LESOGNE 60
Hamafeso Lognandro ty Fifandrambesa’o amy i Jehovah
Nianatse raha maro miomba i Jehovah rehe tagnate ze fotoagne nianara’o Baiboly zay. Vao mainke nahavy azo ho tea aze ze raha rezay. Nahavy azo nanokan-tegna ho aze naho natao badisa ka zay. Ndra naho mbe tsy nanao izay rehe, le va’e mieretseretse ty hanao izay ato ho ato. Faie tsy tapetse amy i badisay eo avao ty fandrosoagne toko’e hatao’o. Toko’e ho tohiza’o avao ty fifandrambesa’o amy i Jehovah. Ino ty hagnampe azo hanao izay?
1. Nagnino rehe ro toko’e hikezake mafe mba ho nama i Jehovah avao?
Tsy maintsy mikezake mafe tikagne mba hahavy antikagne ho nama i Jehovah lognandro. Ino ty anto’e? Amy izay tikagne “tsy ho voatarike hiala” ama’e. (Hebreo 2:1) Ino ty hagnampe antikagne hanohy hanompo i Jehovah avao? Azontikagne atao ty mifofotse mafe amy ty asa fitoriagne. Afake mandrambe anjara amy ty karazam-panompoagne sambe karaza’e ka tikagne mba hampitomboagne ty fanompoagne ataontikagne. (Vakio ty Filipianina 3:16.) Ty manompo i Jehovah ro fomba fiaignagne tena soa!—Salamo 84:10.
2. Ino ka ty raha mbe toko’e ho tohiza’o avao?
Maregne fa ho tapetse ty fianara’o ty boke toy. Faie mbe mitohy avao ty fomba fiaigna’o amy ty maha Kristiana azo. Mirehake ty Baiboly tie ‘mila miakanjo toetse vaovao’ tikagne. (Efesianina 4:23, 24) Naho manohy mianatse ty Saontsin’Andrianagnahare avao rehe sady mivory tsy tapake, le hahafantatse raha vaovao miomba i Jehovah naho ty toetse’e. Mikezaha areke mba hitovy toetse ama’e lognandro. Ho fale ty Jehovah naho mikezake manohy magnova ze raha mbe toko’e hovagne amy ty fiaigna’o rehe.
3. Akore ty atao i Jehovah mba hagnampeagne azo hagnamafe ty fifandrambesa’o ama’e lognandro?
Hoe ty Baiboly: ‘Hamita ty fampiofagnagne anareo ty Andrianagnahare. Hagnamafe oregne anareo, sady hampaozatse anareo reke.’ (1 Petera 5:10) Sambe miatreke tsapa hevetse tikagne iaby. Faie mea i Jehovah ze raha ilaentikagne tika mba hahavy antikagne hahatohetse irey. (Salamo 139:23, 24) Mampitamà reke fa hagnomey azo fagniriagne naho hery mba hahafaha’o tsy hivalike ama’e.—Vakio ty Filipianina 2:13.
ANDAO HANDINEKE TY PITSOPITSO’E
Hodinehentikagne ato tie, ino ty hagnampe azo hagnamafe ty fifandrambesa’o amy i Jehovah lognandro. Sady akore ty fomba hitahia’e azo.
4. Tohizo avao ty fifampirehafa’o amy i Jehovah naho ty fitsanogna’o aze
Nagnampe azo ho nama i Jehovah ty vavake naho ty fianara’o Baiboly. Nagnino o raha rehoe ro mbe afake magnampe azo hifandrambe marine ama’e avao?
Vakio ty Salamo 62:8, sady iharò midineke ty fagnonteneagne toy:
-
Mba hahavy azo tena hifandrambe soa amy i Jehovah, ino ty toko’e hatao’o mba hagnasoa’o ty vavake atao’o?
Vakio ty Salamo 119:97, sady iharò midineke ty fagnonteneagne toy:
-
Mba hahavy azo tena hifandrambe soa amy i Jehovah, ino ty toko’e hatao’o mba hagnasoa’o ty famakia’o Baiboly?
Ino ty toko’e hatao’o mba handrambe soa amy ty fianaragne raike atao’o rehe? Andao tikagne hagnente hevetse tsiampeampe. Alefaso i VIDEO oy, sady iharò midineke ty fagnonteneagne retoa.
-
Ty aia amy i soso-kevetse tamy i video teo rey ro tea’o horihegne?
-
Ino ty foto-kevetse tea’o hianaragne?
5. Mametraha tanjogne ara-pagnahy
Magnampe azo handroso avao ty fametraha’o tanjogne amy ty fanompoagne i Jehovah. Alefaso i VIDEO oy, sady iharò midineke ty fagnonteneagne toy.
-
Arake i video teoy, ino ty soa niazo i Cameron naho fa nametrake tanjogne ara-pagnahy reke?
Maregne fa tsy itikagne iaby ro ho afake hifindra amy ty toeragne hafa agne. Faie afake mametrake ze tanjogne azontikagne tratraregne tikagne iaby. Vakio ty Ohabolana 21:5, le dineho tihoe, inogne ty tanjogne tea’o ho tratraregne...
-
amo o fiangonagneo eo?
-
amy i fanompoagney ey?
Nagnino ty toro lalagne amy i andine’ey ro magnampe azo hagnatratse i tanjo’oy?
Anò tanjogne retoa
-
Hagnasoa ty vavake atao’o.
-
Hamaky i Baibolỳ iaby.
-
Hamantatse soa ze mpiara-manompo amy ty fiangonagne misy azo eo.
-
Hanomboke naho hitarike fampianaragne Baiboly.
-
Hanao mpisava lalagne mpagnampe ndra maharetse.
-
Naho rahalahy rehe, le azo’o atao ty mikezake ho mpagnampe amy ty fiangonagne.
6. Ankamamio nainai’e o fiaignagneo!
Vakio ty Salamo 22:26, sady iharò midineke ty fagnonteneagne toy:
-
Ino ty azo’o atao mba hahavy azo hankamamy o fiaignagneo manomboke amy izao hatrake amy ty hoavy?
FAMINTIGNAGNE
Hasoao lognandro ty fifandrambesa’o amy i Jehovah sady mametraha tanjogne ara-pagnahy. Izay ty hahavy azo hankamamy o fiaignagneo nainai’e!
Fameregnagne
-
Nagnino rehe ro matoky fa hagnampe azo ty Jehovah mba hahavy azo tsy hivalike ama’e?
-
Ino ty azo’o atao mba hagnamafesa’o ty fifandrambesa’o amy i Jehovah?
-
Nagnino ro magnampe azo handroso avao ty fametraha’o tanjogne ara-pagnahy?
FAGNAZAVAGNE FAGNAMPE’E
Ty aia ty sarobily amy i Jehovah, tie itikagne manokan-tegna ho aze amy i andro igne avao vao faie tsy mikezake sasa sa tie itikagne tsy mivalike ama’e amparake ty iaignantikagne?
Ndra o mpanompo i Jehovah tsy mivalikeo aza, va’e tsy hahatrea fifaleagne amy ty fanompoagne aze. Faie ino ty hagnampe antikagne naho izay ty raha miseho?
Ho Fale Indraike Rehe Naho Mianatse Sady Misaintsaigne (5:25)
Ino ty hagnampe azo hametrake tanjogne ara-pagnahy sady hagnatratse izay?
“Manàgna Tanjogne Magnomey Voninahitse i Mpamorogney” (Fitalakesan-davitse 15 Jolay 2004)
Nagnino rehe ro toko’e hikezake mba ho Kristiana matotse sady ino ty hagnampe azo amy izay?
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
