LIJIGANYO 60
Apitilisye Kuŵa Paunasi Wakulimba ni Yehofa
Pakwikanaga apano, alijiganyisye yindu yejinji yakwamba Yehofa m’bukuji. Yindu yalijiganyisyeyi yakamuchisye kuti amnonyeleje mnope jwalakwe. Kombolekasoni kuti ŵalipeleche kwa jwalakwe soni ŵabatisidwe. Naga nganaŵe kubatisidwa, mwine akuganisya yakuti atende yeleyi pamkaŵapa. Nambotu pachabatisidwepo, akusosekwa kupitilisya kuŵa paunasi wakulimba ni Yehofa. Ana mpaka yikomboleche mwamtuli kuŵa paunasi wakulimba ni Yehofa mpaka kalakala?
1. Ligongo chichi akusosekwa kupitilisya kuŵa paunasi wakulimba ni Yehofa?
Tukusasosekwa kulimbichila kuti tupitilisye kulimbisya unasi wetu ni Yehofa. Ligongo chichi? “Kuti tukajigalika mwapanandipanandi ni kuleka yatukusakulupilila.” (Ahebeli 2:1, NWT) Ana ni chichi champaka chitukamuchisye kuti tupitilisye kumtumichila Yehofa mwakulupichika? Tukamuleje masengo gakulalichila soni tupateje matala gane gakuti tutendeje yejinji patukumtumichila Yehofa. (Aŵalanje Afilipi 3:16.) Kumtumichila Yehofa chili chindu chakusosekwa mnope paumi wetu.—Salimo 84:10.
2. Ana ni yindu yine yapi yakusosekwa kupitilisya kutenda?
Atamose kuti kulijiganya Baibulo kwawo kupitila m’bukuji chikumalile mu lijiganyoli, nambope yachatendeje mpela Mklistu ngayimala. Ni ligongo lyakwe Baibulo jikusatusalila kuti tukusosekwa “kuwala umundu [ndamo] wasambano.” (Aefeso 4:23, 24) Pakupitilisya kulijiganya Maloŵe ga Mlungu soni kusimanikwaga pa misongano ja mpingo, chachilijiganya yindu yasambano yakwamba Yehofa soni ndamo syakwe. Myoyo akusosekwa kulola yampaka atende kuti asyasyeje ndamo syakwe. Soni naga pana pakusosekwa kuchenga, akusosekwa kutenda yeleyo kuti Yehofa aŵeje jwakusangalala.
3. Ana Yehofa mpaka ŵakamuchisye mwamtuli kuti aŵe najo paunasi wakulimba?
Baibulo jikusati: “Mlungu . . . tachimlinganya [“kumjiganya,” NWT] soni ni kumtamika pa yilimbilimbi yakulimbangana.” (1 Petulo 5:10) Wosopewe chitusimaneje ni yindu yakututendekasya kuti tusachilileje kutenda yakusakala. Nambope Yehofa chatukamuchisyeje kuti tuyikaneje yakusakalayo. (Salimo 139:23, 24) Jwalakwe akusatusalila kuti chatupeje machili soni mtima wakusachilila kumtumichila jwalakwe mwakulupichika.—Aŵalanje Afilipi 2:13, NWT.
KULIJIGANYA YEJINJI
Chitulijiganye yampaka tutende kuti tupitilisye kuŵa paunasi wakulimba ni Yehofa soni yachachitenda jwalakwe pakutupa majali.
4. Apitilisye kuŵechetana ni Yehofa
Kupopela soni kulijiganya Baibulo yakamuchisye kuti aŵe mjakwe jwa Yehofa. Ana yindu yeleyi mpaka yakamuchisye chamtuli kuti aŵe paunasi wambone ni jwalakwe?
Aŵalanje Salimo 62:8, kaneko akambilane chiwusyo achi:
-
Kuti alimbisye unasi wawo ni Yehofa, ana apopeleje mwamtuli kwa jwalakwe?
Aŵalanje Salimo 119:97, kaneko akambilane chiwusyo achi:
-
Kuti alimbisye unasi wawo ni Yehofa, ana mpaka atende yamtuli kuti kuŵalanga Baibulo kwakamuchisyeje?
