LESON 60
Mifen̈a Fo Hankatsara Fihavan̈anao amy Jehovah
Ten̈a maro raha nianaranao tamy Baiboly zay momba Jehovah. Nahavy anao loso ten̈a tia izy raha jiaby nianaranao in̈y, ke nanjary nanokanten̈a taminany ndreky natao batisa anao. Ndray anao iziô mbala tsy nanokanten̈a, mety efa tsy ho ela raha zen̈y. Tsy firaka amy batisa io fo fandrosoan̈a tokony hataonao. Anao tokony ho tsara fihavan̈ana amy Jehovah fo mandrakizay. Akory han̈anovan̈a zen̈y?
1. Nan̈ino atsika mila mifen̈y fo hankatsara fihavan̈antsika amy Jehovah?
Mila mifen̈y fo atsika hankatsara fihavan̈antsika amy Jehovah. Fotony nan̈ino? “Tsao atsika ho voatariky hiala aminany [amy Jehovah].” (Hebreo 2:1) Ino raha han̈ampy atsika hahavita hanompo Jehovah fo ke tsy hivadiky aminany? Atsika tokony hazoto manompo, baka io hifen̈y hitady fomba hankatsarantsika fanompoan̈a Zan̈ahary. (Vakia Filipianina 3:16.) Fanompoan̈a Jehovah io raha ten̈a tsara atao amy fiain̈ana!—Salamo 84:10.
2. Ino koa raha mbala tokony hitohizanao fo?
Ndray tapitry fianaranaro boky ty, fiain̈ana amy maha Kristianin̈y anao mitohy fo. Baiboly mivolan̈a fa atsika tokony “hisikiny toetry vaovao.” (Efesianina 4:23, 24) Anao koa manohy fianaranao Baiboly fo ndreky man̈aton̈o fivorian̈a fo, mbala ho maro raha ho hainao momba Jehovah ndreky toetrinany. Mizahava fomba han̈arehan̈a toetrinany amy fiain̈ananao. Izikoa mbala misy raha tokony hivoanao, mifen̈a fo man̈ova, baka hamparavoravo Jehovah.
3. Akory han̈ampiany Jehovah anao handroso?
Baiboly mivolan̈a: ‘Zan̈ahary hankefa fampiofan̈ana anaro. Hataony raha tsy hampiovaova anaro. Izy hampatanjaka anaro ndreky hampiorin̈y tsarabe anaro.’ (1 Petera 5:10) Atsika jiaby io tsy maintsy miatriky fakampan̈ahy. Fa Jehovah man̈amia atsika raha ilain̈y baka hahavitantsika hanohitry izio. (Salamo 139:23, 24) Izy mampan̈anten̈a fa han̈amia anao fan̈irian̈a ndreky angovo hahavitanao hanompo izy ndreky tsy hivadiky aminany.—Filipianina 2:13.
ALEVA ONON̈O
Diniha ino aby fandrosoan̈a mety hataonao, avio ino hatsaran̈a hamiany Jehovah anao.
4. Aza voly mivavaka amy Jehovah, Kamaradinao farany tsara io
Vavaka ndreky fianaran̈a Baiboly nan̈ampy anao hanjary kamaradiny Jehovah. Nan̈ino ma raha zen̈y han̈ampy anao hahaiharikitry Jehovah fo?
Vakia Salamo 62:8, avio iaraha dinihin̈y fan̈ontanian̈a ty:
-
Koa tianao hankafatatra fikamaradiananao amy Jehovah, akory hataonao hankatsara vavaka ataonao aminany?
Vakia Salamo 1:2, avio iaraha dinihin̈y fan̈ontanian̈a ty:
-
Izikoa tianao hankafatatra fikamaradiananao amy Jehovah, karakory hataonao hankatsara famakianao Baiboly?
Akory hahavy fianaran̈a manokan̈a ataonao hahomby tsarabe? Izikoa tianao hahita raha mety hataonao, alifasa VIDEO io, avio iaraha dinihin̈y fan̈ontanian̈a aby io.
