XOOK 60
Seguernak a biskaba yéetel Jéeoba
Teʼ libroaʼ tsʼoʼok a kanik yaʼab baʼaloʼob yoʼolal Jéeoba. Yoʼolal leloʼ tsʼoʼok a maas yaabiltik yéetel maʼ xaaneʼ tsʼoʼok a kʼubik a kuxtal tiʼ letiʼ yéetel a wokjaʼ. Pero wa maʼ okjaʼanakecheʼ maʼ xaaneʼ táan a tuklik a beetik. Le kéen okjaʼanak máakeʼ kʼaʼabéet u seguer u tsʼáaik ichil u kuxtal baʼax ku kanik, beyoʼ yaan u biskuba yéetel Jéeoba utiaʼal mantatsʼ. Koʼox ilik bix jeʼel u beetik máakeʼ.
1. ¿Baʼaxten maʼ unaj u xuʼulul k-bisikba yéetel Jéeobaiʼ?
Kʼaʼabéet k-beetik tuláakal le ku páajtal utiaʼal k-maas bisikba yéetel Jéeoba. ¿Baʼaxten? «Utiaʼal beyoʼ mix bikʼin ka náachkuntaʼakoʼon tiʼ le fejoʼ» (Hebreos 2:1). ¿Baʼax jeʼel u yáantkoʼon utiaʼal maʼ u xuʼulul k-meyajtik Jéeobaeʼ? Kʼaʼabéet k-tsʼáaik k-óol k-kaʼans le baʼax k-kanikoʼ yéetel k-ilik bix jeʼel k-maas meyajtik Jéeobaeʼ (xok Filipenses 3:16). ¡Jach táaj jatsʼuts u meyajtaʼal Jéeoba! (Salmo 84:10).
2. ¿Baʼax maʼ unaj u xuʼulul a beetkiʼ?
Kex táan u tsʼoʼokol a xokik le libroaʼ kʼaʼabéet u seguer a tsʼáaik ichil a kuxtal baʼax ka kanik. Le Bibliaoʼ ku yaʼalik: «Unaj a búukintikeʼex le túumben modos[oʼ]» (Efesios 4:23, 24). Wa ku seguer a xokik le Biblia yéetel a bin teʼ reuniónoʼoboʼ yaan a maas kaanbal tiʼ Jéeoba bey xan tiʼ u modosoʼob. Ilawil a weʼesik le jatsʼuts modos yaan tiʼ Jéeobaoʼ yéetel kiʼimakkúunt u yóol.
3. ¿Bix ken u yáantilech Jéeoba utiaʼal a beetik baʼax ka kanik?
Le Bibliaoʼ ku yaʼalik: «Dios [...] kun kaʼanskeʼex yéetel letiʼ kun beetik a noʼojaʼantaleʼex tubeel. Dioseʼ yaan u beetik a muʼukʼaʼantaleʼex, yaan u tsʼáaik a muukʼeʼex yéetel yaan u beetik a waʼataleʼex tubeel» (1 Pedro 5:10). Jéeobaeʼ mantatsʼ ken u tsʼáatoʼon u muukʼil utiaʼal maʼ k-lúubul tiʼ le pruebaʼob k-aktáantkoʼoboʼ (Salmo 139:23, 24). Tsʼoʼoleʼ yaan u tsʼáaiktoʼon u tsʼíibolalil yéetel u páajtalil utiaʼal maʼ u xuʼulul k-meyajtik (xok Filipenses 2:13).
UTIAʼAL A MAAS NAʼATIK
Ilawil bix jeʼel u seguer a tsʼáaik ichil a kuxtal baʼax ka kanikeʼ yéetel bix ken u bendecirtilech Jéeoba wa ka beetik beyoʼ.
4. Maʼ u xuʼulul a orar tiʼ Jéeoba
A orar yéetel a xokik le Bibliaoʼ tsʼoʼok u yáantkech a wil Jéeoba bey a amigoeʼ. Wa maʼ tu xuʼulul a beetik le baʼaloʼobaʼ, ¿jeʼel wa a maas biskaba yéetel Jéeobaeʼ?
Xokeʼex Salmo 62:8, kéen tsʼoʼokkeʼ ka tsikbaltikeʼex lelaʼ:
-
¿Baʼax jeʼel a beetik utiaʼal a maas maʼalobkíintik bix a orareʼ?
