SAMBIRO 60
Lutilirani Kukura Mwauzimu
Kufuma waka apo mukambira kusambira buku ili, mwamanya vinandi vyakukhwaskana na Yehova. Ivyo mwasambira vyamovwirani kuti mumutemwenge chomene Yehova kweniso kuti mujipeleke na kubatizika. Para mundajipeleke na kubatizika panji mukughanaghana kuti ndivyo muchitenge munthazi. Kweni para mwabatizika mukwenera kulutilira kukura mwauzimu. Mungalutilira kuŵa paubwezi na Yehova. Kasi mungachita wuli?
1. Chifukwa wuli mukwenera kulutilira kukhozga ubwezi winu na Yehova?
Tikwenera kuŵikapo mtima chomene kuti tilutilire kukhozga ubwezi withu na Yehova. Chifukwa wuli? “Kuti tileke kupatukako” kwa iyo. (Ŵahebere 2:1) Kasi ntchivichi chingatovwira kuti tilutilire kuteŵetera Yehova mwakugomezgeka? Tikwenera kutangwanika chomene na mulimo wakupharazga, kweniso kusanga nthowa zinyake izo zingatovwira kuti titeŵetere Chiuta mwakukwana. (Ŵazgani Ŵafilipi 3:16.) Kuteŵetera Yehova ndicho ntchakuzirwa chomene pa umoyo withu!—Salimo 84:10.
2. Kasi ntchinthu wuli chinyake icho mukwenera kulutilira kuchita?
Nangauli apa tamara kusambira buku ili, kweni mukwenera kulutilira kuchita vinthu nga Mkhristu. Baibolo likuti tikwenera ‘kulutilira kuzgoka ŵaphya.’ (Ŵaefeso 4:23, 24) Apo mukulutilira kusambira Mazgu gha Chiuta na kuwungana, musambirenge vinthu vinandi viphya vyakukhwaskana na Yehova kweniso mikhaliro yake. Sangani nthowa izo mungayezgera mikhaliro ya Yehova. Lutilirani kusintha vinthu vinyake kuti mukondweske Yehova.
3. Kasi Yehova wangamovwirani wuli kuti mulutilire kukura mwauzimu?
Baibolo likuti: “Chiuta . . . wazamumalizga kumusambizgani. Wazamumukhozgani, wazamumuzgorani ŵankhongono kuti muleke kusunkhunyika.” (1 Petrosi 5:10) Tose tikuyezgeka. Kweni Yehova wakutipa ivyo tikukhumbikwira kuti tizizipizge. (Salimo 139:23, 24) Iyo wali kulayizga kuti watipenge khumbo kweniso nkhongono kuti tilutilire kumuteŵetera mwakugomezgeka.—Ŵazgani Ŵafilipi 2:13.
MANYANI VINANDI
Wonani ivyo mungachita kuti mulutilire kukura mwauzimu kweniso umo Yehova wangamutumbikirani.
4. Lutilirani kuyowoyeskana na mubwezi winu wa pamtima
Lurombo kweniso kusambira Baibolo, vyamovwirani kuti muŵe paubwezi wakukhora na Yehova. Kasi ivi vingamovwirani wuli kuti mulutilire kuŵa nayo paubwezi?
Ŵazgani Salimo 62:8, kufuma apo dumbiskanani fumbo ili:
-
Kasi mukwenera kulomba wuli kuti mulutilire kuŵa paubwezi wakukhora na Yehova?
Ŵazgani Salimo 1:2 na mazgu ghamusi, kufuma apo dumbiskanani fumbo ili:
-
Kasi mukwenera kuŵerenga mu nthowa wuli Baibolo kuti mulutilire kuŵa paubwezi wakukhora na Yehova?
Kasi mungachita wuli kuti musangenge chandulo para mukusambira pamwekha? Kuti musange vinthu vinyake ivyo mungachita, wonelerani VIDIYO, kufuma apo dumbiskanani mafumbo agha.
