OCIPAMA 60
Amamako Oku Pamisa Ukamba Wove la Yehova
Pocakati celilongiso lilo Liembimbiliya, wa lilongisa ovina vimue viatiamẽla ku Yehova. Ovina wa lilongisa, via ku vetiya oku u sola calua, citava okuti wa litumbika kokuaye loku papatisiwa. Nda kua ci lingile handi, citava okuti o kasi oku sokolola oku ci linga ndopo. Pole, noke liepapatiso liove, ku ka liwekepo oku pamisa ukamba wove la Yehova. O pondola oku amamako oku pamisa ukamba wove la Yehova otembo ka yi pui. Ndamupi?
1. Momo lie o sukilila oku amamako oku pamisa ukamba wove la Yehova?
Tu sukila oku likolisilako oku amamako oku pamisa ukamba wetu la Yehova. Momo lie? “Oco okuti, lalimue eteke tu yapuisiwa” kokuaye. (Va Heveru 2:1) Nye ci tu kuatisa oku amamako oku vumba Yehova lekolelo? Tu sukila oku tiamisila utima kupange woku kunda loku sanda olonjila vikuavo vioku vumba Suku. (Tanga Va Filipoi 3:16.) Oku vumba Yehova, oyo onjila ya velapo komuenyo!—Olosamo 84:10.
2. Nye vali o sukila oku amamako oku linga?
Ndaño okuti elilongiso lilo Liembimbiliya cilo li kasi oku sulila, omuenyo wove woku kala Ukristão, wamamako. Embimbiliya li popia okuti tu sukila oku ‘wala omunu wokaliye.’ (Va Efeso 4:23, 24) Osimbu wamamako oku lilongisa Ondaka ya Suku loku endaenda kolohongele viekongelo, o ka lilongisa ovina vikuavo viatiamẽla ku Yehova kuenda kovituwa viaye. Sanda olonjila vioku setukula unu waye komuenyo wove. Amamako oku linga apongoloko osi a sukiliwa oco o sanjuise Yehova.
3. Yehova o ka ku kuatisa ndati oku pamisa ukamba wove laye?
Embimbiliya liti: “Suku . . . o ka tẽlisa epindiso liene. Eye o vu kanguisi, haeye o vu pamisi loku vu talamisi ngõ.” (1 Petulu 5:10) Vosi yetu tu ka setekiwa oku linga ovina ka via sungulukile. Pole, Yehova o ka tu ĩha ovina vi ka tu kuatisa oku tamalãla kokuavio. (Olosamo 139:23, 24) Eye wa likuminya oku eca kokuove onjongole kuenda unene woku u vumba lekolelo.—Tanga Va Filipoi 2:13.
LILONGISA ONDONGOSI
Kũlĩhĩsa ndomo wamamako oku pamisa ukamba wove la Yehova kuenda ndomo Yehova a ka ku sumũlũisa.
4. Amamako oku vangula loku yevelela Ekamba liove lia velapo
Oku likutilila loku tanga Embimbiliya ci ku kuatisa oku kala ekamba lia Yehova. Ovina viaco vi ku kuatisa ndati oku pamisa ukamba wove laye?
Tanga Olosamo 62:8, noke konomuisa epulilo li kuãimo:
-
Oco o pamise ukamba wove la Yehova, o mioñolola ndati olohutililo viove?
Tanga Olosamo 1:2, noke konomuisa apulilo a kuãimo:
-
Oco o pamise ukamba wove la Yehova, o mioñolola ndati oku tanga kuove Embimbiliya?
Nye o sukila oku linga oco o kuatisiwe calua lelilongiso liove liopokolika? Oco o kũlĩhe olonumbi vimue, tala OVIDEO, noke konomuisa apulilo a kuãimo.
-
Ndeci ca lekisiwa vovideo, olonumbi vipi o pondola oku kapako?
-
Olosapi vipi o yongola oku lilongisa?
5. Tumbika ovimãho kupange wa Yehova
Oku kuata ovimãho kupange wa Yehova, ci ka ku kuatisa oku amamako oku pamisa ukamba wove laye. Tala OVIDEO, noke konomuisa epulilo li kuãimo.
-
Ndomo ca lekisiwa vovideo, Cameron wa kuatisiwa ndati omo lioku li tumbikila ovimãho kupange wa Yehova?
Havosiko va pondola oku ilukila kofeka yikuavo oco va ka kundileko. Pole, vosi yetu citava okuti tu li tumbikila ovimãho tu pondola oku tẽlisa. Tanga Olosapo 21:5, noke kũlĩhĩsa ovimãho o yongola oku li tumbikila . . .
-
vekongelo.
-
kupange woku kunda.
Onumbi yi sangiwa vocinimbu tua tanga yi ku kuatisa ndati oku tẽlisa ovimãho viove?
Ovimãho vimue o pondola oku tẽlisa
-
Mioñolola onjila ndomo o linga olohutililo viove.
-
Tanga Embimbiliya liosi.
-
Kũlĩha vosi vekongelo o kasi.
-
Fetika kuenda longisa umue Embimbiliya.
-
Oku kala ukundi wa sokamo ale ukundi wotembo yosi.
-
Nda wumanji ulume, likolisilako oco o kale oñuatisi yekongelo.
6. Sanjukili omuenyo otembo ka yi pui!
Tanga Olosamo 22:26, noke konomuisa epulilo li kuãimo:
-
Nye o pondola oku linga oco o sanjukile omuenyo cilo kuenda otembo ka yi pui?
NYE WA LILONGISA?
Amamako oku pamisa ukamba wove la Yehova kuenda li tumbikila ovimãho kupange waye. Kuenje o ka sanjukila omuenyo otembo ka yi pui!
Oku Pitulula
-
Momo lie o sukilila oku kolela okuti Yehova o ka ku kuatisa oku u vumba lekolelo?
-
O pondola oku pamisa ndati ukamba wove la Yehova?
-
Oku li tumbikila ovimãho kupange wa Yehova ci ku kuatisa ndati oku pamisa ukamba wove laye?
OCO O KŨLĨHE OVINA VIKUAVO
Nye Yehova a velisapo vali, oku kũlĩha okuti eteke limue tua linga ocina cimue ci komõhisa, ale oku u kolela vokuenda kuomuenyo wetu wosi?
Ndaño muẽle ufendeli umue ukuekolelo wa Yehova o pondola oku pumba esanju. Limbuka ndomo li tumbuluiwa vali.
Tumbulula Esanju Liove Poku Lilongisa Loku Sokolola Eci wa Tanga (5:25)
O li tumbikila ndati ovimãho kupange wa Yehova loku vi tẽlisa?
Momo lie oku kala Ukristão wa loñoloha ci kuetele esilivilo kuenda o ci linga ndati?
“Likolisilako Oku Kula Kespiritu Momo ‘Eteke Linene Lia Yehova li Kasi Ocipepi’” (Utala Wondavululi 15 wa Kupemba 2009)
Ove o ka ci Sola
APULILO A SIATA
Elilongiso Liembimbiliya li Lingiwa Lolombangi Via Yehova li Lomboloka Nye?
Lekuatiso lielilongiso li lingiwa ocali Lolombangi Via Yehova, o pondola oku kuama Lembimbiliya liosi o yongola. Lianja poku laleka epata liove liosi ale akamba vove, oco vu lilongisili kumosi.
