HAAPIIRAA 60
A tamau i te haere i mua i te pae varua
I te roaraa o teie haapiiraa Bibilia, mea rahi ta oe i haapii mai no nia ia Iehova. Ua turai te mau mea ta oe i haapii mai ia here rahi ia ˈna e ua faaoti oe e pûpû i to oe ora no ˈna e i te bapetizo ia oe. Mai te peu aita, peneiaˈe te opua ra oe e na reira i mua nei. Eita râ te haereraa i mua i te pae varua e hope i te bapetizoraa. E nehenehe oe e tamau i te vai piri noa ia Iehova e a muri noa ˈtu. E nafea?
1. No te aha ia tamau oe i te haapuai i to oe auhoaraa e o Iehova?
Mea tia ia haa rahi no te tamau i te haapuai i to tatou auhoaraa e o Iehova. No te aha? “Ia ore roa tatou ia hahi ê” ia ˈna. (Hebera 2:1) Eaha te tauturu ia tatou ia tavini noa ia Iehova ma te taiva ore? Ia rahi noa ta tatou ohipa i roto i te ohipa taviniraa e ia imi i te tahi atu ravea no te tavini hau atu â i to tatou Atua. (A taio i te Philipi 3:16.) Te taviniraa ia Iehova te mea faufaa roa ˈˈe o te oraraa!—Salamo 84:10.
2. Eaha atu â ta oe e tamau i te rave?
Noa ˈtu ua tae teie haapiiraa Bibilia i te hopea, e tamau noa râ oe e ora ei Kerisetiano. Te parau ra te Bibilia ia tatou “ia ahu mai i te huru taata apî.” (Ephesia 4:23, 24) Ia tamau oe i te haapii i te Parau a te Atua e i te apiti i te mau putuputuraa a te amuiraa, e haapii oe i te tahi mau mea apî no nia ia Iehova e i to ˈna mau huru maitatai. A imi i te mau ravea no te pee maite atu â i to ˈna huru i roto i to oe oraraa. A tamau i te rave i te mau tauiraa e titauhia no te faaoaoa ia Iehova.
3. Nafea Iehova e tauturu ai ia oe ia haere i mua i te pae varua?
Te parau ra te Bibilia: “Na te Atua . . . e faaineine hope roa ia [oe]. E faaitoito oia ia [oe], e haapuai oia ia [oe], e haamau papu oia ia [oe].” (Petero 1, 5:10) E tamatahia tatou paatoa. E horoa mai râ Iehova i ta tatou e hinaaro no te patoi atu i te reira. (Salamo 139:23, 24) Te fafau ra oia e horoa na oe i te hinaaro e te puai no te tavini ia ˈna ma te taiva ore.—A taio i te Philipi 2:13.
A FAAHOHONU ATU Â
A hiˈo e nafea oe e tamau ai i te haere i mua i te pae varua e e nafea Iehova e haamaitai ai ia oe.
4. A tamau i te paraparau i to oe hoa maitai roa
Ua tauturu te pure e te haapiiraa Bibilia ia oe ia riro mai ei hoa no Iehova. E nafea te tahi mau ohipa e tauturu ai ia oe ia vai piri noa ia ˈna?
A taio i te Salamo 62:8, e a aparau i teie uiraa:
-
No te haapuai i to oe auhoaraa e o Iehova, nafea oe e haamaitai ai i ta oe mau pure?
A taio i te Salamo 1:2 e te nota i raro i te api, e a aparau i teie uiraa:
-
No te haapuai i to oe auhoaraa e o Iehova, nafea oe e haamaitai ai i ta oe taioraa Bibilia?
Nafea oe e faufaahia ˈi i ta oe iho haapiiraa Bibilia? No te ite i te tahi mau ravea, a pata i te VIDEO, e a aparau i te mau uiraa i muri nei.
-
Eaha te mau ravea i roto i te video ta oe e nehenehe e faaohipa?
-
Eaha te mau tumu parau ta oe e hinaaro e haapii?
5. A haamau i te mau fa pae varua
E tauturu te haamauraa i te mau fa i roto i te taviniraa ia Iehova ia oe ia tamau i te haere i mua i te pae varua. A pata i te VIDEO, e a aparau i te uiraa i muri nei.
-
I roto i te video, nafea Cameron i faufaahia ˈi i te haamauraa i te mau fa pae varua?
E ere pauroa te nehenehe e poro i te tahi atu fenua. E nehenehe râ tatou e haamau i te mau fa tano noa. A taio i te Maseli 21:5, e a hiˈo eaha te mau fa ta oe e hinaaro e haamau . . .
-
i roto i te amuiraa.
-
i roto i te taviniraa.
Eaha te faaueraa tumu i roto i te irava o te tauturu ia oe ia naea ta oe mau fa?
Te mau fa ta oe e haafaufaa
-
Haamaitai te huru o ta oe mau pure.
-
Taio i te taatoaraa o te Bibilia.
-
Haamatau i te mau taata atoa i roto i ta oe amuiraa.
-
Haamata i te faatere i te hoê haapiiraa Bibilia.
-
Tavini ei pionie tauturu aore ra ei pionie tamau.
-
Mai te peu e taeae oe, a haa no te riro mai ei tavini tauturu.
6. Ia ora oe e a muri noa ˈtu!
A taio i te Salamo 22:26, e a aparau i teie uiraa:
-
Eaha ta oe e nehenehe e rave ia ora oe i teie nei e a muri noa ˈtu?
HAAPOTORAA
A tamau i te haapuai i to oe auhoaraa e o Iehova e haamau i te mau fa pae varua. E ora ïa oe e a muri noa ˈtu!
Haamanaˈoraa
-
No te aha oe e nehenehe ai e tiaturi e tauturu mai Iehova ia oe ia tavini ia ˈna ma te taiva ore?
-
Nafea oe e haapuai ai i to oe auhoaraa e o Iehova?
-
Nafea te mau fa pae varua e tauturu ai ia oe ia haere i mua?
HIˈOPOA
Eaha te mea faufaa roa ˈˈe no Iehova, ia rave tatou i te mea faufaa no te hoê noa taime aore ra ia tavini ia ˈna ma te taiva ore i te roaraa o to tatou oraraa?
E nehenehe atoa te hoê tavini taiva ore a Iehova e ere i te oaoa. A hiˈo e nafea ia fanaˈo faahou i te reira.
E noaa faahou te oaoa maoti te haapiiraa e te feruriruriraa (5:25)
Nafea oe e nehenehe ai e haamau i te mau fa pae varua e ia naea i te reira?
“A faahanahana i to Atua poiete ma te haamau i te fa pae varua” (Tumu parau o Te Pare Tiairaa)
No te aha mea faufaa te paari i te pae varua no te hoê Kerisetiano e e nafea oe e na reira ˈi?
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
