КИЧЭЭЛ 60
Иегова-биле найыралыңар кезээ мөңгеде болзун
Бо библейжи курстан Иегованың дугайында дыка хөйнү билип алган силер. Ооң ачызында Аңаа ынакшылыңар өзүп кээрге, Иеговага чуртталгаңарны бараалгаткаш, сугга суктуруп алган азы ол базымны чоокку үеде кылыр деп турар чадавас силер. Сугга суктурары оруктуң чүгле эгези. Ынчангаш Иегованы мөңгеде билип алыр аргалыг силер.
1. Бурган-биле найыралды улаштыр быжыктырары чүге чугула?
«Шын оруктан өскээр чардыкпас дээш», Иегова-биле найыралывысты быжыктырары чугула (Еврейлерге 2:1, Чаа делегей). Иеговага улаштыр шынчы бараалгаарынга биске чүү дузалаар? Хөй суртаал ажылынга азы бараалгалдың өске хевирлеринге киржири. (Номчуптуңар: Филипчилерге 3:16.) Иеговага бараалгаары — чуртталганың эң-не дээре оруу-дур! (Ырлар 83:11).
2. Кандыг сорулгаларже чүткүп болур?
Библейжи кичээлдер дооступ турар-даа болза, христиан чуртталгаңар уламчылаар. Бижилгеде чаа кижиниң овур-хевирин кедип алырын чугаалап турар (Эфесчилерге 4:23, 24, Чаа делегей). Чыыштарга болгаш хууда шинчилелдиң дузазы-биле Иегованың дугайында чаа-чаа чүүлдерни болгаш Ооң шынарларын билип алыр силер. Бурганның үлегерин эдерип, чаартынарын кызып, Иегованы өөртүр аргаларны дилеңер.
3. Иегова биске канчаар дузалаар?
Библияда бисти: «Бурган... Боду эчизинге чедир өөредир, быжыглаар, күштүг болгаш туруштуг кылып каар» — дээн (1 Пётр 5:10, Чаа делегей). Кижи бүрүзү шын эвес күзелдер-биле демисежир. Ону ажып эртип алырынга херек шупту чүүлдү Бурган берип турар (Ырлар 138:23, 24). Иегова биске Аңаа шынчы бараалгаар күштү болгаш күзелди бээрин аазаан. (Номчуптуңар: Филипчилерге 2:13.)
ХАНЫ ШИНЧИЛЕҢЕР
Бурган-биле найыралыңарны улаштыр сайзырадырынга чүү дузалаарын база Иегова канчаар йөрээрин көрээлиңер.
4. Эң-не дээре Өңнүүңер-биле чоок болуңар!
Иегованың өңнүү апаарынга силерге мөргүл болгаш Библияны өөренири дузалаан. Ол ажыктыг чаңчылдар Аңаа оон-даа чоок болурунга канчаар дузалаар?
Ырлар 61:9-ту номчааш, харыылаптыңар:
-
Канчаар ажыы-биле, ханы уткалыг кылдыр мөргүүрүл?
Ырлар 1:2-ни номчааш, харыылаптыңар:
-
Библияны канчаар оон-даа ханы, түңнелдиг кылдыр номчуп болурул?
Хууда шинчилелиңерни канчаар оон-даа экижидип болур силер? Каш бодалды ВИДЕОДАН көргеш, айтырыгларга харыылаптыңар.
-
Бо бодалдарның кайызын шенексээр-дир силер?
-
Кандыг темаларны оон-даа ханы шинчилексээр силер?
5. Тодаргай сорулгалардан салып алыңар
Тодаргай сорулгалар бараалгалга сайзыраарынга дузалаар. ВИДЕОНУ көргеш, айтырыгга харыылаптыңар.
-
Кэмероннуң сорулгалары кайы хире ажыктыг, солун болган?
Өске чуртче көжери кижи бүрүзүнге болдунмас. Ынчалза-даа шуптувус тодаргай сорулгаларны салып болур бис. Чугаалар 21:5-ти номчааш, кандыг сорулгалар салып болуруңарны чугаалап көрүңер:
-
чыышка;
-
суртаалга.
Бо шүлүкте дүрүм сорулгаларны чедип алырынга канчаар дузалаар?
Төлептиг сорулгалар
-
Мөргүлдерниң шынарын экижидер.
-
Библияны төндүр номчуур.
-
Чыышта шупту улус-биле таныжып алыр.
-
Библейжи кичээлди эгелеп алгаш, эрттирер.
-
Доктаамал азы дузаламчы эгелекчилээр.
-
Чыыштың дузалакчызы болур (эр улуска).
6. Аас-кежиктиг мөңге чурттаңар!
Ырлар 21:27-ни номчааш, харыылаптыңар:
-
Бөгүн-даа, мөңгеде-даа аас-кежиктиг чурттаар дизе, чүнү кылырыл?
КОЛ БОДАЛ
Иегова-биле найыралыңарны быжыглап, тодаргай сорулгалардан улаштыр салыңар. Ынчан аас-кежиктиг мөңге чурттаар силер!
Катаптаашкын
-
Шынчы бараалгаарынга Иегова дузалажыр деп чүге чигзинмейн барып болур силер?
-
Иегова-биле найыралды канчаар быжыглап болур силер?
-
Тодаргай сорулгалар улаштыр бараалгаарынга канчаар дузалаарыл?
НЕМЕЛДЕ
Иегова чүнү эң үнелээр: бүзүрелдиң чаңгыс маадырлыг базымын бе азы бүгү назынында шынчы христиан бараалгалды бе?
Иегованың шынчы бараалгакчызы-даа өөрүшкүзүн чидирип ап болур. Ону канчаар эгидерил?
«Библияны өөренириниң болгаш боданырының дузазы-биле катап өөрүшкүнү ал» (5:25)
Бараалгалга тода сорулгаларны чедип алырынга силерге чүү дузалап болур?
«Сээң сорулгаларың Чаяакчыны өөртүр болзун» («Таңныыл суургазы» июль 15, 2004 чыл)
Чедишкен христиан болурунче чүткүүрү чүге чугула? Ону канчаар чедип алырыл?
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
