Библиез дышетыса, тӥ троссэ тодӥды ини Иегова сярысь. Со юрттӥз тӥледлы Иеговаез яратыны. Соин ик тӥ улондэс Иеговалы сӥзиды но пылатӥськиды, дыр, ини. Нош ӧд ке, оскиськомы, ӝоген пылатӥськоды шуыса. Но пылатӥськон — со Иегова доры нуись сюреслэн кутсконэз гинэ. Азьланяз тӥ Иеговалы пумтэм вапумъёс ӵоже матэ кариськыны быгатоды.

1. Малы азьланяз но Иеговаен кусыпъёсмес юнматоно?

Милемлы азьланяз но Иеговаен кусыпъёсмес юнматоно. Малы? Ми «осконысь медам усе шуыса» (Еврейёслы 2:1). Мар юрттоз милемлы Иеговалы оскымон кыльыны? Со понна мылысь-кыдысь тодытон уже пыриськоно но луонлыкъёс утчано Иеговалы, Инмармылы, тросгес ужаны-тыршыны. (Лыдӟе Филиппыослы 3:16.) Иеговалы ужан-тыршон — со самой умой улон сюрес! (Псалтирь 83:11).

2. Мар эшшо кароно на?

Та берпуметӥез урок ини. Но таин тӥляд христиан сюресты уг дугды. Библия ӧте: «Выль адями мед луоды» (Ефесъёслы 4:23, 24). Кенешлэн пумиськонъёсаз но ас поннады Библиез эскерон дыръя тӥ тросгес но тросгес тододы Иегова сярысь но солэн сямъёсыз сярысь. Тырше дышетскыны Иеговалэсь но со кадь луыны. Дась луэ воштӥськыны, Иеговаез эшшо но тросгес шумпоттон понна.

3. Кызьы Иегова тӥледлы юрттоз?

Библиын верамын: «Инмар... тӥледыз юнматоз, кужмоятоз, чигиськисьтэм-куасаськисьтэм кароз» (1 Пётр 5:10). Милям котькудмылэн осконмы эскеремын луоз. Но Иегова ваньзэ сётэ, ми котьмае чиданы мед быгатомы шуыса (Псалтирь 138:23, 24). Инмармы кылзэ сётэ юнматыны милемыз но юрттыны милемлы, мылкыдмы мед луоз шуыса оскымон кыльыны но солы ужаны-тыршыны. (Лыдӟе Филиппыослы 2:13.)

 МУРГЕС ЭСКЕРЕ

4. Матысь Эшеныды вераськемысь эн дугдэ

Вӧсяськыса но Библиез дышетыса, тӥ Иеговалы матэ кариськиды ини. Нош кызьы вӧсяськон но Библиез дышетон юрттоз тӥледлы азьланяз но Иеговаен кусыпъёстэс юнматыны?

Лыдӟе Псалтирез 61:9 но та юанлы валэктон сётэ:

• Кызьы тӥ вӧсяськонъёстэс умоятыны быгатоды, Иеговаен кусыпъёсты эшшо но мед юнмалозы шуыса?

Лыдӟе Псалтирез 118:97 но та юанлы валэктон сётэ:

• Мар тӥ карыны быгатӥськоды, Библиез лыдӟон тӥледлы тросгес пайда мед ваёз но Иеговаен кусыпъёстэс мед юнматоз шуыса?

Учке ВИДЕОРОЛИКЕЗ но тодэ, мар карыны луоз, ас поннамы Библиез эскерон тросгес пайда мед ваёз шуыса. Собере юанъёслы валэктонъёс сётэ.

• Кыӵе визь-кенеш тӥ шедьтӥды асьтэлы та видеороликысь?

• Мае тӥляд мургес эскеремды потэ?

 ТОДЭ ВАЁН

Азьланяз но Иеговаен кусыпъёстэс юнматэ но малпалэ, мар тӥ карыны быгатоды, тросгес ужан-тыршон понна. Соку тӥ пумтэм вапумъёс ӵоже шумпотыса улыны быгатоды!

Мае тон тодӥд?

• Мар оскытэ тӥледыз, Иегова тӥледлы оскымон кыльыны юрттоз шуыса?

• Кызьы тӥ Иеговаен кусыпъёстэс юнматыны быгатоды?

• Тӥ малпады ке, мар тӥ карыны быгатоды, тросгес ужан-тыршон понна, кызьы со юрттоз тӥледлы азьланяз но Иеговаен кусыпъёстэс юнматыны?