LEKSYON 60
Padayon nga Mag-uswag
Hini nga pag-aram ha Biblia, damu an imo nahibaroan mahitungod kan Jehova. Tungod han imo mga nahibaroan, ginhigugma mo gud hiya ngan posible nga gindedikar mo na an imo kalugaringon ha iya ngan nagpabawtismo. Pero kon waray pa, bangin nahuhunahuna mo nga buhaton ito ha diri na maiha. Kondi an imo pag-uswag diri la tubtob ha pagpabawtismo. Puydi ka padayon nga magin mas duok kan Jehova ha waray kataposan. Paonan-o?
1. Kay ano nga kinahanglan padayon nga parig-unon mo an imo pakigsangkay kan Jehova?
Kinahanglan maningkamot kita nga padayon nga parig-unon an aton pakigsangkay kan Jehova. Kay ano? “Basi diri gud kita ig-anod pahirayo” ha iya. (Hebreo 2:1) Ano an makakabulig ha aton basi padayon nga mag-alagad hin matinumanon kan Jehova? Puydi kita magpabilin nga okupado ha pagsangyaw nga buruhaton ngan mamiling hin iba pa nga mga paagi basi bug-os nga mag-alagad ha aton Dios. (Basaha an Filipos 3:16.) An pag-alagad kan Jehova amo an pinakamaopay nga paagi han pagkinabuhi!—Salmo 84:10.
2. Ano pa an kinahanglan padayon mo nga buhaton?
Bisan kon matatapos na ini nga pag-aram ha Biblia, an imo pagkinabuhi sugad nga Kristiano magpapadayon. An Biblia nasiring nga kinahanglan naton “isul-ot an bag-o nga personalidad.” (Efeso 4:23, 24) Samtang padayon nga nag-aaram ka han Pulong han Dios ngan naatender ha mga katirok han kongregasyon, may bag-o ka nga mahibabaroan mahitungod kan Jehova ngan ha iya mga kalidad. Pamiling hin mga paagi basi masubad mo hin mas maopay an iya personalidad. Padayon nga himoa an bisan ano nga ginkikinahanglan nga pagbag-o basi mapalipay hi Jehova.
3. Paonan-o ka bubuligan ni Jehova nga mag-uswag?
An Biblia nasiring: “An Dios . . . mismo an magtatapos han iyo pagbansay. Paparig-unon kamo niya, pakukusgon kamo niya, ibubutang kamo niya ha marig-on nga pundasyon.” (1 Pedro 5:10) Kita ngatanan maatubang hin mga pagsulay. Pero ginhahatag ni Jehova an aton ginkikinahanglan basi maatohan ito. (Salmo 139:23, 24) Nagsasaad hiya nga tatagan ka niya han hingyap ngan han gahum basi mag-alagad ha iya hin matinumanon.—Basaha an Filipos 2:13.
DUGANG NGA USISAHA
Usisaha kon paonan-o ka padayon nga mag-uuswag ngan kon paonan-o ka bibendisyonan ni Jehova.
4. Padayon nga makigkomunikar ha imo pinakamaopay nga Sangkay
An pag-ampo ngan pag-aram ha Biblia nakabulig ha imo nga magin sangkay ni Jehova. Paonan-o ito nga mga buruhaton mabulig ha imo nga magin mas duok pa ha iya?
Basaha an Salmo 62:8, katapos, hisguti niyo ini nga pakiana:
-
Basi maparig-on an imo pakigsangkay kan Jehova, paonan-o mo mapapauswag an kalidad han imo mga pag-ampo?
Basaha an Salmo 1:2 ngan footnote, katapos, hisguti niyo ini nga pakiana:
-
Basi maparig-on an imo pakigsangkay kan Jehova, paonan-o mo mapapauswag an imo pagbasa ha Biblia?
Paonan-o magigin mas mapulsanon an imo personal nga pag-aram? Basi makita an pipira nga paagi, i-play an VIDEO, katapos, hisguti niyo an masunod nga mga pakiana.
-
Hain ha mga suhestyon nga nakita mo ha video an puydi mo iaplikar?
-
Ano nga mga topiko an karuyag mo pag-adman?
5. Paghimo hin espirituwal nga mga tumong
An pagkaada mga tumong ha pag-alagad kan Jehova mabulig ha imo nga padayon nga mag-uswag. I-play an VIDEO, katapos, hisguti niyo an masunod nga pakiana.
-
Ha video, paonan-o nagpahimulos hi Cameron han pagkaada espirituwal nga mga tumong?
Diri ngatanan puydi bumalhin ha iba nga nasud basi magsangyaw. Pero kita ngatanan makakahimo hin makatadunganon nga mga tumong. Basaha an Proberbios 21:5, katapos, hunahunaa kon ano nga mga tumong an karuyag mo himoon . . .
-
ha kongregasyon.
-
ha ministeryo.
Paonan-o an prinsipyo ha teksto mabulig ha imo nga maabot an imo mga tumong?
Mga tumong nga puydi mo abuton
-
Pauswaga an kalidad han imo mga pag-ampo.
-
Basaha an bug-os nga Biblia.
-
Kilalaha an ngatanan ha iyo kongregasyon.
-
Pagtikang ngan pagdumara hin pag-aram ha Biblia.
-
Pag-alagad sugad nga auxiliary payunir o regular payunir.
-
Kon usa ka nga brother, talinguhaa nga magin ministeryal nga surugoon.
6. Mabuhi hin malipayon ha waray kataposan!
Basaha an Salmo 22:26, katapos, hisguti niyo ini nga pakiana:
-
Ano an puydi mo buhaton basi mabuhi hin malipayon yana ngan ha waray kataposan?
SUMARYO
Padayon nga parig-ona an imo pakigsangkay kan Jehova ngan paghimo hin espirituwal nga mga tumong. Kon bubuhaton mo ito, puydi ka mabuhi hin malipayon yana ngan ha waray kataposan!
Repaso
-
Kay ano nga makakasarig ka nga bubuligan ka ni Jehova basi mag-alagad ha iya hin matinumanon?
-
Paonan-o mo mapaparig-on an imo pakigsangkay kan Jehova?
-
Paonan-o an pagkaada espirituwal nga mga tumong makakabulig ha imo nga mag-uswag?
DUGANG NGA IMPORMASYON
Ano an mas ginpapabilhan ni Jehova, an usa nga makatirigamnan nga pagpakita hin debosyon o an bug-os-kinabuhi nga pagin matinumanon ha iya?
Bisan an matinumanon nga surugoon ni Jehova puydi mawad-an hin kalipay. Kitaa kon paonan-o ito maibabalik.
Ibalik an Kalipay Pinaagi ha Pag-aram Ngan Pagpamalandong (5:25)
Paonan-o ka maghihimo hin espirituwal nga mga tumong ngan paonan-o mo ito aabuton?
Kay ano nga importante an pagin hamtong nga Kristiano, ngan paonan-o ka magigin hamtong?
“Mag-uswag ha Pagkahamtong—‘An Daku nga Adlaw ni Jehova Hirani Na’” (An Barantayan, Mayo 15, 2009)
Bangin Maruyagan Mo Liwat
KOMON NGA MGA PAKIANA
Ano an Pag-aram ha Biblia nga Igintatanyag han mga Saksi ni Jehova?
Ha libre nga interactive nga programa nga igintatanyag han mga Saksi ni Jehova, puydi mo gamiton an bisan ano nga bersyon han Biblia. Ayaw pag-alang nga paupdon an imo bug-os nga pamilya o an imo kasangkayan.
