Mpuwa mwa yoosoma ela nyuwo moxuttera itthu sintxipale woohima sa Yehova. Itthu sootheene nyuwo muxuttenraanyu soohatxerera omusivela wanyu Muluku. Moovaherera ekumi anyu wa Yehova ni moobatiziwa. Wakhala weera nyuwo khambatiziwe munnuupuwele opaka eyo moowaakuveya. Obatizo khoiyono okhwipi wa itthu sootheene. Nyuwo onntthuneya ovirelela olipiha onthamwenaanyu ni Yehova mahuku ootheene. Moota heeni?

1. Mwaha wa heeni oraaya wootthuneya ovirelela olipiha onthamwene anyu ni Yehova?

Nintthuneya ovirelela olipiha onthamwene ahu ni Yehova. Mwaha wa heeni? “Mwaha woweera nintthuneya wi nikhapelele orattene ele niwalaahu”, naari neere, weera nihihiye onvarela muteko. (Aheberi 2:1) Etthu heeni enkela onikhavihera onvarela muteko Yehova moororomeleya? Ontthuneya wiilipihera ovara muteko wolalera ni waasasera opaka ele ninweraahu mmutekoni mwa Yehova. (Mmusome Afilipi 3:16.) Onvarela muteko Yehova eri etthu yootepa otthuneya mweekumini mwaahu!—Nsalmu 84:10.

2. Etthu heeni nyuwo muneeraanyu nvireleleke opaka?

Nnamweera yoosoma ela ephiñyene okhwipi, ekumi anyu ntoko Namoona a Yehova enimweera opatxera. Biblya oneera, ontthuneya ‘owara omutthu wanaanano’, naari neere, nintthuneya otakiha omutthu wa Yehova nipakaka ele ninweraahu. (Aefeso 4:23, 24) Weera eyo yeereye, nintthuneya ovirelela omusoma Biblya ni woonela mithukumano sootheene. Wakhala weera nnovirelela osuwela itthu inyowaani ni mikhalelo sawe ni opaka matxentxo ootthuneya mweekumini mwaahu, nnoorowa omuhakalaliha Tiithiihu Yehova.

3. Yehova onkela onikhavihera hayi weera nivirelele okhala nthamwene awe?

Biblya oneera: “Vano Muluku . . . Onahala womalelihani nyuwo muhanwe vakhani, ani onahala wolipihani wovahani ikuru ni owemexani.” (1 Pedru 5:10) Atthu ootheene hiyo ninnaviriha weereriwa, mene Yehova onnanivaha ikuru weera nivirelele okhala oororomeleya. (Nsalmu 139:23, 24) Owo oororomeliha woovahani ntthuno weera nvirelele okhala ororomeleya.—Mmusome Afilipi 2:13.

 WEERA MUXUTTERE SINTXIPALE

4. Muhihiye otthekula ni nthamwenaanyu ootepaxa otthuneya

Ovekela ni omusoma Biblya, oohokhaviherani okhala nthamwene a Yehova. Mene-nto, moota heeni itthu iya sinkelaaya wookhaviherani omwaattamela Yehova?

Musome Nsalmu 62:8. Avinyaka mutthekule ni epontu enttharelana:

• Moota heeni muneeraaunyu mureherere mavekelo anyu weera mulipihe onthamwenaanyu ni Yehova?

Musome Nsalmu 1:2 ni enoota, avinyaka mutthekule ni epontu enttharelana:

• Moota heeni omusoma wanyu Biblya onkelaaya olipiha onthamwenaanyu ni Yehova?

Moota heeni yoosomaanyu ya Biblya enkelaaya okhala yooreera? Weera mukhaleno miruku mikina, moone EVIIDIYU. Avinyaka mutthekule ni ipontu sinttharelana.

• Miruku heeni moonnanyu nviidiyuni muntthunaanyu ovarela muteko?

• Itthu heeni nyuwo muntthunaanyu osoma?

 NYAHA SOOTTHUNEYA

Nvirelele olipiha onthamwene anyu ni Yehova ni okhalano soluluwanya. Mwapaka eyo munohakalala mahuku ootheene!

Wuuluula

• Mwaha wa heeni muntthuneyaanyu ororomela weera Yehova onimookhaviherani, onvarela muteko mahuku otheene moohakalala?

• Munaalipihe moota heeni onthamwenaanyu ni Yehova?

• Mwaha wa heeni muntthuneyaanyu okhalano sooluluwanya soomunepani ni olipiha onthamwenaanyu ni Yehova?