-
Ino amindro torohevitry nikoran̈iny video in̈y mba tianao harehan̈a?
-
Ino aby fotokevitry tianao hianaran̈a?
5. Manàn̈a tanjon̈o amy fanompoan̈a Jehovah
Han̈ampy anao handroso fanan̈ana tanjon̈o amy fanompoan̈a. Alifasa VIDEO io, avio iaraha dinihin̈y fan̈ontanian̈a ambany io.
-
Tamy video in̈y, ino hatsaran̈a nazony Cameron, izy koa fa nanakatra tanjon̈o tamy fanompoan̈anany?
Tsy olo jiaby afaka mifindra antany hafa, hitory an̈y. Fa mbala misy tanjon̈o fo mety takarinolo jiaby. Vakia Ohabolana 21:5, avio diniha ino amindro tanjon̈o aby io mba tianao takarin̈y...
-
amy fiangonan̈a?
-
amy fanompoan̈a amy saha?
Nan̈ino ma man̈ampy anao hanakatra tanjon̈onao andininy io?
Tanjon̈o azo dinihin̈y
-
Mankatsara vavaka.
-
Mamaky Baiboly rango amy voanalohany firaka amy farany.
-
Mifen̈y hahay olo tsiaraikiaraiky amy fiangonan̈a.
-
Manomboko ndreky mitariky fampianaran̈a Baiboly.
-
Man̈ano pisava lalan̈a pan̈ampy na pisava lalan̈a maharitry.
-
Anao koa rahalahy, mifen̈y baka hanjary pikarakara fiangonan̈a.
6. Mankafiza fiain̈ana tsisy farany!
Vakia Salamo 22:26, avio iaraha dinihin̈y fan̈ontanian̈a ty:
-
Ino raha tokony hataonao baka anao hahavita mankafy fiain̈ana tsisy farany?
INO RAHA NIANARANAO TATO?
Aza voly mankafatatra fikamaradiananao amy Jehovah. Manàn̈a tanjon̈o arapan̈ahy. Anao koa man̈ano zen̈y, anao mankafy fiain̈ana tsisy farany!
Fan̈ontanian̈a Fameren̈ana
-
Nan̈ino anao matoky fa Jehovah han̈ampy anao hanompo izy ndreky tsy hivadiky aminany?
-
Akory mety hankafataranao fikamaradiananao amy Jehovah?
-
Nan̈ino ma fanan̈ana tanjon̈o arapan̈ahy man̈ampy anao hifandray tsara amy Jehovah?
ZAHAVA
Ino raha ten̈a valera amy Jehovah, atsika man̈ano raha miavaka indraiky fo amy fanompoan̈a izy sa atsika tsy mivadiky isanandra aminany?
Mety ho kivy fo nata panompony Jehovah tsy mivadiky. Akory tokony hatao baka ho ravoravo ndraiky koa?
Ho Ravoravo Ndraiky anao Izikoa Mianatra Ndreky Misaintsain̈y (5:25)
Akory hanan̈anao tanjon̈o arapan̈ahy avio akory hanakaranao tanjon̈onao io?
“Manàn̈a Tanjon̈o Han̈amezan̈a Voninahitry Pamoron̈o” (Tilikambo Fiambesan̈a 15 Zie 2004)
Nan̈ino ma anao mila mifen̈y baka hanjary Kristianin̈y matotro, baka io akory mety han̈anovanao zen̈y?
“Mifen̈a Baka ho Matotro Fotony ‘Andrany Jehovah Efa Marikitry’” (Tilikambo Fiambesan̈a 15 May 2009)
Mety ho Tianao Koa
RAHA MATETIKY AN̈ONTANIANOLO
Karakory ma Atao Mianatra Baiboly Zen̈y?
Tsy man̈efa mianatra Baiboly amy Vavolombelon̈o Jehovah. Mety tahominao miaraka mianatra aminao koa havanao ndreky kamaradinao. Lera anao mianatra, anao afaka mampiasa zay fandikanteniny Baiboly tianao.
