CHIIYO 60
Yinkilila Kunembo Kusima Mubukombi
Kuzwa nwaakasaanguna kwiiya Bbayibbele, wakayiya zyiingi loko atala aJehova. Zintu nzwaakayiya zyakapa kuti umuyande loko Jehova zyakuti wakalipeda kulinguwe akubbabbatizigwa. Kuti kutanachita zintu eezi, kweelede kuti ulikuyeeya kuzichita lino-lino. Nikuba kuti wabbabbatizigwa, tazyaambi kuti wakapasa pe mubukombi. Weelede kwiinkilila kunembo kuswena aafwiifwi aJehova mane kukabe kutamani. Kujana wazichita biyeni?
1. Nkamboonzi nweelede kuzumanana kuba aabweenzinyokwe busimide aJehova?
Tweelede kubeleka changuzu kuti tukkale katuli aabweenzuma busimide aJehova. Nkamboonzi? Kuchitila kuti “tutaunkilili akusweeka.” (Bahebrayo 2:1) Niinzi chikonzya kutugwasya kuti tukkale katusyomeka kuli Jehova? Tweelede kubeleka changuzu mumulimu wakukambawuka akuba aazyakuchita zyiingi mubukombi. (Bala Bafilipi 3:16.) Taakwe chintu chibotu chiinda kubelekela Jehova pe.—Intembauzyo 84:10.
2. Nchiichili chimbi nchweelede kukkala kuchita?
Nikuba kuti lino waamba kumaninsya kwiiya bbuku eeli, pesi weelede kwiinkilila kunembo kulikusima mubukombi. Bbayibbele lyaamba kuti tweelede ‘kusama buntu bupya.’ (Baefeso 4:23, 24) Kuti wayinkilila kunembo kubala Jwi lyaLeza akunjila miswaangano yambungano, uyooyiya zintu zyiingi atala aJehova abuntu bwakwe. Bona mbukonzya kutobelezya buntu bwakwe mubuumi bwako. Yinkilila kunembo kulikuchincha kuchitila kuti ubotezye Jehova.
3. Jehova uyookugwasya biyeni kuti uyinkilile kunembo?
Bbayibbele lyaamba kuti: “Leza . . . walo mwini uyoomanizya lwiiyo lwanu. Uyoomuzyatika, uyoomuyumya akumwiimika nji.” (1 Petro 5:10) Toonse tuswaanana aamasunko. Pesi Jehova ulatupa zyoonse nzituyandikana kuti tukonzye kwaazunda. (Intembauzyo 139:23, 24) Wakasyomezya kuti uyookupa chiyandisyo amanguzu aakuti ukkale kusyomeka kulinguwe.—Bala Bafilipi 2:13.
YIYA ZYIINGI
Bona zikonzya kukugwasya kuti wiinkilile kunembo mubukombi akubona Jehova mbayookulongezya.
4. Kkala kuwambuula aaJehova
Kukomba akubala Bbayibbele kuyookugwasya kuti ube mweenzinyina waJehova. Kuchita zintu eezi, kujana kwakugwasya biyeni kuti uswene aafwiifwi anguwe?
Bala Intembauzyo 62:8, mpawo musandule mubuzyo uutobela:
-
Nkombyo zyako zyeelede kuba biyeni kuti ubaabweenzinyokwe busimide aJehova?
Bala Intembauzyo 1:2 amakani aamunsi, mpawo musandule mubuzyo uutobela:
-
Nzila njubalaayo Bbayibbele, kujana yakugwasya biyeni kuti ubaabweenzinyokwe busimide aJehova?
Kujana wachita biyeni kuti ujane zyiingi chiindi nulikubala Bbayibbele? Kuti ubone bamwi mbubazichita, mweebele VIDIYO, mpawo musandule mibuzyo iitobela.
-
Nziizili nzila nzwaabona muvidiyo nzukonzya kubelesya?
-
Nziizili nkani nzuyanda kuyanduulisisya?
5. Libikkile zipeekezyo zyamubukombi
Kulibikkila zipeekezyo zyamubukombi kuyookugwasya kuti uyinkilile kunembo kulikusima mubukombi. Mweebele KAVIDIYO, mpawo musandule mubuzyo uutobela.
-
Kulibikkila zipeekezyo zyamubukombi kwakamugwasya biyeni Cameron?
Teebantu boonse pe bakonzya kulongela kuliimwi nyika kuti bakakambawuke. Nikuba boobo, toonse tulakonzya kulibikkila zipeekezyo. Bala Tusimpi 21:5, mpawo ubone zipeekezyo nzukonzya kulibikkila . . .
-
mumbungano.
-
mumulimu wakukambawuka.
Malayilile aali muvesi eeyi kujana akugwasya biyeni kuti uzuzikizye zipeekezyo zyako?
Zipeekezyo nzukonzya kulibikkila
-
Mbuyelede kukomba.
-
Bala Bbayibbele lyoonse.
-
Bazibe kabotu boonse bamumbungano yanu.
-
Baazyiiyo zyaBbayibbele.
-
Bapayona wakugwasilizya naakuti payona wachiindi choonse.
-
Kuti kuli mukwesu, belekela kuti ube mubelesi uubelekela.
6. Mbukonzya kubotelwa mubuumi kukabe kutamani!
Bala Intembauzyo 22:26, mpawo musandule mubuzyo uutobela:
-
Niinzi nzweelede kuchita kuti ubotelwe mubuumi lino akuti ukabotelwe kukabe kutamani?
CHIFWIINSYO
Yinkilila kunembo kuli aabweenzinyokwe busimide aJehova mpawo ulibikkile zipeekezyo zyamubukombi. Kuti wachita oobo, uyoobotelwa mubuumi kukabe kutamani!
Mibuzyo Yakwiindulula
-
Niinzi chipa kuti ubaachoonzyo chakuti Jehova uyookugwasya kuti ukkale kusyomeka kulinguwe?
-
Kujana wabusimya biyeni bweenzinyokwe mbulaabo aJehova?
-
Kulibikkila zipeekezyo zyamubukombi kukugwasya biyeni kuti wiinkile kunembo kulikusima mubukombi?
YANDUULISISYA
Niinzi Jehova nzyayanda, nkuti tusyomeke kwachiindi chimwi na kulinguwe naakuti tuzumanane kusyomeka?
Bakombi baJehova ambabo balakonzya kutabotelwa. Bona mbubakonzya kubotelwa lubo.
Niinzi nzukonzya kuchita kuti ulibikkile zipeekezyo ambukonzya kuzizuzikizya?
“Libikkile Zipeekezyo Zyamubukombi Kuti Ulumbayizye Mulengi Wako” (Ngaziyakulinda, July 15, 2004)
Nkamboonzi kusima mubukombi nikuyandikana alubo kujana wazichita biyeni?
“Sima Mubukombi Nkaambo Buzuba bwaJehova Bwabaafwiifwi” (Ngaziyakulinda, May 15, 2009)