ZƐŊ-LƐƐI 60

Kanaŋ Ilaoi-laai Su Kpanani A Ziova

ŊƆPÊLE KƐ

Ŋala-kɔlɔi maa-kɔriɛ gɔlɔi ŋi sarai, yaa mɛni tamaa maa-kɔri e pilaŋ Ziova ma. Mɛni-ŋai yaa maa-kɔrii aa gɛ yaa Ziova wɛli kpɔ a ŋanaa, nyii aa gɛ tãi ta yaa ikpiŋ tɛɛ bɔ, yaa batai kɛ. A kɛ ve ti, tãi ta ikaa ikili-ŋa siai a gɛɛ I gɛ ti tãi kpua yee mu. Kɛɛ ife pai kperai lɛɣɛi a Ziova I batai kɛɛ polu ma. Ya pɔri kɛi nii lɛɣɛi a Ziova wɔlɔ-wɔlɔ da wɔlɔ-wɔlɔ. A pere sii kɛɛ leŋ?

1. Le mɛni ɓe nɛlɛɛi la a gɛɛ I kanaŋ ilaoi-laai su kpanani a Ziova?

Maa nɛ̃ɛi ku tii kɛ a gbanaŋɔɔ a gɛɛ ku kanaŋ kulaoi-laai su kpanani a Ziova. Le mɛni ma? A gɛɛ kufe ‘foloŋ ma’ kpaa ku kula Ziova polu. (Ibulu 2:1) Le ɓa pɔri kpɔnii kua a gɛɛ ku kanaŋ Ziova fɛlii a tɔ̃ya pere? Maa nɛ̃ɛi ku ŋala-woo-ɓo tii kɛ a gbanaŋɔɔ, ku pere sii takpɛni-ŋa kɔri a gɛɛ ku Ziova fɛli. (Felepiɛŋ 3:16 lono.) Ziova fɛliɛ ɓa gɛ-ɣeniɛ lɛlɛɛi nyii kwa pɔri wɔlɔ gɛi!—Ŋule-wooi 84:10.

2. Le ɓe ŋɔnɔ maa nɛ̃ɛi I kanaŋ gɛi?

Berei maŋ yaa pa kpɛɛi la gɔlɔi ŋi mai, ife pai kperai ikɛ-ɣeniɛi kɛi yɛɛ Korai-nuu. Ŋala-kɔlɔi e mo nyɛɛ maa nɛ̃ɛi ku “dua-pere ninai siɣe.” (Ifisiɛŋ 4:23, 24) Ya kanaŋ Ŋala-kɔlɔi maa-kɔrii ikɛ li goyaŋ-ŋai su, ya pai mɛni nina-ŋa maa-kɔrii e pilaŋ Ziova ma da ŋɔtua-pere lɛlɛɛ-ŋai. Pere sii takpɛni-ŋa kɔri a gɛɛ I ŋɔtua-pere lɛlɛɛ-ŋai pɔɔ kɔɔŋ ikɛ-ɣeniɛi su. Kanaŋ mɛni maa faleŋɔɔ-ŋa kɛi a gɛɛ I Ziova lii laa.

3. Ziova a pai kpɔnii leŋ ya a gɛɛ I imaa tɛ dɔ̃yai su?

Ŋala-kɔlɔi e mo nyɛɛi: “Ɣala . . . nyaa kpiŋ a pai kamaa waai, e katɔɔi kpanaŋ, e kakponoi kpanaŋ.” (1 Pitɛ 5:10) Sukɔɔŋ a pa ku kelee kupɔ. Kɛɛ Ziova a kpɔŋ maa tɛɛ kupɔ a gɛɛ ku tɔɔ a gbanaŋɔɔ. (Ŋule-wooi 139:23, 24) Aa gono tee a gɛɛ a pai ikponoi kpanani a gɛɛ I nĩa-mɛni kɛ, I vɛli.—Felepiɛŋ 2:13 lono.

MƐNI TAMAA MAA-KƆRI

Berei kaa ya pɔri kanani la imaa tɛi dɔ̃yai su da berei Ziova a pai luwa laai la yai.

4. Kanaŋ lonoi Ilaoi lɛlɛɛi pɔ

Ɣala-fɛliɛ da Ŋala-kɔlɔi maa-kɔriɛ aa kpɔŋ ya a gɛɛ ikɛ a Ziova naoi. Mɛni-ŋai ŋi kɛɛ a kpɔŋ leŋ ya a gɛɛ I lɛɣɛ a nyaa?

Ŋule-wooi 62:8 lono, gɛ ni ka lono e pilaŋ mare-kɛɛ ŋi ma:

A gɛɛ I ilaoi-laai su kpanaŋ a Ziova, ya pɔri iɣala-fɛli perei maa tɛi leŋ a nɛlɛɛ?

Ŋule-wooi 1:2 (NWT) da fonoi lono, gɛ ni ka lono e pilaŋ mare-kɛɛ ŋi ma:

A gɛɛ I ilaoi-laai su kpanaŋ a Ziova, le ɓe ya pɔri gɛi a gɛɛ I imaa tɛ Iɣala-kɔlɔ lonoɔi su?

Le ɓe ya pɔri gɛi a gɛɛ I mɛni tamaa maa-kɔri iɣala-kɔlɔ maa-kɔriɛ su? A gɛɛ I gɛ pere taŋa kɔlɔŋ, VILOI su kaa, gɛ ni ka lono e pilaŋ mare-kɛɛ-ŋai ŋi dia.

VILOI: Iɣala-kɔlɔ Maa-kɔri Perei Maa Tɛ (5:22)

Nia-woo-ŋai viloi sui, nenɛ ɓe ya ŋwɛlii I tii kɛ la?
Mɛni-ŋuŋ-ŋa kɛɛ leŋ ɓe ya pai ŋwɛlii I maa-kɔri?

5. Mɛni-kpɛtɛɛ-ŋa kɛ Iɣala-fɛli perei su

Mɛni-kpɛtɛɛ-ŋa kɛɛ Ziova fɛliɛ su a pai kpɔnii ya a gɛɛ I kanaŋ imaa tɛi dɔ̃yai su. VILOI su kaa, gɛ ni ka lono e pilaŋ mare-kɛɛ ŋi ma.

VILOI: Gɛ-ɣeniɛ Lɛlɛɛi Ŋa Ta Wɔlɔ Gɛi (3:31)

Viloi su, le mɛni lɛlɛɛ-ŋa ɓe Cameron e zɔlɔ ɓo a mɛni-kpɛtɛɛ-ŋa kɛɛ dɔ̃yai su?

Nuu kelee fa pɔri lii lɔii-ŋuŋ takpɛni su ɣala-woo ɓo mɛni ma. Kɛɛ, ku kelee kwa pɔri mɛni-kpɛtɛɛ-ŋa kɛi nyii kwa pɔri ŋaa-see kɛi. Tare-woo-ŋa 21:5 lono, gɛ ni ka lono e pilaŋ mɛni-kpɛtɛɛ-ŋai dia ya pai ŋwɛlii I gɛ . . .