YOOSOMA 60

Muhihiye Olipiha Ompatthani Anyu ni Yehova

MURUMIHE

Kursu ola a Biibiliya, muhiixutta itthu sinceene voohimya sa Yehova. Nto itthu sootheene mwiixuntte anyu sihookhaliheryani wuncererya omphenta wanyu Yehova. Woonasa wene nyuwo muhiivahererya wa Yehova ni moopatisiwa. Akhala wira nlelo khampatisiwe pooti wira munnuupuwela opatisiwa moohipisa. Nuumala opatisiwa muhihiye omwaattamela Yehova ni mulipiheke waataana wanyu ni Yehova mahiku otheene. Munrowa owerya sai opaka eyo?

1. Xeeni vanireerela aya ohihiya olipiha ompatthani anyu ni Yehova?

Nihaana ohihiya olipiha ompatthani ahu ni Yehova. Mwaha wa xeeni? Wira “nihikhala-khale nihiyaka waamini”, eyo piiyo, nihihiye omukokhorela Yehova. (aHeeberi 2:1) Etthu xeeni enrowa onikhaliherya ohihiya omurumeela Yehova moororomeleya? Nihaana oluttuweliwa olaleerya ni waavya inamuna nikhanle ahu oowuncererya muteko nninvarela ahu Muluku. (Mmusome aFilipi 3:16.) Omurumeela Yehova etthu yootepexa oloka nikhanle ahu oopaka!—Esalimo 84:11.

2. Muhaana ohihiya opaka exeeni?

Nnaamwi kursu anyu a Biibiliya omanle ene, omurumeela wanyu Yehova khomanle. Maana Biibiliya onihimya wira muhihiye ‘owara omutthu musya’, niire so, otakiha mikhalelo sa Yehova mpakha vaniwerya ahu. (aEefeso 4:23, 24) Munoowerya opaka eyo, muhihiyaka omusoma Biibiliya ni orowela mithukumano. Nto akhala wira munimuncererya osuwela wanyu mikhalelo sa Yehova ni opaka marukunuxo mookumini mwanyu, munoomuhakalaliha Tiithi anyu a wiirimu, Yehova.

3. Yehova onrowa wookhaliheryani sai ohihiya olipiha ompatthani anyu ni yena?

Biibiliya onihimya wira: “Muluku . . . onoomaliherya wiixutta wanyu. Owo onimoolipihani, onimoovahani ikuru, ni onooweemexani”. (1 Pedru 5:10) Otheene ahu nnimweehereriwaka. Masi Yehova onoonikhaliherya wira nihihiye ororomeleya wa yena. (Esalimo 139:23, 24) Maana ooleiherya woovahani ophavela ni owerya wa omurumeela moororomeleya.—Mmusome aFilipi 2:13.

MWIIXUTTE ITTHU SIKINA

Nwehe etthu enrowa wookhaliheryani ohihiya olipiha ompatthani anyu ni Yehova ni moota Yehova onrowa awe wooreelihani.

4. Muhihiye ovaanela ni Mpatthani anyu muulupalexa

Ovekela ni omusoma Biibiliya, ohookhaliheryani okhala mpatthani a Yehova. Masi ovekela ni omusoma Biibiliya onrowa wookhaliheryani sai ohihiya olipiha waataana wanyu ni Yehova?

Musome Esalimo 62:9, nuumala-vo mwaakhule nikoho ninttharelana:

Olokiherya enamuna munivekela anyu onrowa wookhaliheryani sai olipiha waataana wanyu ni Yehova?

Musome Esalimo 1:2, nuumala-vo mwaakhule nikoho ninttharelana:

Omusoma Biibiliya khula nihiku, onrowa wookhaliheryani sai olipiha waataana wanyu ni Yehova?

Munrowa owerya sai wiiriha yoosoma anyu ya Biibiliya okhala yoohakalaliha? Wira nwehe malakiheryo anrowa wookhaliheryani, nwehe EVIIDIYU, nuumala-vo mwaakhule makoho.

EVIIDIYU: Mwiiriheke Yoosoma Anyu ya Biibiliya Okhala Yoovara Murima (5:22)

Malakiheryo xeeni nwenha anyu nviidiyuni mwaaphavela anyu orumeela?
Myaha xeeni nyuwo mwaphavela anyu osoma?

5. Muncererye muteko muninvarela anyu Yehova

Wuncererya muteko muninvarela anyu Yehova, onimookhaliheryani olipiha waataana wanyu ni Yehova. Nwehe EVIIDIYU, nuumala-vo mwaakhule nikoho.

EVIIDIYU: Okumi Woohakalaliha (3:31)

Xeeni vaari aya vooloka Cameron ophavela wuncererya muteko anvarela awe Muluku?

Khahiyo wira atthu otheene anoowerya othaamela elapo ekina wira yakhaliherye muteko woolaleerya. Masi otheene ahu nnoowerya wuncererya muteko nninvarela ahu Muluku. Musome Miruku 21:5, nuumala-vo nwehe moota mukhanle anyu oowuncererya muteko muninvarela anyu Muluku . . .

mmulokoni.
muteko woolaleerya.

Yoolepa ela enrowa wookhaliheryani sai ophwanya soolukama sanyu?

Soolukama munireerela anyu okhalana

Olokiherya enamuna munivekela anyu.
Omusoma Biibiliya ootheene.
Waasuwela oratteene anna ni arokora a mmulokoni.
Okhalana yoosoma ya Biibiliya.
Okhala pioneero ookhaliherya aahiiso pioneero ookilaatheya.
Akhala wira mwa munna, mwiimananiheke wira mukhale murumeyi ookhaliherya.

6. Muhakalaleke mahiku ootheene!

Musome Esalimo 22:27, nuumala-vo mwaakhule nikoho ninttharelana:

Muhaana opaka exeeni wira muhakalaleke niinaano-va ni mahiku otheene?

IPONTO SUULUPALE

Muhihiye olipiha waataana wanyu ni Yehova, ni ophavela wuncererya muteko muninvarela anyu. Mwiira siiso munoohakalalaka mahiku ootheene!

Wuuluula

Etthu xeeni enookupalihani wira Yehova onimookhaliheryani omurumeela moororomeleya?
Munrowa olipiha sai ompatthani anyu ni Yehova?
Wuncererya muteko muninvarela anyu Yehova onrowa olipiha sai ompatthani anyu ni yena?

Yoosoma ela kimanlinhe nihiku:

Mweererye Ela

Myeeri sinittharelana musome eliivuru Achegue-se a Jeová ni ‘Murwé Mukitthareke’. Iliivuru iya sinimookhaliheryani ohihiya olipiha ompatthani anyu ni Yehova ni Yesu Kristu.