SAMBIRU 60
Lutirizgani Kuja pa Ubwezi Wakukho ndi Yehova
Kutuliya po mukwambiya kusambira Bayibolu, mwasambira vinthu vinandi vakukwaskana ndi Yehova. Chifukwa cha vinthu venivi vo mwasambira, sonu mutimuyanja ukongwa Yehova, ndipu panyaki mukujipereka kali kwaku iyu kweniso mukubatizika. Asani po cha, panyaki muŵanaŵana kuti mubatiziki pambula kuswera. Kweni chinanga munthu wangabatizika, wakhumbika kuchita mbwenu vinthu vinyaki kuti walutirizgi kuja pa ubwezi wakukho ndi Yehova mpaka muyaya. Kumbi ndi vinthu wuli vo wakhumbika kuchita?
1. Ntchifukwa wuli mukhumbika kulutirizga kuchita vinthu vo vingakuwovyani kuja pa ubwezi wakukho ndi Yehova?
Ntchifukwa wuli tikhumbika kulutirizga kuchita vinthu vo vingatiwovya kuja pa ubwezi wakukho ndi Yehova? Venivi vingatiwovya “kuti tileki kutuwaku” kwaku iyu. (Aheberi 2:1) Kumbi ntchinthu wuli cho chingatiwovya kuti tilutirizgi kuteŵete Yehova mwakugomezgeka? Tikhumbika kuchita vinandi pa ntchitu yakupharazga kweniso tikhumbika kusaniya nthowa zinyaki zapade zo tingateŵete Chiuta widu mwakukwana. (Ŵerengani Afilipi 3:16.) Kuteŵete Yehova ndichu chinthu chamampha ukongwa kuluska chechosi!—Salimo 84:10.
2. Kumbi ntchinthu wuli chinyaki cho mukhumbika kulutirizga kuchita?
Chinanga kuti sonu mumalizengi kusambira Bayibolu mwakugwiriskiya ntchitu buku ili, kweni pe chinthu chinyaki cho mukhumbika kulutirizga kuchita nge Mkhristu. Bayibolu likamba kuti tikhumbika “kuvwala umunthu wufya.” (Aefeso 4:23, 24) Po mulutirizga kusambira Mazu ngaku Chiuta ndi kusanirika pa maunganu ngampingu, musambirengi vinthu vasonu vakukwaskana ndi Yehova kweniso mijalidu yaki. Mwaviyo, muyesesengi kulongo mijalidu yeniyi pa umoyu winu. Kweniso lutirizgani kusintha vinthu vinyaki kuti mukondwesi Yehova.
3. Kumbi Yehova wakuwovyeningi wuli kuti mulutirizgi kuluta panthazi?
Bayibolu likamba kuti: “Chiuta . . . wamalizengi kukusambizani. Iyu wakuwovyeningi kuti muŵi akukho, muŵi anthazi ndipuso kuti muleki kusukunyika.” (1 Peturo 5:10) Tosi tingayeseka kuti tichiti vinthu viheni. Kweni Yehova watitipaska vo tikhumbikiya kuti timalani ndi mayeseru. (Salimo 139:23, 24) Iyu walayizga kuti wakupaskeningi khumbu kweniso nthazi kuti mufiski kumuteŵete mwakugomezgeka.—Ŵerengani Afilipi 2:13.
SAMBIRANI VINANDI
Wonani vo mungachita kuti mulutirizgi kuja pa ubwezi wakukho ndi Yehova kweniso mo iyu wakutumbikiyeningi.
4. Lutirizgani kukambiskana ndi Mubwezi winu
Kupemphera kweniso kusambira Bayibolu kwakuwovyani kuti muje pa ubwezi ndi Yehova. Kumbi vinthu viŵi venivi vingakuwovyani wuli kuti muje pa ubwezi wakukho ukongwa ndi iyu?
Ŵerengani Salimo 62:8, pavuli paki kambiskanani fumbu ili:
-
Kuti muje pa ubwezi wakukho ndi Yehova, kumbi ndi vinthu wuli vo mungachita kuti mapempheru nginu ngajengi ngamampha?
Ŵerengani Salimo 1:2 ndi mazu ngamumphata, pavuli paki kambiskanani fumbu ili:
-
Kuti muje pa ubwezi wakukho ndi Yehova, kumbi ndi vinthu wuli vo mungachita kuti muvwisengi vo muŵerenga mu Bayibolu?