Xokeʼex Salmo 1:2, kéen tsʼoʼokkeʼ ka tsikbaltikeʼex lelaʼ:
-
Jeʼel u páajtal a maas biskaba yéetel Jéeoba wa ka maas maʼalobkíintik bix a xokik le Bibliaoʼ. Chéen baʼaleʼ, ¿bix jeʼel a beetkeʼ?
¿Baʼax jeʼel a beetik utiaʼal u maas maʼalobtal bix a xakʼalxookeʼ? Utiaʼal a wojéeltikeʼ chaʼanteʼex le VIDEOOʼ. Kéen tsʼoʼokkeʼ ka tsikbaltikeʼex lelaʼ:
-
¿Baʼax ta wilaj teʼ video jeʼel u yáantkech a maas maʼalobkíint bix a xakʼalxookeʼ?
-
¿Baʼax maas taak a xakʼalxoktik teʼ Bibliaoʼ?
5. Bix jeʼel a maas meyajtik Jéeobaeʼ
Wa ka tsʼáaik metas ichil a kuxtaleʼ yaan a maas biskaba yéetel Jéeoba. Chaʼanteʼex le VIDEOOʼ, kéen tsʼoʼokkeʼ ka tsikbaltikeʼex lelaʼ:
-
¿Bix tu yáantil Cameron le metas tu tsʼáaj ichil u kuxtaloʼ?
Maʼ tuláakal máak jeʼel u páajtal u bin táanxel luʼumil utiaʼal u kaʼansik baʼax ku yaʼalik le Bibliaoʼ, chéen baʼaleʼ tuláakloʼon jeʼel u páajtal k-tsʼáaik metas ichil k-kuxtaleʼ. Xokeʼex Proverbios 21:5, kéen tsʼoʼokkeʼ ka tsikbaltikeʼex bey baʼax jeʼel a beetik utiaʼal...
-
... a maas áantaj teʼ múuchʼuliloʼ.
-
... a maas maʼalobkíintik a kaʼansaj.
¿Bix jeʼel u yáantkech baʼax ku yaʼalik le teksto utiaʼal a béeykuntik a metasoʼ?
Metas jeʼel a tsʼáaik ichil a kuxtaleʼ
-
Maas maʼalobkíint bix a orar.
-
Xok tuláakal le Bibliaoʼ.
-
Kʼaj óolt tuláakal le sukuʼunoʼob teʼ múuchʼuliloʼ.
-
Káajs a tsʼáaik xook tiʼ wa máax yéetel le Bibliaoʼ.
-
Beet a precursor auxiliar wa regularil.
-
Meyajnen utiaʼal a beetik a siervo ministerialil.
6. ¡Disfrutart le kuxtal mantatsʼoʼ!
Xokeʼex Salmo 22:26, kéen tsʼoʼokkeʼ ka tsikbaltikeʼex lelaʼ:
-
¿Baʼax jeʼel a beetik utiaʼal a disfrutartik a kuxtal teʼ kʼiinoʼobaʼ bey xan teʼ kʼiinoʼob ku taaloʼoboʼ?
BAʼAX TSOʼOLI
Ilawil maʼ u xuʼulul a biskaba yéetel Jéeoba yéetel tsʼáa metas ichil a kuxtal. ¡Beyoʼ yaan a disfrutartik le kuxtal utiaʼal mantatsʼoʼ!
Baʼax ta kanaj
-
¿Baʼax eʼesiktech Jéeobaeʼ jach tu jaajil yaan u yáantkech utiaʼal maʼ u xuʼulul a meyajtik?
-
¿Baʼax jeʼel a beetik utiaʼal a maas biskaba yéetel Jéeobaeʼ?
-
¿Bix jeʼel u yáantkech a tsʼáaik metas ichil a kuxtaleʼ?
KAN U MAASIL
Baʼax maas maʼalob u yilik Jéeoba, ¿a weʼesik a fe chéen junsúutuk wa u chúukpajal a wóol tiʼ letiʼ mantatsʼ?
Kex úuch joʼopʼok u meyajtik máak Jéeobaeʼ jeʼel u xuʼulul u kiʼimaktal u yóoleʼ. Ilawil baʼax jeʼel a beetik wa ku yúuchultech beyoʼ.
¿Bix jeʼel k-tsʼáaik jujunpʼéel metas ichil k-kuxtaleʼ yéetel bix jeʼel k-tsʼoʼokbesikoʼobeʼ?
«Ilawil bix jeʼel a maas meyajtik Jéeobaeʼ» (U xookil U Pʼíich Tulumil Kanan)
Ilawil baʼaxten kʼaʼabéet u yiijchajal u tuukul máak yéetel bix jeʼel u páajtal u beetkeʼ.