ba oin iha lia-loos. Ita presiza kontinua hakbesik liután ba Jeová ba nafatin. Oinsá?
1. Tanbasá mak Ita presiza kontinua hametin Ita-nia relasaun ho Jeová nuʼudar belun?
Ita tenke hakaʼas an atu kontinua hametin ita-nia relasaun ho Jeová nuʼudar belun. Tanbasá? “Atu nuneʼe ita labele laʼo sees” husi nia. (Ebreu 2:1) Saida mak bele ajuda ita atu kontinua serbí Jeová ho laran-metin? Neʼe mak hodi kontinua okupadu iha serbisu haklaken no buka dalan seluk atu serbí Jeová diʼak liután. (Lee Filipe 3:16.) Serbí Jeová mak dalan neʼebé diʼak liu iha ita-nia moris!—Salmo 84:10.
2. Saida tan mak Ita presiza kontinua halo?
Maski Ita-nia kursu Bíblia neʼe sei remata, Ita-nia moris nuʼudar ema Kristaun sei kontinua. Bíblia hatete katak ita presiza ‘tau hahalok foun nuʼudar ita-nia roupa’. (Éfeso 4:23, 24) Kuandu Ita kontinua estuda Maromak nia Liafuan no tuir reuniaun, Ita sei aprende liután kona-ba Jeová no ninia hahalok furak sira. Hakaʼas an atu halo tuir ninia ezemplu iha Ita-nia moris, no kontinua halo mudansa neʼebé Ita presiza atu bele halo Jeová kontente.
3. Oinsá mak Jeová sei ajuda Ita?
Bíblia dehan: “Maromak . . . rasik sei halo kompletu imi-nia treinu. Nia sei hametin imi, nia sei halo imi forte, nia sei halo imi hamriik metin.” (1 Pedro 5:10) Ita hotu hasoru tentasaun atu halo buat neʼebé sala. Maibé Jeová fó ita buat neʼebé ita presiza atu bele tahan. (Salmo 139:23, 24) Nia promete atu fó mai ita hakarak no kbiit atu serbí nia ho laran-metin.—Lee Filipe 2:13.
KEʼE KLEʼAN
Haree oinsá mak Ita bele kontinua hakbesik liután ba Jeová no oinsá mak Jeová sei fó bensaun ba Ita.
4. Kontinua koʼalia no rona ba Ita-nia Belun Jeová
Orasaun no estuda Bíblia ajuda ona Ita atu sai Jeová nia belun. Oinsá mak buat sira-neʼe bele ajuda Ita atu hakbesik liután ba nia?
Lee Salmo 62:8, depois koʼalia hamutuk kona-ba pergunta tuirmai:
-
Atu hametin Ita-nia relasaun ho Jeová, oinsá mak Ita bele halo orasaun iha dalan neʼebé diʼak liután?
Lee Salmo 1:2, depois koʼalia hamutuk kona-ba pergunta tuirmai:
-
Atu hametin Ita-nia relasaun ho Jeová, oinsá mak Ita bele lee Bíblia iha dalan neʼebé diʼak liután?
Oinsá mak Ita bele hetan benefísiu liután husi estuda mesak? Atu hetan ideia balu, loke VÍDEO, depois koʼalia hamutuk kona-ba pergunta tuirmai.
-
Sujestaun saida deʼit mak Ita hakarak aplika?
-
Ita hakarak estuda kona-ba tópiku saida?
5. Halo planu espirituál
Se Ita iha planu atu aumenta Ita-nia serbisu ba Jeová, neʼe sei ajuda Ita atu hakbesik liután ba nia. Loke VÍDEO, depois koʼalia hamutuk kona-ba pergunta tuirmai.
-
Benefísiu saida mak Cameron hetan husi ninia planu espirituál?
Laʼós ema hotu bele muda ba rai seluk atu haklaken. Maibé ita hotu bele halo planu neʼebé ita bele kumpre. Lee Provérbios 21:5, depois koʼalia hamutuk kona-ba planu sira neʼebé Ita bele kumpre . . .
-
iha kongregasaun.
-
iha serbisu haklaken.
Oinsá mak prinsípiu iha eskritura neʼe bele ajuda Ita atu kumpre Ita-nia planu?
Sujestaun kona-ba planu sira
-
Halo orasaun iha dalan neʼebé diʼak liután.
-
Lee Bíblia tomak.
-
Koko koñese didiʼak ema hotu iha kongregasaun.
-
Hahú no halaʼo estudu Bíblia.
-
Serbí nuʼudar pioneiru estra ka pioneiru regulár.
-
Se Ita mak irmaun, hakaʼas an atu kumpre kritéria atu sai atan ba kongregasaun.
6. Moris haksolok ba nafatin!
Lee Salmo 22:26, depois koʼalia hamutuk kona-ba pergunta tuirmai:
-
Saida mak Ita bele halo atu bele moris haksolok agora no ba nafatin?
PONTU IMPORTANTE
Kontinua hakbesik liután ba Jeová nuʼudar belun no halo planu espirituál. Hodi halo nuneʼe, Ita bele moris haksolok ba nafatin!
Rezumu
-
Tanbasá mak Ita bele fiar katak Jeová sei ajuda Ita atu serbí nia ho laran-metin?
-
Oinsá mak Ita bele hametin Ita-nia relasaun ho Jeová nuʼudar belun?
-
Se Ita iha planu espirituál, oinsá mak neʼe bele ajuda Ita atu hakbesik liután ba Jeová?
BUKA-HATENE LIUTÁN
Haree tanbasá importante atu hatudu laran-metin ba Jeová durante ita-nia moris tomak.
Ema neʼebé serbí Jeová ho fiar metin mós bele lakon ksolok. Haree toʼok oinsá mak bele hetan fali ksolok.
Oinsá mak Ita bele halo planu espirituál no kumpre ida-neʼe?
“Uza planu espirituál atu hahiʼi Ita-nia Kriadór” (Livru Haklaken, 15 Jullu 2004)
Tanbasá mak importante atu sai ema Kristaun neʼebé maduru, no oinsá mak ita bele laʼo ba oin?
“Lao ba oin hodi sai ema maduru—‘Jeová nia loron boot besik ona’” (Livru Haklaken, 15 Maiu 2009)
Karik Ita sei gosta
PERGUNTA SIRA NEʼEBÉ BAIBAIN EMA HUSU
Kursu Bíblia hanesan saida mak Testemuña ba Jeová oferese?
Ita bele uza tradusaun Bíblia naran deʼit atu halaʼo kursu Bíblia interativu ho Testemuña ba Jeová ho gratuitu. Bele mós konvida Ita-nia kolega no família tomak atu estuda hamutuk.