-
Kasi ni masachizgo wuli agho mwawona mu vidiyo agho mungalondezga?
-
Kasi ni nkhani wuli izo mungatemwa kusambira?
5. Jiŵikirani vilato vyauzimu
Para mukujiŵikira vilato vingamovwirani kuti mulutilire kukura mwauzimu. Wonelerani VIDIYO, kufuma apo dumbiskanani fumbo ili.
-
Kuyana na ivyo mwawona mu vidiyo, kasi Cameron wakasanga vitumbiko wuli chifukwa cha kujiŵikira vilato vyauzimu?
Ni waliyose yayi uyo wangakwaniska kukapharazga ku charu chinyake. Kweni tose tingajiŵikira vilato ivyo tingafiska. Ŵazgani Zintharika 21:5, kufuma apo ghanaghanirani vilato ivyo mungajiŵikira . . .
-
mu mpingo.
-
mu uteŵeti.
Kasi fundo ya pa lemba ili yingamovwirani wuli kuti mufiske vilato vinu?
Vilato vinyake ivyo mungajiŵikira
-
Kusintha umo mungalombera.
-
Kuŵazga Baibolo lose.
-
Kumanya waliyose mu mpingo.
-
Kusambira Baibolo na munthu.
-
Kuchita upayiniya wakovwira panji wanyengozose.
-
Usange ndimwe mubali, chitanipo kanthu kuti muŵe muteŵeti wakovwira.
6. Mungakondwa na umoyo kwamuyirayira!
Ŵazgani Salimo 22:26, kufuma apo dumbiskanani fumbo ili:
-
Kasi mungachita wuli kuti mukondwenge na umoyo sono kweniso muyirayira?
MWAKUDUMURA
Lutilirani kukhozga ubwezi winu na Yehova kweniso kujiŵikira vilato vyauzimu. Ivi vimovwiraninge kuti mukondwenge na umoyo sono kweniso muyirayira!
Kuweleramo
-
Chifukwa wuli mukwenera kugomezga kuti Yehova wamovwiraninge kuti mulutilire kumuteŵetera mwakugomezgeka?
-
Kasi mungachita wuli kuti mukhozge ubwezi winu na Yehova?
-
Kasi kujiŵikira vilato vyauzimu kungamovwirani wuli kuti mulutilire kukura mwauzimu?
SANGANI FUNDO ZAKUSAZGIKIRA
Kasi Yehova wakukondwa chomene na vichi, kugomezgeka kwa nyengo yichoko waka panji kugomezgeka nyengo zose?
Nyengo zinyake muteŵeti wakugomezgeka wa Yehova wangaleka kuŵa wakukondwa. Kweni ntchivichi chingamovwira kuti waŵeso wakukondwa?
Mungaŵaso Ŵakukondwa Para Mukuŵerenga Baibolo na Kughanaghanirapo (5:25)
Kasi mungachita wuli kuti mujiŵikire vilato vyauzimu na kuvifiska?
“Fiskani Vilato Vinu Vyauzimu Kuti Muchindike Mlengi Winu” (Gongwe la Mulinda, Julayi 15, 2004)
Chifukwa wuli ntchakuzirwa kuti munthu waŵe wakukhwima mwauzimu? Ndipo kasi mungachita wuli kuti muŵe ŵakukhwima mwauzimu?
“Tiŵe Ŵakukhwima Chifukwa ‘Zuŵa Likuru la Yehova Liri Pafupi’” (Gongwe la Mulinda, Meyi 15, 2009)
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Kosi ya Kusambira Baibolo ya Ŵakaboni ŵa Yehova Ni Vichi?
Apo mukusambira Baibolo munthowa yakudumbiskana na Ŵakaboni ŵa Yehova, mungagwiliskira ntchito Baibolo lililose ilo mwakhumba. Fwatukani kuchemerako banja linu panji ŵabwezi ŵinu.