Kumbi mungachita wuli kuti vo musambira mu Bayibolu vikuwovyeningi? Kuti muwoni vo mungachita, woneriyani VIDIYO, pavuli paki kambiskanani mafumbu ngo nge mumphata.
-
Kumbi yimwi muwona kuti mungagwiriskiya ntchitu masachizgu nanga pa ngo ngakambika mu vidiyo?
-
Nanga ndi nkhani nizi zo mungayanja kusambira?
5. Ŵanaŵaniyani nthowa zinyaki zapade zo mungateŵete Yehova
Kusankhiya limu nthowa zinyaki zapade zo mukhumba kuteŵete Yehova, kungakuwovyani kuti muje nayu pa ubwezi wakukho. Woneriyani VIDIYO, pavuli paki kambiskanani fumbu lo le mumphata.
-
Nge po tawone mu vidiyo, kumbi kusankhiya limu kuteŵete Yehova munthowa yapade kungumuwovya wuli Cameron?
Ndi weyosi cha yo wangafiska kuluta kucharu chinyaki kuchipharazga. Kweni pe vinthu vinyaki vinandi vo munthu weyosi wangasankha kuchita kuti wateŵete Yehova munthowa yapade. Ŵerengani Nthanthi 21:5, ndipu kambiskanani vinthu vinyaki vo yimwi mungachita . . .
-
mumpingu.
-
mu uteŵeti.
Kumbi fundu ya pa lemba ili yingakuwovyani wuli kuti mufiski vo mukhumba kuchita?
Vinthu vinyaki vo mungachita
-
Yesesani kuti mupempherengi mapempheru ngamampha.
-
Ŵerengani Bayibolu losi.
-
Yesesani kuziŵa weyosi mumpingu winu.
-
Yesesani kuti musaniyi sambiru la Bayibolu.
-
Lembesani upayiniya wakovya pamwenga wanyengu zosi.
-
Asani ndimwi mubali, yesesani kuti muje mteŵeti wakovya.
6. Kondwani ndi umoyu kwamuyaya!
Ŵerengani Salimo 22:26, pavuli paki kambiskanani fumbu ili:
-
Kumbi mungachita wuli kuti mukondwengi ndi umoyu sonu kweniso mpaka muyaya?
KUMBI MWASAMBIRANJI?
Lutirizgani kuja pa ubwezi wakukho ndi Yehova kweniso sankhiyani limu nthowa zinyaki zapade zo mungamuteŵete. Asani muchitengi venivi mukondwengi ndi umoyu mpaka muyaya!
Kuweriyamu
-
Ntchifukwa wuli musimikiza mtima kuti Yehova wakuwovyeningi kuti mufiski kumuteŵete mwakugomezgeka?
-
Kumbi ndi vinthu wuli vo mungachita kuti mulutirizgi kuja pa ubwezi wakukho ndi Yehova?
-
Kumbi kusankhiya limu nthowa zinyaki zapade zo mungateŵete Yehova, kungakuwovyani wuli kuja nayu pa ubwezi wakukho?
FUFUZANI
Kumbi Yehova wakondwa ndi vinthu wuli; kuchita waka chinthu chimoza chakulongo kuti te akujipereka kwaku iyu, pamwenga kulutirizga kuja akugomezgeka kwamuyaya?
Mteŵeti wakugomezgeka waku Yehova nayu wangaleka kukondwa chifukwa cha masuzgu. Wonani vo mungachita kuti muyambi so kukondwa.
Mukondwengi Asani Musambira ndi Kuŵanaŵaniya vo Mwaŵerenga (5:25)
Kumbi mungachita wuli kuti musankhiyi limu nthowa zapade zo mungateŵete Yehova kweniso kuti muzifiski?
“Sankhani Vakuchita vo Vingakuwovyani Kuthamika Mlengi Winu” (Chigongwi cha Alinda, July 15, 2004)
Ntchifukwa wuli mukhumbika kuja Mkhristu wakukhwima, nanga mungachita wuli?
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Sambiru la Bayibolu lo Akaboni aku Yehova Achitiska Ntchinthu Wuli?
Kuziya mu pulogilamu yawezi ya kusambira Bayibolu ndi Akaboni aku Yehova, mungagwiriskiya ntchitu Bayibolu lelosi. Mungadaniyaku banja linu losi pamwenga mabwezi nginu pa sambiru.