Ana mpaka atende yamtuli kuti kuŵalanga soni kulijiganya Baibulo kwawo kuŵeje kwakamuchisya? Kuti alole yindu yine yampaka yakamuchisye, alolele FIDIYO, kaneko akambilane yiwusyo yakuyichisyayi.
-
Ana ni matala gapi gasasile mu fidiyoji gampaka agakamulichisye masengo?
-
Ana ni ngani syapi syampaka alijiganye?
5. Akoleje yakulinga yausimu
Kola yakulinga yakumtumichila Yehofa, kuchakamuchisya kuti apitilisye kuŵa paunasi wakulimba ni jwalakwe. Alolele FIDIYO, kaneko akambilane chiwusyo achi.
-
Mu fidiyoji, ana Kameloni jwapatile umbone wamtuli ligongo lyakola yakulinga yambone yakumtumichila Yehofa?
Ngaŵa kuti wosopewe mpaka tujawule yilambo yine kukulalichila. Nambope mpaka tukole yakulinga yampaka tuyikwanilisye. Aŵalanje Misyungu 21:5, kaneko aganichisye yakulinga yampaka akole . . .
-
mumpingo.
-
pamasengo gakulalichila.
Ana mfundo ja palilembali, mpaka jakamuchisye chamtuli kuti akwanilisye yakulinga yawo?
Yakulinga yakusosekwa kuyiganichisya
-
Apelecheje mapopelo gambone soni gekosechele chenene.
-
Kuŵalanga Baibulo josope.
-
Kumanyigana ni jwalijose mumpingo mwawo.
-
Kutenda yakuti akole lijiganyo lya Baibulo.
-
Kutumichila mpela mpayiniya jwakamuchisya kapena jwakutamilichika.
-
Naga ali m’bale, atende yakuti aŵe jwakutumichila jwakamuchisya.
6. Asangalaleje ni umi mpaka kalakala
Aŵalanje Salimo 22:26, kaneko akambilane chiwusyo achi:
-
Ana mpaka atende yamtuli kuti asangalaleje kutandila apano soni mpaka kalakala?
YALIJIGANYISYE
Apitilisye kulimbisya unasi wawo ni Yehofa soni akoleje yakulinga yausimu. Kutenda yeleyi kuchakamuchisya kuti asangalale ni umi mpaka kalakala.
Yiwusyo Yakuwilisya
-
Ligongo chichi ngakusosekwa kayichila kuti Yehofa chachakamuchisya kumtumichila mwakulupichika?
-
Ana mpaka atende yamtuli kuti alimbisye unasi wawo ni Yehofa?
-
Ana kola yakulinga yausimu mpaka kwakamuchisye chamtuli kuŵa paunasi wakulimba ni Yehofa?
YAKULINGA YINESONI
Ana ni chichi chachili chakusosekwa mnope kwa Yehofa, kulilosya kwandaŵi jimo kuti tuli ŵakupeleka kwa jwalakwe kapena kuŵa ŵakulupichika kwa jwalakwe kwa umi wetu wosope?
Jwakutumichila jwa Yehofa mpaka aŵe jwangasangalala. Ni alole yampaka yimkamuchisye kuti atandilesoni kusangalala.
Tutandilesoni Kusangalala Mwakulijiganya Soni Ganicisya Mwakusokoka Yatulijiganyisyeyo (5:25)
Ana mpaka atende yamtuli kuti akole yakulinga yausimu soni ayikwanilisye?
“Yakulinga Yausimu Mpaka Yakamuchisye Kumchimbichisya Mlungu” (Sanja ja Mlonda, Julayi 15, 2004)
Ligongo chichi akusosekwa kuŵa Mklistu jwakulimba mwausimu, soni ana mpaka yikomboleche uli?
You May Also Like
YIWUSYO YAKUSANONYELA ŴANDU KUWUSYA
Ana Ljiganyo lya Baibulo Lyakusatendesya Ŵamboni sya Yehofa Likusatendekwa Mwamtuli?
Muyakambilana ni Ŵamboniyi akwete ufulu ŵakamulichisya masengo Baibulo jawo. Yili yakomboleka kwaŵilanga achimjawo soni ŵamwiŵasa mwawo kuti atende nawo lijiganyoli.
